14Matthew 14

1In that tyme Eroude tetrarke, prynce of the fourthe part, herde the fame of Jhesu;Select Matthew 14:1

2and seide to hise children, This is Joon Baptist, he is rysun fro deeth, and therfor vertues worchen in hym.Select Matthew 14:2

3For Heroude hadde holde Joon, and bounde hym, and puttide hym `in to prisoun for Herodias, the wijf of his brothir.Select Matthew 14:3

4For Joon seide to him, It is not leueful to thee to haue hir.Select Matthew 14:4

5And he willynge to sle hym, dredde the puple; for thei hadden hym as a prophete.Select Matthew 14:5

6But in the dai of Heroudis birthe, the douytir of Herodias daunside in the myddil, and pleside Heroude.Select Matthew 14:6

7Wherfor with an ooth he bihiyte to yyue to hir, what euere thing she hadde axid of hym.Select Matthew 14:7

8And she bifor warned of hir modir, seide, Yif thou to me here the heed of Joon Baptist in a disch.Select Matthew 14:8

9And the kyng was sorewful, but for the ooth, and for hem that saten to gidere at the mete, he comaundide to be youun.Select Matthew 14:9

10And he sente, and bihedide Joon in the prisoun.Select Matthew 14:10

11And his heed was brouyt in a dische, and it was youun to the damysel, and she bar it to hir modir.Select Matthew 14:11

12And hise disciplis camen, and token his bodi, and birieden it; and thei camen, and tolden to Jhesu.Select Matthew 14:12

13And whanne Jhesus hadde herd this thing, he wente fro thennus in a boot, in to desert place bisides. And whanne the puple hadde herd, thei folewiden hym on her feet fro citees.Select Matthew 14:13

14And Jhesus yede out, and sai a greet puple, and hadde reuthe on hem, and heelide the sike men of hem.Select Matthew 14:14

15But whanne the euentid was com, hise disciplis camen to him, and seiden, The place is desert, and the tyme is now passid; lat the puple go in to townes, to bye hem mete.Select Matthew 14:15

16Jhesus seide to hem, Thei han not nede to go; yyue ye hem sumwhat to ete.Select Matthew 14:16

17Thei answeriden, We han not heere, but fyue looues and twei fischis.Select Matthew 14:17

18And he seide to hem, Brynge ye hem hidur to me.Select Matthew 14:18

19And whanne he hadde comaundid the puple to sitte to meete on the heye, he took fyue looues and twei fischis, and he bihelde in to heuene, and blesside, and brak, and yaf to hise disciplis; and the disciplis yauen to the puple.Select Matthew 14:19

20And alle eten, and weren fulfillid. And thei tooken the relifs of brokun gobetis, twelue cofynes ful.Select Matthew 14:20

21And the noumbre of men that eten was fyue thousynde of men, outakun wymmen and lytle children.Select Matthew 14:21

22And anoon Jhesus compellide the disciplis to go vp in to a boot, and go bifor hym ouer the see, while he lefte the puple.Select Matthew 14:22

23And whanne the puple was left, he stiede aloone in to an hil for to preie. But whanne the euenyng was come, he was there aloone.Select Matthew 14:23

24And the boot in the myddel of the see was schoggid with wawis, for the wynd was contrarie to hem.Select Matthew 14:24

25But in the fourthe wakyng of the niyt, he cam to hem walkynge aboue the see.Select Matthew 14:25

26And thei, seynge hym walking on the see, weren disturblid, and seiden, That it is a fantum; and for drede thei crieden.Select Matthew 14:26

27And anoon Jhesus spac to hem, and seide, Haue ye trust, Y am; nyle ye drede.Select Matthew 14:27

28And Petre answeride, and seide, Lord, if thou art, comaunde me to come to thee on the watris.Select Matthew 14:28

29And he seide, Come thou. And Petre yede doun fro the boot, and walkide on the watris to come to Jhesu.Select Matthew 14:29

30But he siy the wynd strong, and was aferde; and whanne he bigan to drenche, he criede, and seide, Lord, make me saaf.Select Matthew 14:30

31And anoon Jhesus helde forth his hoond, and took Petre, and seide to hym, Thou of litil feith, whi hast thou doutid?Select Matthew 14:31

32And whanne he hadde stied in to the boot, the wynd ceessid.Select Matthew 14:32

33And thei, that weren in the boot, camen, and worschipiden hym, and seiden, Verili, thou art Goddis sone.Select Matthew 14:33

34And whanne thei hadden passid ouer the see, thei camen in to the loond of Genesar.Select Matthew 14:34

35And whanne men of that place hadden knowe hym, thei senten in to al that cuntre; and thei brouyten to hym alle that hadden siknesse.Select Matthew 14:35

36And thei preieden hym, that thei schulden touche the hemme of his clothing; and who euere touchiden weren maad saaf.Select Matthew 14:36