10Mark 10

1And Jhesus roos vp fro thennus, and cam in to the coostis of Judee ouer Jordan; and eftsoones the puple cam togidere to hym, and as he was wont, eftsoone he tauyte hem.Select Mark 10:1

2And the Farisees camen, and axiden hym, Whether it be leueful to a man to leeue his wijf? and thei temptiden hym.Select Mark 10:2

3And he answeride, and seide to hem, What comaundide Moises to you?Select Mark 10:3

4And thei seiden, Moises suffride to write a libel of forsaking, and to forsake.Select Mark 10:4

5`To whiche Jhesus answeride, and seide, For the hardnesse of youre herte Moises wroot to you this comaundement.Select Mark 10:5

6But fro the bigynnyng of creature God made hem male and female;Select Mark 10:6

7and seide, For this thing a man schal leeue his fadir and modir,Select Mark 10:7

8and schal drawe to hys wijf, and thei schulen be tweyne in o flesch. And so now thei ben not tweyne, but o flesch.Select Mark 10:8

9Therfor that thing that God ioynede togidere, no man departe.Select Mark 10:9

10And eftsoone in the hous hise disciplis axiden hym of the same thing.Select Mark 10:10

11And he seide to hem, Who euer leeuith his wijf, and weddith another, he doith auowtri on hir.Select Mark 10:11

12And if the wijf leeue hir housebonde, and be weddid to another man, sche doith letcherie.Select Mark 10:12

13And thei brouyten to hym litle children, that he schulde touche hem; and the disciplis threteneden the men, that brouyten hem.Select Mark 10:13

14And whanne Jhesus hadde seyn hem, he baar heuy, and seide to hem, Suffre ye litle children to come to me, and forbede ye hem not, for of suche is the kyngdom of God.Select Mark 10:14

15Treuli Y seie to you, who euer resseyueth not the kyngdom of God as a litil child, he schal not entre in to it.Select Mark 10:15

16And he biclippide hem, and leide hise hondis on hem, and blisside hem.Select Mark 10:16

17And whanne Jhesus was gon out in the weie, a man ranne bifore, and knelide bifor hym, and preiede hym, and seide, Good maister, what schal Y do, that Y resseyue euerlastynge lijf?Select Mark 10:17

18And Jhesus seide to hym, What seist thou, that Y am good? Ther is no man good, but God hym silf.Select Mark 10:18

19Thou knowist the comaundementis, do thou noon auowtrie, `sle not, stele not, seie not fals witnessyng, do no fraude, worschipe thi fadir and thi modir.Select Mark 10:19

20And he answeride, and seide to hym, Maister, Y haue kept alle these thingis fro my yongthe.Select Mark 10:20

21And Jhesus bihelde hym, and louede hym, and seide to hym, O thing faileth to thee; go thou, and sille alle thingis that thou hast, and yyue to pore men, and thou schalt haue tresoure in heuene; and come, sue thou me.Select Mark 10:21

22And he was ful sori in the word, and wente awei mornyng, for he hadde many possessiouns.Select Mark 10:22

23And Jhesus bihelde aboute, and seide to hise disciplis, Hou hard thei that han ritchessis schulen entre in to the kyngdom of God.Select Mark 10:23

24And the disciplis weren astonyed in hise wordis. And Jhesus eftsoone answeride, and seide `to hem, Ye litle children, hou hard it is for men that tristen in ritchessis to entre in to the kyngdom of God.Select Mark 10:24

25It is liyter a camele to passe thorou a nedlis iye, than a riche man to entre in to the kyngdom of God.Select Mark 10:25

26And thei wondriden more, and seiden among hem silf, And who may be sauyd?Select Mark 10:26

27And Jhesus bihelde hem, and seide, Anentis men it is impossible, but not anentis God; for alle thingis ben possible anentis God.Select Mark 10:27

28And Petir bigan to seie to hym, Lo! we han left alle thingis, and han sued thee.Select Mark 10:28

