6Mark 6

1And he yede out fro thennus, and wente in to his owne cuntre; and hise disciplis folewiden him.Select Mark 6:1

2And whanne the sabat was come, Jhesus bigan to teche in a synagoge. And many herden, and wondriden in his techyng, and seiden, Of whennus to this alle these thingis? and what is the wisdom that is youun to hym, and siche vertues whiche ben maad bi hise hondis?Select Mark 6:2

3Whether this is not a carpenter, the sone of Marie, the brother of James and of Joseph and of Judas and of Symount? whether hise sistris ben not here with vs? And thei weren sclaundrid in hym.Select Mark 6:3

4And Jhesus seide to hem, That a profete is not without onoure, but in his owne cuntrey, and among his kynne, and in his hous.Select Mark 6:4

5And he myyte not do there ony vertu, saue that he helide a fewe sijk men, leiynge on hem hise hoondis.Select Mark 6:5

6And he wondride for the vnbileue of hem. And he wente aboute casteles on ech side, and tauyte.Select Mark 6:6

7And he clepide togidere twelue, and bigan to sende hem bi two togidere; and yaf to hem power of vnclene spiritis,Select Mark 6:7

8and comaundide hem, that thei schulde not take ony thing in the weie, but a yerde oneli, not a scrippe, ne breed, nether money in the girdil,Select Mark 6:8

9but schod with sandalies, and that thei schulden not be clothid with twei cootis.Select Mark 6:9

10And he seide to hem, Whidur euer ye entren in to an hous, dwelle ye there, til ye goon out fro thennus.Select Mark 6:10

11And who euer resseyueth you not, ne herith you, go ye out fro thennus, and schake awei the powdir fro youre feet, in to witnessyng to hem.Select Mark 6:11

12And thei yeden forth, and prechiden, that men schulden do penaunce.Select Mark 6:12

13And thei castiden out many feendis, and anoyntiden with oyle many sijk men, and thei weren heelid.Select Mark 6:13

14And kyng Eroude herde, for his name was maad opyn, and seide, That Joon Baptist hath risen ayen fro deeth, and therfor vertues worchen in hym.Select Mark 6:14

15Othir seiden, That it is Helie; but othir seiden, That it is a profete, as oon of profetis.Select Mark 6:15

16And whanne this thing was herd, Eroude seide, This Joon, whom Y haue biheedide, is risun ayen fro deeth.Select Mark 6:16

17For thilke Eroude sente, and helde Joon, and boond hym in to prisoun, for Erodias, the wijf of Filip, his brothir; for he hadde weddid hir.Select Mark 6:17

18For Joon seide to Eroude, It is not leueful to thee, to haue the wijf of thi brothir.Select Mark 6:18

19And Erodias leide aspies to hym, and wolde sle hym, and myyte not.Select Mark 6:19

20And Eroude dredde Joon, and knewe hym a iust man and hooli, and kepte hym. And Eroude herde hym, and he dide many thingis, and gladli herde hym.Select Mark 6:20

21And whanne a couenable dai was fallun, Eroude in his birthdai made a soper to the princis, and tribunes, and to the grettest of Galilee.Select Mark 6:21

22And whanne the douyter of thilke Erodias was comun ynne, and daunside, and pleside to Eroude, and also to men that saten at the mete, the kyng seide to the damysel, Axe thou of me what thou wolt, and Y schal yyue to thee.Select Mark 6:22

23And he swore to hir, That what euer thou axe, Y schal yyue to thee, thouy it be half my kyngdom.Select Mark 6:23

24And whanne sche hadde goon out, sche seide to hir modir, What schal Y axe? And sche seide, The heed of Joon Baptist.Select Mark 6:24

25And whanne sche was comun ynne anoon with haast to the kyng, sche axide, and seide, Y wole that anoon thou yyue to me in a dische the heed of Joon Baptist.Select Mark 6:25

26And the kyng was sori for the ooth, and for men that saten togidere at the meete he wolde not make hir sori;Select Mark 6:26

27but sente a manqueller and comaundide, that Joones heed were brouyt in a dissche. And he bihedide hym in the prisoun,Select Mark 6:27

