14Luke 14

1And it was don, whanne he hadde entrid in to the hous of a prince of Farisees, in the sabat, to ete breed, thei aspieden hym.Select Luke 14:1

2And lo! a man sijk in the dropesie was bifor hym.Select Luke 14:2

3And Jhesus answerynge spak to the wise men of lawe, and to the Farisees, and seide, Whethir it is leeueful to heele in the sabat?Select Luke 14:3

4And thei helden pees. And Jhesus took, and heelide hym, and let hym go.Select Luke 14:4

5And he answeride to hem, and seide, Whos asse or oxe of you schal falle in to a pit, and `he schal not anoon drawe hym out in the dai of the sabat?Select Luke 14:5

6And thei myyten not answere to hym to these thingis.Select Luke 14:6

7He seide also a parable to men bodun to a feeste, and biheld hou thei chesen the first sittyng placis, and seide to hem,Select Luke 14:7

8Whanne thou art bodun to bridalis, sitte not `at the mete in the firste place; lest perauenture a worthier than thou be bodun of hym,Select Luke 14:8

9and lest he come that clepide thee and hym, and seie to thee, Yyue place to this, and thanne thou schalt bigynne with schame to holde the lowest place.Select Luke 14:9

10But whanne thou art bedun to a feste, go, and sitte doun in the laste place, that whanne he cometh, that bad thee to the feeste, he seie to thee, Freend, come hiyer. Thanne worschip schal be to thee, bifor men that sitten at the mete.Select Luke 14:10

11For ech that enhaunsith hym, schal be lowid; and he that meketh hym, schal be hiyed.Select Luke 14:11

12And he seide to hym, that hadde bodun hym to the feeste, Whanne thou makist a mete, or a soper, nyle thou clepe thi freendis, nether thi britheren, nethir cosyns, nethir neiyboris, ne riche men; lest perauenture thei bidde thee ayen to the feeste, and it be yolde ayen to thee.Select Luke 14:12

13But whanne thou makist a feeste, clepe pore men,Select Luke 14:13

14feble, crokid, and blynde, and thou schalt be blessid; for thei han not wherof to yelde thee, for it schal be yoldun to thee in the risyng ayen of iust men.Select Luke 14:14

15And whanne oon of hem that saten togider at the mete hadde herd these thingis, he seide to hym, Blessid is he, that schal ete breed in the rewme of God.Select Luke 14:15

16And he seide to hym, A man made a greet soper, and clepide many.Select Luke 14:16

17And he sent his seruaunt in the our of soper, to seie to men that weren bodun to the feeste, that thei schulden come, for now alle thingis ben redi.Select Luke 14:17

18And alle bigunnen togidir to excusen hem. The firste seide, Y haue bouyt a toun, and Y haue nede to go out, and se it; Y preye thee, haue me excusid.Select Luke 14:18

19And the tother seide, Y haue bouyt fyue yockis of oxun, and Y go to preue hem; Y preye thee, haue me excusid.Select Luke 14:19

20And an othir seide, Y haue weddid a wijf; and therfor Y may not come.Select Luke 14:20

21And the seruaunt turnede ayen, and tolde these thingis to his lord. Thanne the hosebonde man was wrooth, and seide to his seruaunt, Go out swithe in to the grete stretis and smal stretis of the citee, and brynge ynne hidir pore men, and feble, blynde, and crokid.Select Luke 14:21

22And the seruaunt seide, Lord, it is don, as thou hast comaundid, and yit there is a void place.Select Luke 14:22

23And the lord seide to the seruaunt, Go out in to weies and heggis, and constreine men to entre, that myn hous be fulfillid.Select Luke 14:23

24For Y seie to you, that noon of tho men that ben clepid, schal taaste my soper.Select Luke 14:24

25And myche puple wenten with hym; and he turnede, and seide to hem,Select Luke 14:25

26If ony man cometh to me, and hatith not his fadir, and modir, and wijf, and sones, and britheren, and sistris, and yit his owne lijf, he may not be my disciple.Select Luke 14:26

27And he that berith not his cross, and cometh aftir me, may not be my disciple.Select Luke 14:27

28For who of you willynge to bilde a toure, whether he `first sitte not, and countith the spensis that ben nedeful, if he haue to perfourme?Select Luke 14:28

29Lest aftir that he hath set the foundement, and mowe not perfourme, alle that seen, bigynnen to scorne hym, and seie, For this man bigan to bilde,Select Luke 14:29

30and myyte not make an ende.Select Luke 14:30

31Or what kyng that wole go to do a bataile ayens anothir kyng, whether he sittith not first, and bithenkith, if he may with ten thousynde go ayens hym that cometh ayens hym with twenti thousynde?Select Luke 14:31

32Ellis yit while he is afer, he sendynge a messanger, preieth tho thingis that ben of pees.Select Luke 14:32

33So therfor ech of you, that forsakith not alle thingis that he hath, may not be my disciple.Select Luke 14:33

34Salt is good; but if salt vanysche, in what thing schal it be sauerid?Select Luke 14:34

35Nethir in erthe, nethir in donghille it is profitable, but it schal be cast out. He that hath eeris of herynge, here he.Select Luke 14:35