161 Corinthians 16

1But of the gaderyngis of money that ben maad in to seyntis, as Y ordeynede in the chirchis of Galathie, so also do ye o dai of the wouke.Select 1 Corinthians 16:1

2Ech of you kepe at hym silf, kepynge that that plesith to him, that whanne Y come, the gaderyngis ben not maad.Select 1 Corinthians 16:2

3And whanne Y schal be present, whiche men ye preuen, Y schal sende hem bi epistlis to bere youre grace in to Jerusalem.Select 1 Corinthians 16:3

4That if it be worthi that also Y go, thei schulen go with me.Select 1 Corinthians 16:4

5But Y schal come to you, whanne Y schal passe bi Macedonye; for whi Y schal passe bi Macedonye.Select 1 Corinthians 16:5

6But perauenture Y schal dwelle at you, or also dwelle the wynter, that and ye lede me whidir euere Y schal go.Select 1 Corinthians 16:6

7And Y wole not now se you in my passyng, for Y hope to dwelle with you awhile, if the Lord schal suffre.Select 1 Corinthians 16:7

8But Y schal dwelle at Efesi, `til to Witsuntide.Select 1 Corinthians 16:8

9For a grete dore and an opyn is openyd to me, and many aduersaries.Select 1 Corinthians 16:9

10And if Thimothe come, se ye that he be with out drede with you, for he worcheth the werk of the Lord, as Y.Select 1 Corinthians 16:10

11Therfor no man dispise hym; but lede ye hym forth in pees, that he come to me; for Y abide hym with britheren.Select 1 Corinthians 16:11

12But, britheren, Y make knowun to you of Apollo, that Y preiede him myche, that he schulde come to you, with britheren. But it was not his wille to come now; but he schal come, whanne he schal haue leiser.Select 1 Corinthians 16:12

13Walke ye, and stonde ye in the feith; do ye manli, and be ye coumfortid in the Lord,Select 1 Corinthians 16:13

14and be alle youre thingis don in charite.Select 1 Corinthians 16:14

15And, britheren, Y biseche you, ye knowen the hous of Stephan, and of Fortunati, and Acaicy, for thei ben the firste fruytis of Acaie, and in to mynystrie of seyntis thei han ordeyned hem silf;Select 1 Corinthians 16:15

16that also ye be sugetis to suche, and to ech worchynge togidere and trauelynge.Select 1 Corinthians 16:16

17For Y haue ioie in the presence of Stephan, and of Fortunate, and Acaici;Select 1 Corinthians 16:17

18for thei filliden that thing that failide to you; for thei han refreischid bothe my spirit and youre. Therfor knowe ye hem, that ben suche maner men.Select 1 Corinthians 16:18

19Alle the chirchis of Asie greten you wel. Aquila and Prisca, with her homeli chirche, greten you myche in the Lord, at the whiche also Y am herborid.Select 1 Corinthians 16:19

20Alle bretheren greten you wel. Grete ye wel togidere in hooli cos.Select 1 Corinthians 16:20

21My gretyng bi Poulis hoond.Select 1 Corinthians 16:21

22If ony man loueth not oure Lord Jhesu Crist, be he cursid, Maranatha.Select 1 Corinthians 16:22

23The grace of oure Lord Jhesu Crist be with you.Select 1 Corinthians 16:23

24My charite be with you alle in Crist Jhesu oure Lord. Amen.Select 1 Corinthians 16:24