24Luke 24

1But in o dai of the woke ful eerli thei camen to the graue, and brouyten swete smellynge spices, that thei hadden arayed.Select Luke 24:1

2And thei founden the stoon turned awei fro the graue.Select Luke 24:2

3And thei yeden in, and founden not the bodi of the Lord Jhesu.Select Luke 24:3

4And it was don, the while thei weren astonyed in thouyt of this thing, lo! twei men stoden bisidis hem in schynynge cloth.Select Luke 24:4

5And whanne thei dredden, and boweden her semblaunt in to the erthe, thei seiden to hem, What seken ye hym that lyueth with deed men?Select Luke 24:5

6He is not here, but is risun. Haue ye mynde, hou he spak to you, whanne he was yit in Galile,Select Luke 24:6

7and seide, For it bihoueth mannys sone to be bitakun in to the hondis of synful men, and to be crucified, and the thridde dai to rise ayen.Select Luke 24:7

8And thei bithouyten on hise wordis.Select Luke 24:8

9And thei yeden ayen fro the graue, and telden alle these thingis to the enleuene, and to alle othir.Select Luke 24:9

10And ther was Marie Mawdeleyn, and Joone, and Marie of James, and other wymmen that weren with hem, that seiden to apostlis these thingis.Select Luke 24:10

11And these wordis weren seyn bifor hem as madnesse, and thei bileueden not to hem.Select Luke 24:11

12But Petir roos vp, and ran to the graue; and he bowide doun, and say the lynen clothis liynge aloone. And he wente bi him silf, wondrynge on that that was don.Select Luke 24:12

13And lo! tweyne of hem wenten in that dai in to a castel, that was fro Jerusalem the space of sixti furlongis, bi name Emaws.Select Luke 24:13

14And thei spaken togidir of alle these thingis that haddun bifallun.Select Luke 24:14

15And it was don, the while thei talkiden, and souyten bi hem silf, Jhesus hym silf neiyede, and wente with hem.Select Luke 24:15

16But her iyen weren holdun, that thei knewen him not.Select Luke 24:16

17And he seide to hem, What ben these wordis, that ye speken togidir wandrynge, and ye ben sorewful?Select Luke 24:17

18And oon, whos name was Cleofas, answerde, and seide, Thou thi silf art a pilgrym in Jerusalem, and hast thou not knowun, what thingis ben don in it in these daies?Select Luke 24:18

19To whom he seide, What thingis? And thei seiden to hym, Of Jhesu of Nazareth, that was a man prophete, myyti in werk and word bifor God and al the puple;Select Luke 24:19

20and hou the heiyest preestis of oure princis bitoken hym in to dampnacioun of deeth, and crucifieden hym.Select Luke 24:20

21But we hopiden, that he schulde haue ayenbouyt Israel. And now on alle these thingis the thridde dai is to dai, that these thingis weren don.Select Luke 24:21

22But also summe wymmen of ouris maden vs afered, whiche bifor dai weren at the graue; and whanne his bodi was not foundun,Select Luke 24:22

23thei camen, and seiden, that thei syen also a siyt of aungels, whiche seien, that he lyueth.Select Luke 24:23

24And summe of oure wenten to the graue, and thei founden so as the wymmen seiden, but thei founden not hym.Select Luke 24:24

25And he seide to hem, A! foolis, and slowe of herte to bileue in alle thingis that the prophetis han spokun.Select Luke 24:25

26Whethir it bihofte not Crist to suffre these thingis, and so to entre in to his glorie?Select Luke 24:26

27And he bigan at Moises and at alle the prophetis, and declaride to hem in alle scripturis, that weren of hym.Select Luke 24:27

28And thei camen nyy the castel, whidur thei wenten. And he made countenaunce that he wolde go ferthere.Select Luke 24:28

29And thei constreyneden hym, and seiden, Dwelle with vs, for it drawith to nyyt, and the dai is now bowid doun.Select Luke 24:29

30And he entride with hem. And it was don, while he sat at the mete with hem, he took breed, and blesside, and brak, and took to hem.Select Luke 24:30

31And the iyen of hem weren openyd, and thei knewen hym; and he vanyschide fro her iyen.Select Luke 24:31

32And thei seiden togidir, Whether oure herte was not brennynge in vs, while he spak in the weie, and openyde to vs scripturis?Select Luke 24:32

33And thei risen vp in the same our, and wenten ayen in to Jerusalem, and founden the enleuene gaderid togidir, and hem that weren with hem,Select Luke 24:33

34seiynge, That the Lord is risun verrili, and apperide to Symount.Select Luke 24:34

35And thei tolden what thingis weren don in the weie, and hou thei knewen hym in brekyng of breed.Select Luke 24:35

36And the while thei spaken these thingis, Jhesus stood in the myddil of hem, and seide to hem, Pees to you; Y am, nyle ye drede.Select Luke 24:36

37But thei weren affraied and agast, and gessiden hem to se a spirit.Select Luke 24:37

38And he seide to hem, What ben ye troblid, and thouytis comen vp in to youre hertis?Select Luke 24:38

39Se ye my hoondis and my feet, for Y my silf am. Fele ye, and se ye; for a spirit hath not fleisch and boonys, as ye seen that Y haue.Select Luke 24:39

40And whanne he hadde seid this thing, he schewide hoondis and feet to hem.Select Luke 24:40

41And yit while thei bileueden not, and wondriden for ioye, he seide, Han ye here ony thing that schal be etun?Select Luke 24:41

42And thei proferden hym a part of a fisch rostid, and an hony combe.Select Luke 24:42

43And whanne he hadde etun bifore hem, he took that that lefte, and yaf to hem;Select Luke 24:43

44and seide `to hem, These ben the wordis that Y spak to you, whanne Y was yit with you; for it is nede that alle thingis ben fulfillid, that ben writun in the lawe of Moises, and in prophetis, and in salmes, of me.Select Luke 24:44

45Thanne he openyde to hem wit, that thei schulden vnderstonde scripturis.Select Luke 24:45

46And he seide to hem, For thus it is writun, and thus it bihofte Crist to suffre, and ryse ayen fro deeth in the thridde dai;Select Luke 24:46

47and penaunce and remyssioun of synnes to be prechid in his name `in to alle folkis, bigynnynge at Jerusalem.Select Luke 24:47

48And ye ben witnessis of these thingis.Select Luke 24:48

49And Y schal sende the biheest of my fadir in to you; but sitte ye in the citee, til that ye be clothid with vertu from an hiy.Select Luke 24:49

50And he ledde hem forth in to Betanye, and whanne his hondis weren lift vp, he blesside hem.Select Luke 24:50

51And it was don, the while he blesside hem, he departide fro hem, and was borun in to heuene.Select Luke 24:51

52And thei worschipiden, and wenten ayen in to Jerusalem with greet ioye,Select Luke 24:52

53and weren euermore in the temple, heriynge and blessynge God.Select Luke 24:53