26Acts 26

1And Agrippa seide to Poul, It is suffrid to thee, to speke for thi silf. Thanne Poul helde forth the hoond, and bigan to yelde resoun.Select Acts 26:1

2Of alle thingis, in whiche Y am accusid of the Jewis, thou king Agrippa, Y gesse me blessid at thee, whanne Y schal defende me this dai;Select Acts 26:2

3moost for thou knowist alle thingis that ben among Jewis, customes and questiouns. For which thing, Y biseche, here me pacientli.Select Acts 26:3

4For alle Jewis that bifor knewen me fro the bigynnyng, knewen my lijf fro yongthe; that fro the bigynnyng was in my folc in Jerusalem,Select Acts 26:4

5if thei wolen bere witnessing, that bi the moost certeyn sect of oure religioun, Y lyuede a Farisee.Select Acts 26:5

6And now for the hope of repromyssioun, that is maad to oure fadris of God, Y stonde suget in dom;Select Acts 26:6

7in which hope oure twelue lynagis seruynge niyt and dai hopen to come; of which hope, sir king, Y am accusid of the Jewis.Select Acts 26:7

8What vnbileueful thing is demed at you, if God reisith deed men?Select Acts 26:8

9And sotheli Y gesside, that Y ouyte do many contrarie thingis ayens the name of Jhesu Nazarene.Select Acts 26:9

10Which thing also Y dide in Jerusalem, and Y encloside manye of the seyntis in prisoun, whanne Y hadde take powere of the princis of preestis. And whanne thei weren slayn, Y brouyte the sentence.Select Acts 26:10

11And bi alle synagogis ofte Y punyschide hem, and constreynede to blasfeme; and more Y wex wood ayens hem, and pursuede in to alien citees.Select Acts 26:11

12In whiche, the while Y wente to Damask, with power and suffring of princis of preestis,Select Acts 26:12

13at myddai, in the weie Y say, sir king, that fro heuene liyt schynede aboute me, passing the schynyng of the sunne, and aboute hem that weren togidir with me.Select Acts 26:13

14And whanne we alle hadden falle doun in to the erthe, Y herde a vois seiynge to me in Ebrew tunge, Saul, Saul, what pursuest thou me? it is hard to thee, to kicke ayens the pricke.Select Acts 26:14

15And Y seide, Who art thou, Lord? And the Lord seide, Y am Jhesus, whom thou pursuest.Select Acts 26:15

16But rise vp, and stoond on thi feet. For whi to this thing Y apperide to thee, that Y ordeyne thee mynystre and witnesse of tho thingis that thou hast seyn, and of tho in whiche Y schal schewe to thee.Select Acts 26:16

17And Y schal delyuere thee fro puplis and folkis, to whiche now Y sende thee,Select Acts 26:17

18to opene the iyen of hem, that thei ben conuertid fro derknesse to liyt, and fro power of Sathnas to God, that thei take remyssioun of synnes, and part among seyntis, bi feith that is in me.Select Acts 26:18

19Wherfor, sir kyng Agrippa, Y was not vnbileueful to the heuenli visioun;Select Acts 26:19

20but Y tolde to hem that been at Damask first, and at Jerusalem, and bi al the cuntre of Judee, and to hethene men, that thei schulden do penaunce, and be conuertid to God, and do worthi werkis of penaunce.Select Acts 26:20

21For this cause Jewis token me, whanne Y was in the temple, to sle me.Select Acts 26:21

22But Y was holpun bi the helpe of God in to this dai, and stonde, witnessinge to lesse and to more. And Y seye no thing ellis than whiche thingis the prophetis and Moises spaken that schulen come,Select Acts 26:22

23if Crist is to suffre, if he is the firste of the ayenrising of deed men, that schal schewe liyt to the puple and to hethene men.Select Acts 26:23

24Whanne he spak these thingis, and yeldide resoun, Festus seide with greet vois, Poul, thou maddist; many lettris turnen thee to woodnesse.Select Acts 26:24

25And Poul seide, Y madde not, thou beste Festus, but Y speke out the wordis of treuthe and of sobernesse.Select Acts 26:25

26For also the king, to whom Y speke stidfastli, woot of these thingis; for Y deme, that no thing of these is hid fro hym; for nether in a cornere was ouyt of these thingis don.Select Acts 26:26

27Bileuest thou, king Agrippa, `to prophetis? Y woot that thou bileuest.Select Acts 26:27

28And Agrippa seide to Poul, In litil thing thou counseilist me to be maad a cristen man.Select Acts 26:28

29And Poul seide, Y desire anentis God, bothe in litil and in greet, not oneli thee, but alle these that heren to dai, to be maad sich as Y am, outakun these boondis.Select Acts 26:29

30And the kyng roos vp, and the president, and Beronyce, and thei that saten niy to hem.Select Acts 26:30

31And whanne thei wenten awei, thei spaken togider, and seiden, That this man hath not don ony thing worthi deth, nether boondis.Select Acts 26:31

32And Agrippa seide to Festus, This man miyt be delyuerid, if he hadde not appelid to the emperour.Select Acts 26:32