27Matthew 27

1But whanne the morowtid was comun, alle the princis of prestis, and the eldre men of the puple token counsel ayens Jhesu, that thei schulden take hym to the deeth.Select Matthew 27:1

2And thei ledden him boundun, and bitoken to Pilat of Pounce, iustice.Select Matthew 27:2

3Thanne Judas that bitraiede hym, say that he was dampned, he repentide, and brouyte ayen the thretti pans to the princis of prestis, and to the elder men of the puple,Select Matthew 27:3

4and seide, Y haue synned, bitraiynge riytful blood. And thei seiden, What to vs? bise thee.Select Matthew 27:4

5And whanne he hadde cast forth the siluer in the temple, he passide forth, and yede, and hongide hym silf with a snare.Select Matthew 27:5

6And the princis of prestis token the siluer, and seide, It is not leueful to putte it in to the treserie, for it is the prijs of blood.Select Matthew 27:6

7And whanne thei hadden take counsel, thei bouyten with it a feeld of a potter, in to biryyng of pilgrymys.Select Matthew 27:7

8Herfor thilke feeld is clepid Acheldemac, that is, a feeld of blood, in to this dai.Select Matthew 27:8

9Thanne that was fulfillid, that was seid bi the prophete Jeremye, seiynge, And thei han takun thretti pans, the prijs of a man preysid, whom thei preiseden of the children of Israel;Select Matthew 27:9

10and thei yauen hem in to a feeld of a potter, as the Lord hath ordenyd to me.Select Matthew 27:10

11And Jhesus stood bifor the domesman; and the iustice axide him, and seide, Art thou king of Jewis?Select Matthew 27:11

12Jhesus seith to hym, Thou seist. And whanne he was accusid of the princis of prestis, and of the eldere men of the puple, he answeride no thing.Select Matthew 27:12

13Thanne Pilat seith to him, Herist thou not, hou many witnessyngis thei seien ayens thee?Select Matthew 27:13

14And he answeride not `to hym ony word, so that the iustice wondride greetli.Select Matthew 27:14

15But for a solempne dai the iustice was wont to delyuere to the puple oon boundun, whom thei wolden.Select Matthew 27:15

16And he hadde tho a famous man boundun, that was seid Barrabas.Select Matthew 27:16

17Therfor Pilate seide to hem, whanne thei weren to gidere, Whom wolen ye, that Y delyuere to you? whether Barabas, or Jhesu, that is seid Crist?Select Matthew 27:17

18For he wiste, that bi enuye thei bitraieden hym.Select Matthew 27:18

19And while he sat for domesman, his wijf sente to hym, and seide, No thing to thee and to that iust man; for Y haue suffrid this dai many thingis for hym, bi a visioun.Select Matthew 27:19

20Forsothe the prince of prestis, and the eldere men counseiliden the puple, that thei schulden axe Barabas, but thei schulden distrye Jhesu.Select Matthew 27:20

21But the iustice answeride, and seide to hem, Whom of the tweyn wolen ye, that be delyuerit to you? And thei seiden, Barabas.Select Matthew 27:21

22Pilat seith to hem, What thanne schal Y do of Jhesu, that is seid Crist?Select Matthew 27:22

23Alle seien, `Be he crucified. The iustice seith to hem, What yuel hath he doon? And thei crieden more, and seiden, Be he crucified.Select Matthew 27:23

24And Pilat seynge that he profitide no thing, but that the more noyse was maad, took watir, and waischide hise hondis bifor the puple, and seide, Y am giltles of the blood of this riytful man; bise you.Select Matthew 27:24

25And al the puple answeride, and seide, His blood be on vs, and on oure children.Select Matthew 27:25

26Thanne he deliuerede to hem Barabas, but he took to hem Jhesu scourgid, to be crucified.Select Matthew 27:26

27Thanne knyytis of the iustice token Jhesu in the moot halle, and gadriden to hym al the cumpeny `of knyytis.Select Matthew 27:27

28And thei vnclothiden hym, and diden aboute hym a reed mantil;Select Matthew 27:28

29and thei foldiden a coroun of thornes, and putten on his heed, and a rehed in his riyt hoond; and thei kneliden bifore hym, and scornyden hym, and seiden, Heil, kyng of Jewis.Select Matthew 27:29

30And thei speten on hym, and tooken a rehed, and smoot his heed.Select Matthew 27:30

31And aftir that thei hadden scorned him, thei vnclothiden hym of the mantil, and thei clothiden hym with hise clothis, and ledden hym to `crucifien hym.Select Matthew 27:31

32And as thei yeden out, thei founden a man of Cirenen comynge fro the toun, Symont bi name; thei constreyneden hym to take his cross.Select Matthew 27:32

