2Philippians 2

1Therfor if ony coumfort is in Crist, if ony solace of charite, if ony felouschipe of spirit, if ony inwardnesse of merci doyng,Select Philippians 2:1

2fille ye my ioye, that ye vndurstonde the same thing, and haue the same charite, of o wille, and feelen the same thing;Select Philippians 2:2

3no thing bi strijf, nether by veyn glorie, but in mekenesse, demynge eche othere to be heiyer than hym silf;Select Philippians 2:3

4not biholdinge ech bi hym silf what thingis ben his owne, but tho thingis that ben of othere men.Select Philippians 2:4

5And fele ye this thing in you, which also in Crist Jhesu;Select Philippians 2:5

6that whanne he was in the forme of God, demyde not raueyn, that hym silf were euene to God;Select Philippians 2:6

7but he lowide hym silf, takinge the forme of a seruaunt, and was maad in to the licknesse of men, and in abite was foundun as a man.Select Philippians 2:7

8He mekide hym silf, and was maad obedient to the deth, yhe, to the deth of the cross.Select Philippians 2:8

9For which thing God enhaunside hym, and yaf to hym a name that is aboue al name;Select Philippians 2:9

10that in the name of Jhesu ech kne be bowid, of heuenli thingis, of ertheli thingis, and of hellis;Select Philippians 2:10

11and ech tunge knouleche, that the Lord Jhesu Crist is in the glorie of God the fadir.Select Philippians 2:11

12Therfor, my most dereworthe britheren, as euere more ye han obeischid, not in my presence onely, but myche more now in myn absence, worche ye with drede and trembling youre heelthe.Select Philippians 2:12

13For it is God that worchith in you, bothe to wilne, and to performe, for good wille.Select Philippians 2:13

14And do ye alle thingis with out grutchingis and doutyngis;Select Philippians 2:14

15that ye be with out playnt, and symple as the sones of God, with out repreef, in the myddil of a schrewid nacioun and a weiward; among whiche ye schynen as yyueris of liyt in the world.Select Philippians 2:15

16And holde ye togidere the word of lijf to my glorie in the day of Crist; for Y haue not runnen in veyn, nether Y haue trauelid in veyn.Select Philippians 2:16

17But thouy Y be offrid or slayn on the sacrifice and seruyce of youre feith, Y haue ioye, and Y thanke you alle.Select Philippians 2:17

18And the same thing haue ye ioye, and thanke ye me.Select Philippians 2:18

19And Y hope in the Lord Jhesu, that Y schal sende Tymothe soone to you, that Y be of good coumfort, whanne tho thingis ben knowun that ben aboute you.Select Philippians 2:19

20For Y haue no man so of o wille, that is bisi for you with clene affeccioun.Select Philippians 2:20

21For alle men seken tho thingis that ben her owne, not tho that ben of Crist Jhesu.Select Philippians 2:21

22But knowe ye the asaie of hym, for as a sone to the fadir he hath seruyd with me in the gospel.Select Philippians 2:22

23Therfor Y hope that Y schal sende hym to you, anoon as Y se what thingis ben aboute me.Select Philippians 2:23

24And Y triste in the Lord, that also my silf schal come to you soone.Select Philippians 2:24

25And Y gesside it nedeful to sende to you Epafrodite, my brother and euene worchere, and myn euene knyyt, but youre apostle, and the mynystre of my nede.Select Philippians 2:25

26For he desiride you alle, and he was sorewful, therfor that ye herden that he was sijk.Select Philippians 2:26

27For he was sijk to the deth, but God hadde merci on him; and not oneli on hym, but also on me, lest Y hadde heuynesse on heuynesse.Select Philippians 2:27

28Therfor more hastili Y sente hym, that whanne ye han seyn hym, ye haue ioye eft, and Y be withouten heuynesse.Select Philippians 2:28

29Therfor resseyue ye hym with al ioye in the Lord, and haue ye suche with al onour.Select Philippians 2:29

30For the werk of Crist he wente to deth, yyuynge his lijf, that he schulde fulfille that that failide of you anentis my seruyce.Select Philippians 2:30