12 Thessalonians 1

1Poul, and Siluan, and Tymothe, to the chirche of Tessalonicensis, in God oure fadir,Select 2 Thessalonians 1:1

2and in the Lord Jhesu Crist, grace to you and pees of God, oure fadir, and of the Lord Jhesu Crist.Select 2 Thessalonians 1:2

3We owen to do thankyngis eueremore to God for you, britheren, so as it is worthi, for youre feith ouer wexith, and the charite of ech of you to othere aboundith.Select 2 Thessalonians 1:3

4So that we silf glorien in you in the chirchis of God, for youre pacience and feith in alle youre persecuciouns and tribulaciouns.Select 2 Thessalonians 1:4

5Whiche ye susteynen in to the ensaumple of the iust dom of God, that ye be had worthi in the kingdom of God, for which ye suffren.Select 2 Thessalonians 1:5

6If netheles it is iust tofor God to quite tribulacioun to hem that troblen you,Select 2 Thessalonians 1:6

7and to you that ben troblid, rest with vs in the schewing of the Lord Jhesu fro heuene, with aungelis of his vertu,Select 2 Thessalonians 1:7

8in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist.Select 2 Thessalonians 1:8

9Whiche schulen suffre euere lastinge peynes, in perischinge fro the face of the Lord, and fro the glorie of his vertu,Select 2 Thessalonians 1:9

10whanne he schal come to be glorified in hise seyntis, and to be maad wondurful in alle men that bileueden, for oure witnessing is bileuyd on you, in that dai.Select 2 Thessalonians 1:10

11In which thing also we preien euere more for you, that oure God make you worthi to his cleping, and fille al the wille of his goodnesse, and the werk of feith in vertu;Select 2 Thessalonians 1:11

12that the name of oure Lord Jhesu Crist be clarified in you, and ye in hym, bi the grace of oure Lord Jhesu Crist.Select 2 Thessalonians 1:12