1Philippians 1

1Poul and Tymothe, seruauntis of Jhesu Crist, to alle the hooli men in Crist Jhesu, that ben at Filippis, with bischopis and dekenes,Select Philippians 1:1

2grace and pees to you of God oure fadir, and of the Lord Jhesu Crist.Select Philippians 1:2

3I do thankyngis to my GodSelect Philippians 1:3

4in al mynde of you euere more in alle my preyeris for alle you with ioye, andSelect Philippians 1:4

5make a bisechyng on youre comynyng in the gospel of Crist, fro the firste day til nowe;Select Philippians 1:5

6tristenynge this ilke thing, that he that bigan in you a good werk, schal perfourme it til in to the dai of Jhesu Crist.Select Philippians 1:6

7As it is iust to me to feele this thing for alle you, for that Y haue you in herte, and in my boondis, and in defending and confermyng of the gospel, that alle ye be felowis of my ioye.Select Philippians 1:7

8For God is a witnesse to me, hou Y coueyte alle you in the bowelis of Jhesu Crist.Select Philippians 1:8

9And this thing Y preie, that youre charite be plenteuouse more and more in kunnyng, and in al wit;Select Philippians 1:9

10that ye preue the betere thingis, that ye be clene and without offence in the dai of Crist;Select Philippians 1:10

11fillid with the fruyt of riytwysnesse bi Jhesu Crist, in to the glory and the heriyng of God.Select Philippians 1:11

12For, britheren, Y wole that ye wite, that the thingis that ben aboute me han comun more to the profit of the gospel,Select Philippians 1:12

13so that my boondis weren maad knowun in Crist, in ech moot halle, and in alle other placis;Select Philippians 1:13

14that mo of britheren tristinge in the Lord more plenteuously for my boondis, dursten without drede speke the word of God.Select Philippians 1:14

15But summe for enuye and strijf, summe for good wille, prechen Crist;Select Philippians 1:15

16and summe of charite, witinge that Y am put in the defense of the gospel.Select Philippians 1:16

17But summe of strijf schewen Crist not cleneli, gessynge hem to reise tribulacioun to my boondis.Select Philippians 1:17

18But what? the while on al maner, ethir bi occasioun, ethir bi treuthe, Crist is schewid; and in this thing Y haue ioye, but also Y schal haue ioye.Select Philippians 1:18

19And Y woot, that this thing schal come to me in to heelthe bi youre preyer, and the vndurmynystring of the spirit of `Jhesu Crist, bi myn abidyng and hope.Select Philippians 1:19

20For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth.Select Philippians 1:20

21For me to lyue is Crist, and to die is wynnyng.Select Philippians 1:21

22That if to lyue in fleisch, is fruyt of werk to me, lo! what Y schal chese, Y knowe not.Select Philippians 1:22

23But Y am constreyned of twei thingis, Y haue desire to be dissolued, and to be with Crist, it is myche more betere; but to dwelle in fleisch,Select Philippians 1:23

24is nedeful for you.Select Philippians 1:24

25And Y tristinge this thing, woot that Y schal dwelle, and perfitli dwelle to alle you, to youre profit and ioye of feith,Select Philippians 1:25

26that youre thanking abounde in Crist Jhesu in me, bi my comyng eftsoone to you.Select Philippians 1:26

27Oneli lyue ye worthili to the gospel of Crist, that whether whanne Y come and se you, ethir absent Y here of you, that ye stonden in o spirit of o wille, trauelinge togidere to the feith of the gospel.Select Philippians 1:27

28And in no thing be ye aferd of aduersaries, which is to hem cause of perdicioun,Select Philippians 1:28

29but to you cause of heelthe. And this thing is of God. For it is youun to you for Crist, that not oneli ye bileuen in hym, but also that ye suffren for hym;Select Philippians 1:29

30hauynge the same strijf, which ye saien in me, and now ye han herd of me.Select Philippians 1:30