20Luke 20

1And it was don in oon of the daies, whanne he tauyte the puple in the temple, and prechide the gospel, the princis of preestis and scribis camen togidere with the elder men;Select Luke 20:1

2and thei seiden to hym, Seie to vs, in what power thou doist these thingis, or who is he that yaf to thee this power?Select Luke 20:2

3And Jhesus answeride, and seide to hem, And Y schal axe you o word; answere ye to me.Select Luke 20:3

4Was the baptym of Joon of heuene, or of men?Select Luke 20:4

5And thei thouyten with ynne hem silf, seiynge, For if we seien, Of heuene, he schal seie, Whi thanne bileuen ye not to hym?Select Luke 20:5

6and if we seien, Of men, al the puple schal stoone vs; for thei ben certeyn, that Joon is a prophete.Select Luke 20:6

7And thei answeriden, that thei knewen not, of whennus it was.Select Luke 20:7

8And Jhesus seide to hem, Nether Y seie to you, in what power Y do these thingis.Select Luke 20:8

9And he bigan to seie to the puple this parable. A man plauntide a vynyerd, and hiride it to tilieris; and he was in pilgrimage longe tyme.Select Luke 20:9

10And in the tyme of gaderynge of grapis, he sente a seruaunt to the tilieris, that thei schulden yyue to hym of the fruyt of the vynyerd; whiche beten hym, and leten hym go voide.Select Luke 20:10

11And he thouyte yit to sende another seruaunt; and thei beten this, and turmentiden hym sore, and leten hym go.Select Luke 20:11

12And he thouyte yit to sende the thridde, and hym also thei woundiden, and castiden out.Select Luke 20:12

13And the lord of the vyneyerd seide, What schal Y do? Y schal sende my dereworthe sone; perauenture, whanne thei seen hym, thei schulen drede.Select Luke 20:13

14And whanne the tilieris sayn hym, thei thouyten with ynne hem silf, and seiden, This is the eire, sle we hym, that the eritage be oure.Select Luke 20:14

15And thei castiden hym out of the vyneyerd, and killiden hym. What schal thanne the lord of the vyneyerd do to hem?Select Luke 20:15

16He schal come, and distruye these tilieris, and yyue the vyneyerd to othere. And whanne this thing was herd, thei seiden to hym, God forbede.Select Luke 20:16

17But he bihelde hem, and seide, What thanne is this that is writun, The stoon which men bildynge repreueden, this is maad in to the heed of the corner?Select Luke 20:17

18Ech that schal falle on that stoon, schal be to-brisid, but on whom it schal falle, it schal al to-breke him.Select Luke 20:18

19And the princis of prestis, and scribis, souyten to leye on hym hoondis in that our, and thei dredden the puple; for thei knewen that to hem he seide this liknesse.Select Luke 20:19

20And thei aspieden, and senten aspieris, that feyneden hem iust, that thei schulden take hym in word, and bitaak hym to the `power of the prince, and to the power of the iustice.Select Luke 20:20

21And thei axiden hym, and seiden, Maister, we witen, that riytli thou seist and techist; and thou takist not the persoone of man, but thou techist in treuthe the weie of God.Select Luke 20:21

22Is it leueful to vs to yyue tribute to the emperoure, or nay?Select Luke 20:22

23And he biheld the disseit of hem, and seide to hem, What tempten ye me?Select Luke 20:23

24Shewe ye to me a peny; whos ymage and superscripcioun hath it? Thei answerden, and seiden to hym, The emperouris.Select Luke 20:24

25And he seide to hem, Yelde ye therfor to the emperoure tho thingis that ben the emperours, and tho thingis that ben of God, to God.Select Luke 20:25

26And thei myyten not repreue his word bifor the puple; and thei wondriden in his answere, and heelden pees.Select Luke 20:26

27Summe of the Saduceis, that denyeden the ayenrisyng fro deeth to lijf, camen, and axiden hym,Select Luke 20:27

28and seiden, Maister, Moises wroot to vs, if the brother of ony man haue a wijf, and be deed, and he was with outen eiris, that his brothir take his wijf, and reise seed to his brother.Select Luke 20:28

29And so there weren seuene britheren. The firste took a wijf, and is deed with outen eiris;Select Luke 20:29

30and the brothir suynge took hir, and he is deed with outen sone;Select Luke 20:30

31and the thridde took hir; also and alle seuene, and leften not seed, but ben deed;Select Luke 20:31

32and the laste of alle the womman is deed.Select Luke 20:32

33Therfor in the `risyng ayen, whos wijf of hem schal sche be? for seuene hadden hir to wijf.Select Luke 20:33

34And Jhesus seide to hem, Sones of this world wedden, and ben youun to weddyngis;Select Luke 20:34

35but thei that schulen be had worthi of that world, and of the `risyng ayen fro deeth, nethir ben wedded,Select Luke 20:35

36nethir wedden wyues, nethir schulen mowe die more; for thei ben euen with aungels, and ben the sones of God, sithen thei ben the sones of `risyng ayen fro deeth.Select Luke 20:36

37And that deed men risen ayen, also Moises schewide bisidis the busch, as he seith, The Lord God of Abraham, and God of Ysaac, and God of Jacob.Select Luke 20:37

38And God is not of deed men, but of lyuynge men; for alle men lyuen to hym.Select Luke 20:38

39And summe of scribis answeringe, seiden, Maistir, thou hast wel seid.Select Luke 20:39

40And thei dursten no more axe hym ony thing.Select Luke 20:40

41But he seide to hem, How seien men, Crist to be the sone of Dauid,Select Luke 20:41

42and Dauid hym silf seith in the book of Salmes, The Lord seide to my lord, Sitte thou on my riythalf,Select Luke 20:42

43til that Y putte thin enemyes a stool of thi feet?Select Luke 20:43

44Therfor Dauid clepith hym lord, and hou is he his sone?Select Luke 20:44

45And in heryng of al the puple, he seide to hise disciplis,Select Luke 20:45

46Be ye war of scribis, that wolen wandre in stolis, and louen salutaciouns in chepyng, and the firste chaieris in synagogis, and the firste sittynge placis in feestis;Select Luke 20:46

47that deuouren the housis of widewis, and feynen long preiyng; these schulen take the more dampnacioun.Select Luke 20:47