15Acts 15

1And summe camen doun fro Judee, and tauyten britheren, That but ye ben circumcidid after the lawe of Moises, ye moun not be maad saaf.Select Acts 15:1

2Therfor whanne ther was maad not a litil discencioun to Poul and Barnabas ayens hem, thei ordeyneden, that Poul and Barnabas, and summe othere of hem, schulden go vp to the apostlis and preestis in Jerusalem, on this questioun.Select Acts 15:2

3And so thei weren led forth of the chirche, and passiden bi Fenyce and Samarie; and thei telden the conuersacioun of hethene men, and thei maden greet ioie to alle the britheren.Select Acts 15:3

4And whanne thei camen to Jerusalem, thei weren resseyued of the chirche and of the apostlis, and of the eldre men, and telden, hou greet thingis God dide with hem.Select Acts 15:4

5But summe of the erise of Fariseis, that bileueden, risen vp, and seiden, That it bihoueth hem to be circumsidid, and to comaunde to kepe also the lawe of Moises.Select Acts 15:5

6And the apostlis and eldre men camen togidre, to se of `this word.Select Acts 15:6

7And whanne there was maad a greet sekyng herof, Petre roos, and seide to hem, Britheren, ye witen, that of elde daies in you God chees bi my mouth hethene, to here the word of the gospel, and to bileue;Select Acts 15:7

8and God, that knewe hertis, bar witnessing, and yaf to hem the Hooli Goost, as also to vs;Select Acts 15:8

9and no thing diuerside bitwixe vs and hem, `and clenside the hertis of hem bi feith.Select Acts 15:9

10Now thanne what tempten ye God, to putte a yok on the necke of the disciplis, which nether we, nether oure fadris miyten bere?Select Acts 15:10

11But bi the grace of oure Lord Jhesu Crist we bileuen to be saued, as also thei.Select Acts 15:11

12And al the multitude helde pees, and herden Barnaban and Poul, tellinge hou grete signes and wondris God dide bi hem in hethene men.Select Acts 15:12

13And aftir that thei helden pees, James answeride, and seide, Britheren, here ye me.Select Acts 15:13

14Symount telde, hou God visitide, first to take of hethene men a puple to his name.Select Acts 15:14

15And the wordis of prophetis acorden to him,Select Acts 15:15

16as it is writun, Aftir this Y schal turne ayen, and bilde the tabernacle of Dauid, that felle doun; and Y schal bilde ayen the cast doun thingis of it, and Y schal reise it;Select Acts 15:16

17that other men seke the Lord, and alle folkis on which my name is clepid to helpe; the Lord doynge this thing, seith.Select Acts 15:17

18Fro the world, the werk of the Lord is knowun to the Lord.Select Acts 15:18

19For which thing Y deme hem that of hethene men ben conuertid to God,Select Acts 15:19

20to be not disesid, but to write to hem, that thei absteyne hem fro defoulingis of maumetis, and fro fornicacioun, and stranglid thingis, and blood.Select Acts 15:20

21For Moyses of elde tymes hath in alle citees hem that prechen him in synagogis, where bi ech sabat he is red.Select Acts 15:21

22Thanne it pleside to the apostlis, and to the eldre men, with al the chirche, to chees men of hem, and sende to Antioche, with Poul and Barnabas, Judas, that was named Barsabas, and Silas, the firste men among britheren;Select Acts 15:22

23and wroten bi the hondis of hem, Apostlis and eldre britheren to hem that ben at Antioche, and Sirie, and Silice, britheren of hethen men, greting.Select Acts 15:23

24For we herden that summe wenten out fro vs, and trobliden you with wordis, and turneden vpsodoun youre soulis, to whiche men we comaundiden not,Select Acts 15:24

25it pleside to vs gaderid in to oon, to chese men, and sende to you, with oure most dereworthe Barnabas and Poul,Select Acts 15:25

26men that yauen her lyues for the name of oure Lord Jhesu Crist.Select Acts 15:26

27Therfor we senten Judas and Silas, and thei schulen telle the same thingis to you bi wordis.Select Acts 15:27

28For it is seyn to the Hooly Goost and to vs, to putte to you no thing more of charge, than these nedeful thingis,Select Acts 15:28

29that ye absteyne you fro the offrid thingis of maumetis, and blood stranglid, and fornicacioun. Fro whiche ye kepinge you, schulen do wel. Fare ye wel.Select Acts 15:29

30Therfor thei weren let go, and camen doun to Antioche; and whanne the multitude was gaderid, thei token the epistle;Select Acts 15:30

31which whanne thei hadden red, thei ioyden on the coumfort.Select Acts 15:31

32And Judas and Silas and thei, for thei weren prophetis, coumfortiden britheren, and confermyden with ful many wordis.Select Acts 15:32

33But aftir that thei hadden be there a lytil while, thei weren let go of britheren with pees, to hem that hadden sent hem.Select Acts 15:33

34But it was seyn to Silas, to dwelle there; and Judas wente aloone to Jerusalem.Select Acts 15:34

35And Poul and Barnabas dwelten at Antioche, techinge and prechinge the word of the Lord, with othere manye.Select Acts 15:35

36But after summe daies, Poul seide to Barnabas, Turne we ayen, and visite britheren bi alle citees, in whiche we han prechid the word of the Lord, hou thei han hem.Select Acts 15:36

37And Barnabas wolde take with hym Joon, that was named Marcus.Select Acts 15:37

38But Poul preiede him, that he that departide fro hem fro Pamfilie, and wente not with hem in to the werk, schulde not be resseyued.Select Acts 15:38

39And dissencioun was maad, so that thei departiden a twynny. And Barnabas took Mark, and cam bi boot to Cipre.Select Acts 15:39

40And Poul chees Silas, and wente forth fro the britheren, and was bitakun to the grace of God.Select Acts 15:40

41And he wente bi Sirie and Silice, and confermyde the chirche, comaundinge to kepe the heestis of apostlis and eldre men.Select Acts 15:41