222 Samuel 22

1Forsothe Dauid spak to the Lord the wordis of this song, in the dai in which the Lord delyuerede hym fro the hond of alle hise enemyes, and fro the hond of Saul.Select 2 Samuel 22:1

2And Dauid seide, The Lord is my stoon, and my strengthe, and my sauyour;Select 2 Samuel 22:2

3my God, my stronge, I schal hope in to hym; my scheeld, and the horn of myn helthe, `my reisere, and my refuyt; my sauyour, thou schalt delyuere me fro wickidnesse.Select 2 Samuel 22:3

4Y schal inwardly clepe the Lord worthi to be preisid; and Y schal be saaf fro myn enemyes.Select 2 Samuel 22:4

5For the sorewis of deeth cumpasside me; the strondis of Belial maden me aferd.Select 2 Samuel 22:5

6The coordis of helle cumpassiden me; the snaris of deeth camen bifor me.Select 2 Samuel 22:6

7In tribulacioun Y schal clepe, `that is, Y clepide thee, Lord, and Y schal crie to my God; and he herd fro his holi temple my vois, and my crye schal come to hise eeris.Select 2 Samuel 22:7

8The erthe was mouyd, and tremblide; the foundementis of hillis weren smytun and schakun togidere, for the Lord was wrooth to hem.Select 2 Samuel 22:8

9Smoke stiede fro hise nosethirlis, and fier of his mouth schal deuoure; colis weren kyndlid of it.Select 2 Samuel 22:9

10And he bowide heuenes, and cam doun; and myist vndur hise feet.Select 2 Samuel 22:10

11And he stiede on cherubyn, and fliy; and he slood on the pennys of wynd.Select 2 Samuel 22:11

12He puttide derknessis hidyng place in his cumpas, and riddlide watris fro the cloudis of heuenes;Select 2 Samuel 22:12

13for briytnesse in his siyt colis of fier weren kyndelid.Select 2 Samuel 22:13

14The Lord schal thundur fro heuene; and hiy God schal yyue his vois.Select 2 Samuel 22:14

15He sente hise arowis, and scateride hem; he sente leitis, and wastide hem.Select 2 Samuel 22:15

16And the schedyngis out of the see apperiden, and the foundementis of the world weren schewid; fro the blamyng of the Lord, fro the brething of the spirit of his strong veniaunce.Select 2 Samuel 22:16

17He sente fro heuene, and took me; and drow me out of manye watris.Select 2 Samuel 22:17

18He delyuerede me fro my myytiest enemy, and fro hem that hatiden me; for thei weren strongere than Y.Select 2 Samuel 22:18

19Thei camen bifore me in the dai of my turmentyng; and the Lord was maad my stidfastnesse.Select 2 Samuel 22:19

20And he ledde me out in to largenesse, and he delyuerede me; for Y pleside hym.Select 2 Samuel 22:20

21The Lord schal yelde to me vp my riytfulnesse; and he schal yelde to me vp, `ethir aftir, the clennesse of myn hondis.Select 2 Samuel 22:21

22For Y kepte the weies of the Lord; and Y dide not wickidli fro my God.Select 2 Samuel 22:22

23For alle hise domes weren in my siyt; and Y dide not awei fro me hise heestis.Select 2 Samuel 22:23

24And Y schal be perfit with hym; and Y schal kepe me fro my wickidnesse.Select 2 Samuel 22:24

25And the Lord schal restore to me vpe my riytfulnesse; and vp the clennesse of myn hondis in the siyt of hise iyen.Select 2 Samuel 22:25

26With the hooli thou schalt be hooli, and with the stronge, `that is, to suffre aduersitees pacientli, thou schalt be perfit;Select 2 Samuel 22:26

27and with a chosun man `to blis thou schalt be chosun, and with a weiward man thou schalt be maad weiward, `that is, in yeldynge iustli peyne to hym vpe his weiwardnesse.Select 2 Samuel 22:27

28And thou schalt make saaf a pore puple; and with thin iyen thou schalt make lowe hem that ben hiye.Select 2 Samuel 22:28

29For thou, Lord, art my lanterne, and thou, Lord, schalt liytne my derknessis.Select 2 Samuel 22:29

30For Y gird, `that is, maad redi to batel, schal renne in thee, `that is, in thi vertu; and in my God Y schal `scippe ouer the wal.Select 2 Samuel 22:30

31`God his weie is `with out wem; the speche of the Lord is examynyd bi fier, `that is, is pure and clene as metal preuyd in the furneys; he is a scheeld of alle men hopynge in hym.Select 2 Samuel 22:31

32For who is God, outakun the Lord; and who is strong, outakun oure God?Select 2 Samuel 22:32

33God, that hath gird me with strengthe, and hath maad pleyn my perfit weie;Select 2 Samuel 22:33

34and he made euene my feet with hertis, and settide me on myn hiye thingis;Select 2 Samuel 22:34

35and he tauyte myn hondis to batel, and made myn armes as a brasun bouwe.Select 2 Samuel 22:35

36Thou hast youe to me the sheeld of thin heelthe; and my myldenesse multipliede me.Select 2 Samuel 22:36

37Thou schalt alarge my steppis vndur me; and myn heelis schulen not faile.Select 2 Samuel 22:37

38Y schal pursue myn enemyes, and Y schal al to-breke hem; and Y schal not turne ayen, til Y waste hem.Select 2 Samuel 22:38

39Y schal waste hem, and Y schal breke, that thei rise not; thei schulen falle vndur my feet.Select 2 Samuel 22:39

40Thou hast gird me with strengthe to batel; thou hast bowid vnder me hem that ayenstoden me.Select 2 Samuel 22:40

41Thou hast youe myn enemyes abac to me, men hatynge me; and Y schal distrie hem.Select 2 Samuel 22:41

42Thei schulen crye, `that is, to ydols ether to mennus help, and noon schal be that schal saue; `thei schulen crie to the Lord, and he schal not here hem.Select 2 Samuel 22:42

43Y schal do awei hem as the dust of erthe; Y schal `powne hem, and Y schal do awei as the clei of stretis.Select 2 Samuel 22:43

44Thou schalt saue me fro ayenseiyngis of my puple; thou schalt kepe me in to the heed of folkis; the puple, whom Y knowe not, schal serue me.Select 2 Samuel 22:44

45Alien sones schulen ayenstonde me; bi heryng of eere thei schulen obeie to me.Select 2 Samuel 22:45

46Alien sones fletiden awei; and thei schulen be drawun togidere in her angwischis.Select 2 Samuel 22:46

47The Lord lyueth, and my God is blessid; and the stronge God of myn helthe schal be enhaunsid.Select 2 Samuel 22:47

48God, that yyuest veniauncis to me; and hast cast doun puplis vndur me.Select 2 Samuel 22:48

49Which ledist me out fro myn enemyes, and reisist me fro men ayenstondinge me; thou schalt deliuere me fro the wickid man.Select 2 Samuel 22:49

50Therfor, Lord, Y schal knowleche to thee in hethene men; and Y schal synge to thi name.Select 2 Samuel 22:50

51And he magnyfieth the helthis of his kyng; and doith mercyes to his crist Dauid, and to his seed til in to withouten ende.Select 2 Samuel 22:51