29Jhesus answeride, and seide, Treuli Y seie to you, ther is no man that leeueth hous, or britheren, or sistris, or fadir, or modir, or children, or feeldis for me and for the gospel,Select Mark 10:29

30which schal not take an hundrid fold so myche now in this tyme, housis, and britheren, and sistris, and modris, and children, and feeldis, with persecuciouns, and in the world to comynge euerlastynge lijf.Select Mark 10:30

31But many schulen be, the firste the last, and the last the firste.Select Mark 10:31

32And thei weren in the weie goynge vp to Jerusalem; and Jhesus wente bifor hem, and thei wondriden, and foleweden, and dredden. And eftsoone Jhesus took the twelue, and bigan to seie to hem, what thingis weren to come to hym.Select Mark 10:32

33For lo! we stien to Jerusalem, and mannus sone schal be bitraied to the princis of prestis, and to scribis, and to the eldre men; and thei schulen dampne hym bi deth, and thei schulen take hym to hethene men. And thei schulen scorne hym,Select Mark 10:33

34and bispete hym, and bete him; and thei schulen sle hym, and in the thridde dai he schal rise ayen.Select Mark 10:34

35And James and Joon, Zebedees sones, camen to hym, and seiden, Maister, we wolen, that what euer we axen, thou do to vs.Select Mark 10:35

36And he seide to hem, What wolen ye that Y do to you?Select Mark 10:36

37And thei seiden, Graunte to vs, that we sitten `the toon at thi riythalf, and the tother at thi left half, in thi glorie.Select Mark 10:37

38And Jhesus seide to hem, Ye witen not what ye axen; moun ye drynke the cuppe, which Y schal drynke, or be waischun with the baptym, in which Y am baptisid?Select Mark 10:38

39And thei seiden to hym, We moun. And Jhesus seide to hem, Ye schulen drynke the cuppe that Y drynke, and ye schulen be waschun with the baptym, in which Y am baptisid;Select Mark 10:39

40but to sitte at my riythalf or lefthalf is not myn to yyue to you, but to whiche it is maad redi.Select Mark 10:40

41And the ten herden, and bigunnen to haue indignacioun of James and Joon.Select Mark 10:41

42But Jhesus clepide hem, and seide to hem, Ye witen, that thei that semen to haue prynshode of folkis, ben lordis of hem, and the princes of hem han power of hem.Select Mark 10:42

43But it is not so among you, but who euer wole be maad gretter, schal be youre mynyster;Select Mark 10:43

44and who euer wole be the firste among you, schal be seruaunt of alle.Select Mark 10:44

45For whi mannus sone cam not, that it schulde be mynystrid to hym, but that he schulde mynystre, and yyue his lijf ayenbiyng for manye.Select Mark 10:45

46And thei camen to Jerico; and whanne he yede forth fro Jerico, and hise disciplis, and a ful myche puple, Barthymeus, a blynde man, the sone of Thimei, sat bisidis the weie, and beggide.Select Mark 10:46

47And whanne he herde, that it is Jhesus of Nazareth, he bigan to crie, and seie, Jhesu, the sone of Dauid, haue merci on me.Select Mark 10:47

48And manye thretneden hym, that he schulde be stille; and he criede myche the more, Jhesu, the sone of Dauid, haue merci on me.Select Mark 10:48

49And Jhesus stood, and comaundide hym to be clepid; and thei clepen the blynde man, and seien to hym, Be thou of betere herte, rise vp, he clepith thee.Select Mark 10:49

50And he castide awei his cloth, and skippide, and cam to hym.Select Mark 10:50

51And Jhesus answeride, and seide to hym, What wolt thou, that Y schal do to thee? The blynde man seide to hym, Maister, that Y se.Select Mark 10:51

52Jhesus seide to hym, Go thou, thi feith hath maad thee saaf. And anoon he saye, and suede hym in the weie.Select Mark 10:52