51 Peter 5

1Therfor Y, an euene eldre man, and a witnesse of Cristis passiouns, which also am a comynere of that glorie, that schal be schewid in tyme to comynge; byseche ye the eldre men,Select 1 Peter 5:1

2that ben among you, fede ye the flok of God, that is among you, and puruey ye, not as constreyned, but wilfulli, bi God; not for loue of foule wynnyng,Select 1 Peter 5:2

3but wilfulli, nether as hauynge lordschip in the clergie, but that ye ben maad ensaumple of the floc, of wille.Select 1 Peter 5:3

4And whanne the prince of scheepherdis schal appere, ye schulen resseyue the coroun of glorie, that may neuere fade.Select 1 Peter 5:4

5Also, ye yonge men, be ye suget to eldre men, and alle schewe ye togidere mekenesse; for the Lord withstondith proude men, but he yyueth grace to meke men.Select 1 Peter 5:5

6Therfor be ye mekid vndir the myyti hoond of God, that he reise you in the tyme of visitacioun,Select 1 Peter 5:6

7and caste ye al youre bisynesse in to hym, for to hym is cure of you.Select 1 Peter 5:7

8Be ye sobre, and wake ye, for youre aduersarie, the deuel, as a rorynge lioun goith aboute, sechinge whom he schal deuoure.Select 1 Peter 5:8

9Whom ayenstonde ye, stronge in the feith, witynge that the same passioun is maad to thilke brithirhode of you, that is in the world.Select 1 Peter 5:9

10And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.Select 1 Peter 5:10

11To hym be glorie and lordschip, in to worldis of worldis. Amen.Select 1 Peter 5:11

12Bi Siluan, feithful brother to you as Y deme, Y wroot schortli; bisechinge, and witnessinge that this is the very grace of God, in which ye stonden.Select 1 Peter 5:12

13The chirche that is gaderid in Babiloyne, and Marcus, my sone, gretith you wel.Select 1 Peter 5:13

14Grete ye wel togidere in hooli cos. Grace be to you alle that ben in Crist. Amen.Select 1 Peter 5:14