41 Corinthians 4

1So a man gesse vs, as mynystris of Crist, and dispenderis of the mynysteries of God.Select 1 Corinthians 4:1

2Now it is souyt here among the dispenderis, that a man be foundun trewe.Select 1 Corinthians 4:2

3And to me it is for the leest thing, that Y be demyd of you, or of mannus dai; but nether Y deme my silf.Select 1 Corinthians 4:3

4For Y am no thing ouer trowynge to my silf, but not in this thing Y am iustified; for he that demeth me, is the Lord.Select 1 Corinthians 4:4

5Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.Select 1 Corinthians 4:5

6And, britheren, Y haue transfigurid these thingis in to me and in to Apollo, for you; that in vs ye lerne, lest ouer that it is writun, oon ayens another be blowun with pride for another.Select 1 Corinthians 4:6

7Who demeth thee? And what hast thou, that thou hast not resseyued? And if thou hast resseyued, what gloriest thou, as thou haddist not resseyued?Select 1 Corinthians 4:7

8Nowe ye ben fyllid, now ye ben maad riche; ye regnen with outen vs; and Y wolde that ye regnen, that also we regnen with you.Select 1 Corinthians 4:8

9And Y gesse, that God schewide vs the laste apostlis, as thilke that ben sent to the deth; for we ben maad a spectacle to the world, and to aungels, and to men.Select 1 Corinthians 4:9

10We foolis for Crist, but ye prudent in Crist; we sike, but ye stronge; ye noble, but we vnnoble.Select 1 Corinthians 4:10

11Til in to this our we hungren, and thirsten, and ben nakid, and ben smytun with buffatis,Select 1 Corinthians 4:11

12and we ben vnstable, and we trauelen worchynge with oure hondis; we ben cursid, and we blessen; we suffren persecucioun, and we abiden longe; we ben blasfemyd, and we bisechen;Select 1 Corinthians 4:12

13as clensyngis of this world we ben maad the `out castyng of alle thingis `til yit.Select 1 Corinthians 4:13

14Y write not these thingis, that Y confounde you, but Y warne as my moste dereworthe sones.Select 1 Corinthians 4:14

15For whi if ye han ten thousynde of vndur maistris in Crist, but not many fadris; for in Crist Jhesu Y haue gendrid you bi the gospel.Select 1 Corinthians 4:15

16Therfor, britheren, Y preye you, be ye foleweris of me, as Y of Crist.Select 1 Corinthians 4:16

17Therfor Y sente to you Tymothe, which is my most dereworthe sone, and feithful in the Lord, which schal teche you my weies, that ben in Crist Jhesu; as Y teche euery where in ech chirche.Select 1 Corinthians 4:17

18As thouy Y schulde not come to you, so summe ben blowun with pride;Select 1 Corinthians 4:18

19but Y schal come to you soone, if God wole; and Y schal knowe not the word of hem that ben blowun with pride, but the vertu.Select 1 Corinthians 4:19

20For the rewme of God is not in word, but in vertu.Select 1 Corinthians 4:20

21What wole ye? Schal Y come to you in a yerde, or in charite, and in spirit of myldenesse?Select 1 Corinthians 4:21