22Matthew 22

1And Jhesus answeride, and spak eftsoone in parablis to hem,Select Matthew 22:1

2and seide, The kyngdom of heuenes is maad lijk to a kyng that made weddyngis to his sone.Select Matthew 22:2

3And he sente hise seruauntis for to clepe men that weren bode to the weddyngis, and thei wolden not come.Select Matthew 22:3

4Eftsoone he sente othere seruauntis, and seide, Seie ye to the men that ben bode to the feeste, Lo! Y haue maad redi my meete, my bolis and my volatilis ben slayn, and alle thingis ben redy; come ye to the weddyngis.Select Matthew 22:4

5But thei dispisiden, and wenten forth, oon in to his toun, anothir to his marchaundise. But othere helden his seruauntis, and turmentiden hem, and slowen.Select Matthew 22:5

7But the kyng, whanne he hadde herd, was wroth; and he sente hise oostis, and he distruyede tho manquelleris, and brente her citee.Select Matthew 22:7

8Thanne he seide to hise seruauntis, The weddyngis ben redi, but thei that weren clepid to the feeste, weren not worthi.Select Matthew 22:8

9Therfor go ye to the endis of weies, and whom euere ye fynden, clepe ye to the weddyngis.Select Matthew 22:9

10And hise seruauntis yeden out in to weies, and gadriden togider alle that thei founden, good and yuele; and the bridale was fulfillid with men sittynge at the mete.Select Matthew 22:10

11And the kyng entride, to se men sittynge at the mete; and he siye there a man not clothid with bride cloth.Select Matthew 22:11

12And he seide to hym, Freend, hou entridist thou hidir with out bride clothis? And he was doumbe.Select Matthew 22:12

13Thanne the kyng bad hise mynystris, Bynde hym bothe hondis and feet, and sende ye him in to vtmer derknessis; there schal be wepyng and grentyng of teeth.Select Matthew 22:13

14For many ben clepid, but fewe ben chosun.Select Matthew 22:14

15Thanne Farisees yeden awei, and token a counsel to take Jhesu in word.Select Matthew 22:15

16And thei senden to hym her disciplis, with Erodians, and seien, Maister, we witen, that thou art sothefast, and thou techist in treuthe the weie of God, and thou chargist not of ony man, for thou biholdist not the persoone of men.Select Matthew 22:16

17Therfor seie to vs, what it seemeth to thee. Is it leueful that tribute be youun to the emperoure, ether nay?Select Matthew 22:17

18And whanne Jhesus hadde knowe the wickidnesse of hem, he seide, Ypocritis, what tempten ye me?Select Matthew 22:18

19Schewe ye to me the prynte of the money. And thei brouyten to hym a peny.Select Matthew 22:19

20And Jhesus seide to hem, Whos is this ymage, and the writyng aboue?Select Matthew 22:20

21Thei seien to hym, The emperouris. Thanne he seide to hem, Therfor yelde ye to the emperoure tho thingis that ben the emperouris, and to God tho thingis that ben of God.Select Matthew 22:21

22And thei herden, and wondriden; and thei leften hym, and wenten awey.Select Matthew 22:22

23In that dai Saduceis, that seien there is no risyng ayen to lijf, camen to hym, and axiden him,Select Matthew 22:23

24and seiden, Mayster, Moises seide, if ony man is deed, not hauynge a sone, that his brother wedde his wijf, and reise seed to his brothir.Select Matthew 22:24

25And seuen britheren weren at vs; and the firste weddide a wijf, and is deed. And he hadde no seed, and lefte his wijf to his brother;Select Matthew 22:25

26also the secounde, and the thridde, til to the seuenthe.Select Matthew 22:26

27But the laste of alle, the woman is deed.Select Matthew 22:27

28Also in the risyng ayen to lijf, whos wijf of the seuene schal sche be? for alle hadden hir.Select Matthew 22:28

29Jhesus answeride, and seide to hem, Ye erren, `and ye knowen not scripturis, ne the vertu of God.Select Matthew 22:29

30For in the rysyng ayen to lijf, nether thei schulen wedde, nethir schulen be weddid; but thei ben as the aungels of God in heuene.Select Matthew 22:30

31And of the risyng ayen of deed men, `han ye not red, that is seid of the Lord, that seith to you,Select Matthew 22:31

32Y am God of Abraham, and God of Ysaac, and God of Jacob? he is not God of deede men, but of lyuynge men.Select Matthew 22:32

33And the puple herynge, wondriden in his techynge.Select Matthew 22:33

34And Fariseis herden that he hadde put silence to Saduceis, and camen togidere.Select Matthew 22:34

35And oon of hem, a techere of the lawe, axide Jhesu, and temptide him,Select Matthew 22:35

36Maistir, which is a greet maundement in the lawe?Select Matthew 22:36

37Jhesus seide to him, Thou schalt loue thi Lord God, of al thin herte, and in al thi soule, and in al thi mynde.Select Matthew 22:37

38This is the firste and the moste maundement.Select Matthew 22:38

39And the secounde is lijk to this; Thou schalt loue thi neiyebore as thi silf.Select Matthew 22:39

40In these twey maundementis hangith al the lawe and the profetis.Select Matthew 22:40

41And whanne the Farisees weren gederid togidere, Jhesus axide hem,Select Matthew 22:41

42and seide, What semeth to you of Crist, whos sone is he? Thei seien to hym, Of Dauid.Select Matthew 22:42

43He seith to hem, Hou thanne Dauid in spirit clepith hym Lord,Select Matthew 22:43

44and seith, The Lord seide to my Lord, Sitte on my riythalf, til Y putte thin enemyes a stool of thi feet?Select Matthew 22:44

45Thanne if Dauid clepith hym Lord, hou is he his sone?Select Matthew 22:45

46And no man miyte answere a word to hym, nethir ony man was hardi fro that day, to axe hym more.Select Matthew 22:46