28and brouyte his heed in a disch, and yaf it to the damysel, and the damysel yaf to hir modir.Select Mark 6:28

29And whanne this thing was herd, hise disciplis camen, and token his bodi, and leiden it in a biriel.Select Mark 6:29

30And the apostlis camen togidere to Jhesu, and telden to hym alle thingis, that thei hadden don, and tauyt.Select Mark 6:30

31And he seide to hem, Come ye bi you silf in to a desert place; and reste ye a litil. For there were many that camen, and wenten ayen, and thei hadden not space to ete.Select Mark 6:31

32And thei yeden in to a boot, and wenten in to a desert place bi hem silf.Select Mark 6:32

33And thei sayn hem go awei, and many knewen, and thei wenten afoote fro alle citees, and runnen thidur, and camen bifor hem.Select Mark 6:33

34And Jhesus yede out, and saiy myche puple, and hadde reuth on hem, for thei weren as scheep not hauynge a scheepherd. And he bigan to teche hem many thingis.Select Mark 6:34

35And whanne it was forth daies, hise disciplis camen, and seiden, This is a desert place, and the tyme is now passid;Select Mark 6:35

36lete hem go in to the nexte townes and villagis, to bie hem meete to ete.Select Mark 6:36

37And he answeride, and seide to hem, Yyue ye to hem to ete. And thei seiden to hym, Go we, and bie we looues with two hundrid pens, and we schulen yyue to hem to ete.Select Mark 6:37

38And he seith to hem, Hou many looues han ye? Go ye, and se. And whanne thei hadden knowe, thei seien, Fyue, and two fischis.Select Mark 6:38

39And he comaundide to hem, that thei schulden make alle men sitte to mete bi cumpanyes, on greene heye.Select Mark 6:39

40And thei saten doun bi parties, bi hundridis, and bi fifties.Select Mark 6:40

41And whanne he hadde take the fyue looues, and twei fischis, he biheelde in to heuene, and blesside, and brak looues, and yaf to hise disciplis, that thei schulden sette bifor hem. And he departide twei fischis to alle;Select Mark 6:41

42and alle eeten, and weren fulfillid.Select Mark 6:42

43And thei token the relifs of brokun metis, twelue cofyns ful, and of the fischis.Select Mark 6:43

44And thei that eeten, weren fyue thousynde of men.Select Mark 6:44

45And anoon he maad hise disciplis to go up in to a boot, to passe bifor hym ouer the se to Bethsaida, the while he lefte the puple.Select Mark 6:45

46And whanne he hadde left hem, he wente in to an hille, to preye.Select Mark 6:46

47And whanne it was euen, the boot was in the myddil of the see, and he aloone in the loond;Select Mark 6:47

48and he say hem trauelynge in rowyng; for the wynde was contrarie to hem. And aboute the fourthe wakynge of the nyyt, he wandride on the see, and cam to hem, and wolde passe hem.Select Mark 6:48

49And as thei sayn hym wandrynge on the see, thei gessiden that it weren a fantum, and crieden out;Select Mark 6:49

50for alle sayn hym, and thei weren afraied. And anoon he spak with hem, and seide to hem, Triste ye, Y am; nyle ye drede.Select Mark 6:50

51And he cam vp to hem in to the boot, and the wynde ceesside. And thei wondriden more `with ynne hem silf;Select Mark 6:51

52for thei vndurstoden not of the looues; for her herte was blyndid.Select Mark 6:52

53And whanne thei weren passid ouer the see, thei camen in to the lond of Genasareth, and settiden to loond.Select Mark 6:53

54And whanne thei weren gon out of the boot, anoon thei knewen hym.Select Mark 6:54

55And thei ranne thorou al that cuntre, and bigunnen to brynge sijk men in beddis on eche side, where thei herden that he was.Select Mark 6:55

56And whidur euer `he entride in to villagis, ethir in to townes, or in to citees, thei setten sijk men in stretis, and preiden hym, that thei schulden touche namely the hemme of his cloth; and hou many that touchiden hym, weren maad saaf.Select Mark 6:56