3Philippians 3

1Hennus forward, my britheren, haue ye ioye in the Lord. To write to you the same thingis, to me it is not slow, and to you it is necessarie.Select Philippians 3:1

2Se ye houndis, se ye yuele werk men, se ye dyuysioun.Select Philippians 3:2

3For we ben circumcisioun, which bi spirit seruen to God, and glorien in Crist Jhesu, and han not trist in the fleisch,Select Philippians 3:3

4thouy Y haue trust, yhe, in the fleisch. If ony othere man is seyn to triste in the fleisch,Select Philippians 3:4

5Y more, that was circumcidid in the eiytthe dai, of the kyn of Israel, of the lynage of Beniamyn, an Ebrew of Ebrewis, bi the lawe a Farisee,Select Philippians 3:5

6bi loue pursuynge the chirche of God, bi riytwisnesse that is in the lawe lyuynge with out playnt.Select Philippians 3:6

7But whiche thingis weren to me wynnyngis, Y haue demed these apeyryngis for Crist.Select Philippians 3:7

8Netheles Y gesse alle thingis to be peirement for the cleer science of Jhesu Crist my Lord. For whom Y made alle thingis peyrement, and Y deme as drit,Select Philippians 3:8

9that Y wynne Crist, and that Y be foundun in hym, not hauynge my riytwisnesse that is of the lawe, but that that is of the feith of Crist Jhesu, that is of God the riytwisnesse in feith,Select Philippians 3:9

10to knowe hym, and the vertu of his risyng ayen, and the felouschipe of his passioun, and be maad lijk to his deeth,Select Philippians 3:10

11if on ony maner Y come to the resurreccioun that is fro deth.Select Philippians 3:11

12Not that now Y haue takun, or now am parfit; but Y sue, if in ony maner Y comprehende, in which thing also Y am comprehendid of Crist Jhesu.Select Philippians 3:12

13Bretheren, Y deme me not that Y haue comprehendid; but o thing, Y foryete tho thingis that ben bihyndis, and stretche forth my silf to tho thingis that ben bifore,Select Philippians 3:13

14and pursue to the ordeyned mede of the hiy clepyng of God in Crist Jhesu.Select Philippians 3:14

15Therfor who euere we ben perfit, feele we this thing. And if ye vndurstonden in othere manere ony thing, this thing God schal schewe to you.Select Philippians 3:15

16Netheles to what thing we han comun, that we vndurstonden the same thing, and that we perfitli dwelle in the same reule.Select Philippians 3:16

17Britheren, be ye my foleweris, and weyte ye hem that walken so, as ye han oure fourme.Select Philippians 3:17

18For many walken, whiche Y haue seid ofte to you, but now Y wepinge seie, the enemyes of Cristis cros,Select Philippians 3:18

19who ende is deth, whos god is the wombe, and the glorie in confusioun of hem, that saueren ertheli thingis.Select Philippians 3:19

20But oure lyuyng is in heuenes; fro whennus also we abiden the sauyour oure Lord Jhesu Crist,Select Philippians 3:20

21which schal reforme the bodi of oure mekenesse, that is maad lijk to the bodi of his clerenesse, bi the worching bi which he mai `also make alle thingis suget to hym.Select Philippians 3:21