3Mark 3

1And he entride eftsoone in to the synagoge, and there was a man hauynge a drye hoond.Select Mark 3:1

2And thei aspieden hym, if he helide in the sabatis, to accuse him.Select Mark 3:2

3And he seide to the man that hadde a drie hoond, Rise in to the myddil.Select Mark 3:3

4And he seith to hem, Is it leeueful to do wel in the sabatis, ether yuel? to make a soul saaf, ether to leese? And thei weren stille.Select Mark 3:4

5And he biheeld hem aboute with wraththe, and hadde sorewe on the blyndnesse of her herte, and seith to the man, Hold forth thin hoond. And he helde forth, and his hoond was restorid to hym.Select Mark 3:5

6Sotheli Farisees yeden out anoon, and maden a counsel with Erodians ayens hym, hou thei schulden lese hym.Select Mark 3:6

7But Jhesus with hise disciplis wente to the see; and myche puple fro Galilee and Judee suede hym,Select Mark 3:7

8and fro Jerusalem, and fro Ydume, and fro biyondis Jordan, and thei that weren aboute Tire and Sidon, a greet multitude, heringe the thingis that he dide, and cam to hym.Select Mark 3:8

9And Jhesus seide to hise disciplis, that the boot schulde serue hym, for the puple, lest thei thristen hym;Select Mark 3:9

10for he heelide many, so that thei felden fast to hym, to touche hym. And hou many euer hadde syknessis, and vnclene spirits,Select Mark 3:10

11whanne thei seyen hym, felden doun to hym, and crieden, seiynge, Thou art the sone of God.Select Mark 3:11

12And greetli he manasside hem, that thei schulden not make hym knowun.Select Mark 3:12

13And he wente in to an hille, and clepide to hym whom he wolde; and thei camen to hym.Select Mark 3:13

14And he made, that there weren twelue with hym, to sende hem to preche.Select Mark 3:14

15And he yaf to hem pouwer to heele sijknessis, and to caste out feendis.Select Mark 3:15

16And to Symount he yaf a name Petre, and he clepide James of Zebede and Joon,Select Mark 3:16

17the brother of James, and he yaf to hem names Boenarges, that is, sones of thundryng.Select Mark 3:17

18And he clepide Andrew and Filip, and Bartholomew and Matheu, and Thomas and James Alfey, and Thadee,Select Mark 3:18

19and Symount Cananee, and Judas Scarioth, that bitraiede hym.Select Mark 3:19

20And thei camen to an hous, and the puple cam togidere eftsoone, so that thei miyten not ete breed.Select Mark 3:20

21And whanne his kynnysmen hadden herd, thei wenten out `to holde him; for thei seiden, that he is turned in to woodnesse.Select Mark 3:21

22And the scribis that camen doun fro Jerusalem, seiden, That he hath Belsabub, and that in the prince of deuelis he castith out fendis.Select Mark 3:22

23And he clepide hem togidir, and he seide to hem in parablis, Hou may Sathanas caste out Sathanas?Select Mark 3:23

24And if a rewme be departid ayens it silf, thilke rewme may not stonde.Select Mark 3:24

25And if an hous be disparpoilid on it silf, thilke hous may not stonde.Select Mark 3:25

26And if Sathanas hath risun ayens hym silf, he is departid, and he schal not mowe stonde, but hath an ende.Select Mark 3:26

27No man may go in to a stronge mannus hous, and take awey hise vessels, but he bynde first the stronge man, and thanne he schal spoile his hous.Select Mark 3:27

28Treuli Y seie to you, that alle synnes and blasfemyes, bi whiche thei han blasfemed, schulen be foryouun to the sones of men.Select Mark 3:28

29But he that blasfemeth ayens the Hooli Goost, hath not remissioun in to with outen ende, but he schal be gilty of euerlastynge trespas.Select Mark 3:29

30For thei seiden, He hath an vnclene spirit.Select Mark 3:30

31And his modir and britheren camen, and thei stoden withoutforth, and senten to hym, and clepiden hym.Select Mark 3:31

32And the puple sat aboute hym; and thei seien to hym, Lo! thi modir and thi britheren with outforth seken thee.Select Mark 3:32

33And he answeride to hem, and seide, Who is my modir and my britheren?Select Mark 3:33

34And he bihelde thilke that saten aboute hym, and seide, Lo! my modir and my britheren.Select Mark 3:34

35For who that doith the wille of God, he is my brothir, and my sistir, and modir.Select Mark 3:35