13Mark 13

1And whanne he wente out of the temple, oon of hise disciplis seide to hym, Maister, biholde, what maner stoonys, and what maner bildyngis.Select Mark 13:1

2And Jhesu answeride, and seide to hym, Seest thou alle these grete bildingis? ther schal not be left a stoon on a stoon, which schal not be distried.Select Mark 13:2

3And whanne he sat in the mount of Olyues ayens the temple, Petir and James and Joon and Andrew axiden hym bi hem silf,Select Mark 13:3

4Seie thou to vs, whanne these thingis schulen be don, and what tokene schal be, whanne alle these thingis schulen bigynne to be endid.Select Mark 13:4

5And Jhesus answeride, and bigan to seie to hem, Loke ye, that no man disseyue you;Select Mark 13:5

6for manye schulen come in my name, seiynge, That Y am; and thei schulen disseyue manye.Select Mark 13:6

7And whanne ye here batels and opynyouns of batels, drede ye not; for it bihoueth these thingis to be doon, but not yit anoon is the ende.Select Mark 13:7

8For folk schal rise on folk, and rewme on rewme, and erthe mouyngis and hungur schulen be bi placis; these thingis schulen be bigynnyngis of sorewis.Select Mark 13:8

9But se ye you silf, for thei schulen take you in counsels, and ye schulen be betun in synagogis; and ye schulen stonde bifor kyngis and domesmen for me, in witnessyng to hem.Select Mark 13:9

10And it bihoueth, that the gospel be first prechid among al folk.Select Mark 13:10

11And whanne thei taken you, and leden you forth, nyle ye bifore thenke what ye schulen speke, but speke ye that thing that schal be youun to you in that our; for ye ben not the spekeris, but the Hooli Goost.Select Mark 13:11

12For a brother schal bitake the brother in to deth, and the fadir the sone, and sones schulen rise togider ayens fadris and modris, and punysche hem bi deeth.Select Mark 13:12

13And ye schulen be in hate to alle men for my name; but he that lastith in to the ende, schal be saaf.Select Mark 13:13

14But whanne ye schulen se the abhomynacioun of discoumfort, stondynge where it owith not; he that redith, vndurstonde; thanne thei that be in Judee, fle `in to hillis.Select Mark 13:14

15And he that is aboue the roof, come not doun in to the hous, nethir entre he, to take ony thing of his hous;Select Mark 13:15

16and he that schal be in the feeld, turne not ayen bihynde to take his cloth.Select Mark 13:16

17But wo to hem that ben with child, and norischen in tho daies.Select Mark 13:17

18Therfor preye ye, that thei be not don in wyntir.Select Mark 13:18

19But thilke daies of tribulacioun schulen be suche, whiche maner weren not fro the bigynnyng of creature, which God hath maad, til now, nethir schulen be.Select Mark 13:19

20And but the Lord hadde abredgide tho daies, al fleische hadde not be saaf; but for the chosun whiche he chees, the Lord hath maad schort the daies.Select Mark 13:20

21And thanne if ony man seie to you, Lo! here is Crist, lo! there, bileue ye not.Select Mark 13:21

22For false Cristis and false prophetis schulen rise, and schulen yyue tokenes and wondris, to disseyue, if it may be don, yhe, hem that be chosun.Select Mark 13:22

23Therfor take ye kepe; lo! Y haue bifor seid to you alle thingis.Select Mark 13:23

24But in tho daies, aftir that tribulacioun, the sunne schal be maad derk, and the moon schal not yyue hir liyt,Select Mark 13:24

25and the sterris of heuene schulen falle doun, and the vertues that ben in heuenes, schulen be moued.Select Mark 13:25

26And thanne thei schulen se mannus sone comynge in cloudis of heuene, with greet vertu and glorie.Select Mark 13:26

27And thanne he schal sende hise aungelis, and schal geder hise chosun fro the foure wyndis, fro the hiyest thing of erthe til to the hiyest thing of heuene.Select Mark 13:27

28But of the fige tree lerne ye the parable. Whanne now his braunche is tendre, and leeues ben sprongun out, ye knowen that somer is nyy.Select Mark 13:28

29So whanne ye seen these thingis be don, wite ye, that it is nyy in the doris.Select Mark 13:29

30Treuli Y seie to you, that this generacioun schal not passe awei, til alle these thingis be don.Select Mark 13:30

31Heuene and erthe schulen passe, but my wordis schulen not passe.Select Mark 13:31

32But of that dai or our no man woot, nether aungels in heuene, nether the sone, but the fadir.Select Mark 13:32

33Se ye, wake ye, and preie ye; for ye witen not, whanne the tyme is.Select Mark 13:33

34For as a man that is gon fer in pilgrimage, lefte his hous, and yaf to his seruauntis power of euery work, and comaundide to the porter, that he wake.Select Mark 13:34

35Therfor wake ye, for ye witen not, whanne the lord of the hous cometh, in the euentide, or at mydnyyt, or at cockis crowyng, or in the mornyng;Select Mark 13:35

36leste whanne he cometh sodenli, he fynde you slepynge.Select Mark 13:36

37Forsothe that that Y seie to you, Y seie to alle, Wake ye.Select Mark 13:37