4Zechariah 4

1And the aungel turnede ayen, that spak in me, and reiside me, as a man that is reisid of his sleep.Select Zechariah 4:1

2And he seide to me, What seest thou? And Y seide, Y saiy, and lo! a candilstike al of gold, and the laumpe therof on the heed therof, and seuene lanternes therof on it, and seuene vessels for to holde oyle to the lanternes, that weren on the heed therof.Select Zechariah 4:2

3And twei olyues there onne, oon of the riythalf `of the laumpe, and `an other on the left half therof.Select Zechariah 4:3

4And Y answeride, and seide to the aungel that spak in me, and Y seide, What ben these thingis, my lord?Select Zechariah 4:4

5And the aungel that spak in me, answeride, and seide to me, Whether thou woist not what ben these thingis? And Y seide, No, my lord.Select Zechariah 4:5

6And he answeride, and seide to me, and spak, This is the word of the Lord, seiynge to Sorobabel, Not in oost, nether in strengthe, but in my spirit, seith the Lord of oostis.Select Zechariah 4:6

7Who art thou, greet hil, bifore Sorobabel in to pleyn? and he schal lede out the firste stoon, and schal make euene grace to grace therof.Select Zechariah 4:7

8And the word of the Lord was maad to me,Select Zechariah 4:8

9and seide, The hondis of Sorobabel foundiden this hous, and the hondis of hym schulen perfourme it; and ye schulen wite, that the Lord of oostis sente me to you.Select Zechariah 4:9

10Who forsothe dispiside litle daies? and thei schulen be glad, and schulen se a stoon of tyn in the hond of Sorobabel. These ben seuene iyen of the Lord, that rennen aboute in to al erthe.Select Zechariah 4:10

11And Y answeride, and seide to hym, What ben these tweyne olyues on the riythalf of the candilstike, and at the lift-half therof?Select Zechariah 4:11

12And Y answeryde the secounde tyme, and seide to hym, What ben the tweyne eeris, ether ripe fruyt, of olyues, that ben bisidis the twei bilis of gold, in whiche ben oile vesselis of gold?Select Zechariah 4:12

13And he seide to me, and spak, Whether thou woost not what ben these thingis?Select Zechariah 4:13

14And Y seide, No, my lord. And he seide, These ben twei sones of oile of schynyng, whiche stonden nyy to the lordli gouernour of al erthe.Select Zechariah 4:14