33And thei camen in to a place that is clepid Golgatha, that is, the place of Caluarie.Select Matthew 27:33

34And thei yauen hym to drynke wyne meynd with galle; and whanne he hadde tastid, he wolde not drynke.Select Matthew 27:34

35And aftir that thei hadden crucified hym, thei departiden his clothis, and kesten lotte, to fulfille that is seid bi the prophete, seiynge, Thei partiden to hem my clothis, and on my clooth thei kesten lott.Select Matthew 27:35

36And thei seten, and kepten him;Select Matthew 27:36

37and setten aboue his heed his cause writun, This is Jhesu of Nazareth, kyng of Jewis.Select Matthew 27:37

38Thanne twey theues weren crucified with hym, oon on the riythalf, and oon on the lefthalf.Select Matthew 27:38

39And men that passiden forth blasfemeden hym,Select Matthew 27:39

40mouynge her heedis, and seiynge, Vath to thee, that distriest the temple of God, and in the thridde dai bildist it ayen; saue thou thi silf; if thou art the sone of God, come doun of the cross.Select Matthew 27:40

41Also and princis of prestis scornynge, with scribis and elder men,Select Matthew 27:41

42seiden, He made othere men saaf, he may not make hym silf saaf; if he is kyng of Israel, come he now doun fro the crosse, and we bileuen to hym;Select Matthew 27:42

43he tristide in God; delyuer he hym now, if he wole; for he seide, That Y am Goddis sone.Select Matthew 27:43

44And the theues, that weren crucified with hym, vpbreididen hym of the same thing.Select Matthew 27:44

45But fro the sixte our derknessis weren maad on al the erthe, to the nynthe our.Select Matthew 27:45

46And aboute the nynthe our Jhesus criede with a greet vois, and seide, Heli, Heli, lamazabatany, that is, My God, my God, whi hast thou forsake me?Select Matthew 27:46

47And summen that stoden there, and herynge, seiden, This clepith Helye.Select Matthew 27:47

48And anoon oon of hem rennynge, took and fillide a spounge with vynegre, and puttide on a rehed, and yaf to hym to drynke.Select Matthew 27:48

49But othir seiden, Suffre thou; se we whether Helie come to deliuer hym.Select Matthew 27:49

50Forsothe Jhesus eftsoone criede with a greet voyce, and yaf vp the goost.Select Matthew 27:50

51And lo! the veil of the temple was to-rent in twey parties, fro the hiest to the lowest. And the erthe schoke, and stoonus weren cloue; and birielis weren openyd,Select Matthew 27:51

52and many bodies of seyntis that hadden slepte, rysen vp.Select Matthew 27:52

53And thei yeden out of her birielis, and aftir his resurreccioun thei camen in to the holi citee, and apperiden to many.Select Matthew 27:53

54And the centurien and thei that weren with hym kepinge Jhesu, whanne thei saien the erthe schakynge, and tho thingis that weren doon, thei dredden greetli,Select Matthew 27:54

55and seiden, Verili this was Goddis sone. And ther weren there many wymmen afer, that sueden Jhesu fro Galilee, and mynystriden to hym.Select Matthew 27:55

56Among whiche was Marie Magdalene, and Marie, the modir of James, and of Joseph, and the modir of Zebedees sones.Select Matthew 27:56

57But whanne the euenyng was come, ther cam a riche man of Armathi, Joseph bi name, and he was a disciple of Jhesu.Select Matthew 27:57

58He wente to Pilat, and axide the bodi of Jhesu.Select Matthew 27:58

59Thanne Pilat comaundide the bodie to be youun. And whanne the bodi was takun, Joseph lappide it in a clene sendel,Select Matthew 27:59

60and leide it in his newe biriel, that he hadde hewun in a stoon; and he walewide a greet stoon to the dore of the biriel, and wente awei.Select Matthew 27:60

61But Marie Maudelene and anothir Marie weren there, sittynge ayens the sepulcre.Select Matthew 27:61

62And on `the tother dai, that is aftir pask euen, the princis of prestis and the Farisees camen togidere to Pilat,Select Matthew 27:62

63and seiden, Sir, we han mynde, that thilke giloure seide yit lyuynge, Aftir thre daies Y schal rise ayen to lijf.Select Matthew 27:63

64Therfor comaunde thou, that the sepulcre be kept in to the thridde dai; lest hise disciplis comen, and stelen hym, and seie to the puple, He hath rise fro deeth; and the laste errour schal be worse than the formere.Select Matthew 27:64

65Pilat seide to hem, Ye han the kepyng; go ye, kepe ye as ye kunnen.Select Matthew 27:65

66And thei yeden forth, and kepten the sepulcre, markynge the stoon, with keperis.Select Matthew 27:66