15Mark 15

1And anoon in the morewtid the hiyeste prestis maden a counsel with the elder men, and the scribis, and with al the counsel, and bounden Jhesu and ledden, and bitoken hym to Pilat.Select Mark 15:1

2And Pilat axide hym, Art thou kynge of Jewis? And Jhesus answeride, and seide to hym, Thou seist.Select Mark 15:2

3And the hieste prestis accusiden hym in many thingis.Select Mark 15:3

4But Pilat eftsoone axide hym, and seide, Answerist thou no thing? Seest thou in hou many thingis thei accusen thee?Select Mark 15:4

5But Jhesus answeride no more, so that Pilat wondride.Select Mark 15:5

6But bi the feeste dai he was wont to leeue to hem oon of men boundun, whom euer thei axiden.Select Mark 15:6

7And `oon ther was that was seid Barabas, that was boundun with men of dissencioun, that hadden don manslauytir in seducioun.Select Mark 15:7

8And whanne the puple was gon vp, he bigan to preie, as he euer more dide to hem.Select Mark 15:8

9And Pilat answeride `to hem, and seide, Wolen ye Y leeue to you the kyng of Jewis?Select Mark 15:9

10For he wiste, that the hiyeste prestis hadden takun hym bi enuye.Select Mark 15:10

11But the bischopis stireden the puple, that he schulde rather leeue to hem Barabas.Select Mark 15:11

12And eftsoone Pilat answerde, and seide to hem, What thanne wolen ye that Y schal do to the kyng of Jewis?Select Mark 15:12

13And thei eftsoone crieden, Crucifie hym.Select Mark 15:13

14But Pilat seide to hem, What yuel hath he don? And thei crieden the more, Crucifie hym.Select Mark 15:14

15And Pilat, willynge to make aseeth to the puple, lefte to hem Barabas, and bitok to hem Jhesu, betun with scourgis, to be crucified.Select Mark 15:15

16And knyytis ledden hym with ynneforth, in to the porche of the mote halle. And thei clepiden togidir al the cumpany of knyytis,Select Mark 15:16

17and clothiden hym with purpur. And thei writhen a coroun of thornes, and puttiden on hym.Select Mark 15:17

18And thei bigunnen to grete hym, and seiden, Heile, thou kyng of Jewis.Select Mark 15:18

19And thei smyten his heed with a reed, and bispatten hym; and thei kneliden, and worschipiden hym.Select Mark 15:19

20And aftir that thei hadden scorned him, thei vnclothiden hym of purpur, and clothiden hym with hise clothis, and ledden out hym, to crucifie hym.Select Mark 15:20

21And thei compelliden a man that passide the weie, that cam fro the toun, Symount of Syrenen, the fader of Alisaundir and of Rufe, to bere his cross.Select Mark 15:21

22And thei ledden hym in to a place Golgatha, that is to seie, the place of Caluari.Select Mark 15:22

23And thei yauen to hym to drynke wyn meddlid with mirre, and he took not.Select Mark 15:23

24And thei crucifieden him, and departiden hise clothis, and kesten lot on tho, who schulde take what.Select Mark 15:24

25And it was the thridde our, and thei crucifieden hym.Select Mark 15:25

26And the titil of his cause was writun, Kyng of Jewis.Select Mark 15:26

27And thei crucifien with hym twei theues, oon `at the riythalf and oon at his lefthalf.Select Mark 15:27

28And the scripture was fulfillid that seith, And he is ordeyned with wickid men.Select Mark 15:28

29And as thei passiden forth, thei blasfemyden hym, mouynge her heedis, and seiynge, Vath! thou that distriest the temple of God, and in `thre daies bildist it ayen;Select Mark 15:29

30come adoun fro the crosse, and make thi silf saaf.Select Mark 15:30

31Also the hiyeste prestis scorneden hym ech to othir with the scribis, and seiden, He made othir men saaf, he may not saue hym silf.Select Mark 15:31

32Crist, kyng of Israel, come doun now fro the cross, that we seen, and bileuen. And thei that weren crucified with hym, dispiseden hym.Select Mark 15:32

33And whanne the sixte hour was come, derknessis weren made on al the erthe til in to the nynthe our.Select Mark 15:33

34And in the nynthe our Jhesus criede with a greet vois, and seide, Heloy, Heloy, lamasabatany, that is to seie, My God, my God, whi hast thou forsakun me?Select Mark 15:34

35And summe of men that stoden aboute herden, and seiden, Lo! he clepith Helye.Select Mark 15:35

36And oon ranne, and fillide a spounge with vynegre, and puttide aboute to a reede, and yaf to hym drynke, and seide, Suffre ye, se we, if Helie come to do hym doun.Select Mark 15:36

37And Jhesus yaf out a greet cry, and diede.Select Mark 15:37

38And the veil of the temple was rent atwo fro the hiyeste to bynethe.Select Mark 15:38

39But the centurien that stood forn ayens siy, that he so criynge hadde diede, and seide, Verili, this man was Goddis sone.Select Mark 15:39

40And ther weren also wymmen biholdynge fro afer, among whiche was Marie Maudeleyn, and Marie, the modir of James the lesse, and of Joseph, and of Salome.Select Mark 15:40

41And whanne Jhesus was in Galilee, thei folewiden hym, and mynystriden to hym, and many othere wymmen, that camen vp togidir with him to Jerusalem.Select Mark 15:41

42And whanne euentid was come, for it was the euentid which is bifor the sabat,Select Mark 15:42

43Joseph of Armathie, the noble decurioun, cam, and he abood the rewme of God; and booldli he entride to Pilat, and axide the bodi of Jhesu.Select Mark 15:43

44But Pilat wondride, if he were now deed.Select Mark 15:44

45And whanne the centurion was clepid, he axide hym, if he were deed; and whanne he knewe of the centurion, he grauntide the bodi of Jhesu to Joseph.Select Mark 15:45

46And Joseph bouyte lynnen cloth, and took hym doun, and wlappide in the lynnen cloth, and leide hym in a sepulcre that was hewun of a stoon, and walewide a stoon to the dore of the sepulcre.Select Mark 15:46

47And Marie Maudeleyne and Marie of Joseph bihelden, where he was leid.Select Mark 15:47