12Deuteronomy 12

1These ben the heestis and domes, whiche ye owen to do, in the lond which the Lord God of thi fadrys schal yyue to thee, that thou welde it, in alle daies in whiche thou schalt go on erthe.Select Deuteronomy 12:1

2Distrie ye alle the places wherynne hethen men whiche ye schulen welde, worschipiden her goddis, on hiy mounteyns, and litle hillis, and vndur ech tre ful of bowis.Select Deuteronomy 12:2

3Distrie ye `the auteris of hem, and `breke ye the ymagis; brenne ye the wodis with fier, and al to breke ye the idolis; destrie ye `the names of hem fro the places.Select Deuteronomy 12:3

4Ye schulen not do so to youre Lord God ;Select Deuteronomy 12:4

5but ye schulen come to the place which youre Lord God chees of alle youre lynagis, that he putte his name there, and dwelle therynne;Select Deuteronomy 12:5

6and ye schulen come, and schulen offre in that place youre brent sacrifices, and slayn sacrifices, the dymes, and firste fruytis of youre hondis, and avowis and yiftis, the firste gendrid thingis of oxun, and of scheep.Select Deuteronomy 12:6

7And ye and youre housis schulen ete there in the siyt of youre Lord God; and ye schulen be glad in alle thingis to whiche ye putten hond, in whiche youre Lord God blesside you.Select Deuteronomy 12:7

8Ye schulen not do there tho thingis whiche we don here to dai, ech man that semeth riytful to `hym silf.Select Deuteronomy 12:8

9For `til in to present tyme ye camen not to reste and possessioun, which the Lord God schal yyue to you.Select Deuteronomy 12:9

10Ye schulen passe Jordan, and ye schulen dwelle in the lond which youre Lord God schal yyue to you, that ye reste fro alle enemyes `bi cumpas, and dwelle without ony drede.Select Deuteronomy 12:10

11In the place which youre Lord God chees that his name be therynne. Thidur ye schulen bere alle thingis, whiche Y comaunde, brent sacrifices, and sacrifices, and the dymes, and firste fruytis of youre hondis, and what euere is the beste in yiftis, whiche ye auowiden to the Lord.Select Deuteronomy 12:11

12Ther ye schulen ete bifor youre Lord God, ye, and youre sones and douytris, youre seruauntis, and seruauntessis, and the dekenes, that dwellen in youre citees; for thei han not other part and possessioun among you.Select Deuteronomy 12:12

13Be thou war lest thou offre thi brent sacrifices in ech place which thou seest,Select Deuteronomy 12:13

14but in that place which the Lord chees in oon of thi lynagis thou schalt offre sacrifices, and schalt do what euer thingis Y comaunde to thee.Select Deuteronomy 12:14

15Forsothe if thou wolt ete, and the etyng of fleischis delitith thee, sle thou, and ete, bi the blessyng of thi Lord God, which he yaf to thee in thi citees, whether it is vnclene, `that is, spottid ether wemmed and feble, ether clene, `that is, hool in membris and with out wem, which is leueful to be offrid, thou schalt ete as a capret and hert; oneli without etyng of blood,Select Deuteronomy 12:15

16which thou schalt schede out as watir on the erthe.Select Deuteronomy 12:16

17Thou schalt not mowe ete in thi citees the tithis of thi wheete, wyn, and oile, the firste gendrid thingis of droues, and of scheep, and alle thingis whiche thou hast avowid and wolt offre bi fre wille, and the firste fruytis of thin hondis;Select Deuteronomy 12:17

18but thou schalt ete tho bifor thi Lord God, in the place which thi Lord God chees, thou, and thi sone, and douyter, seruaunt, and seruauntesse, and the dekene that dwellith in thi citees; and thou schalt be glad, and schalt be fillid bifor thi Lord God in alle thingis to whiche thou holdist forth thin hond.Select Deuteronomy 12:18

19Be thou war lest thou forsake the dekene in al tyme, `in which thou lyuest in erthe.Select Deuteronomy 12:19

20Whanne thi Lord God hath alargid thi termes, as he spak to thee, and thou wolt ete fleischis, whiche thi soule desirith,Select Deuteronomy 12:20

21forsothe if the place is fer, which thi Lord God chees, that his name be there, thou schalt sle of thin oxun, and scheep, whiche thou hast, as `the Lord comaundide to thee; and thou schalt ete in thi citees as it plesith thee.Select Deuteronomy 12:21

22As a capret and hert is etun, so thou schalt ete tho; bothe a cleene man and vncleene schulen ete therof in comyn.Select Deuteronomy 12:22

23Oneli eschewe thou this, that thou ete not blood; for the blood `of tho beestis is for the lijf, and therfor thou owist not ete the lijf with fleischis,Select Deuteronomy 12:23

24but thou schalt schede as watir `the blood on the erthe,Select Deuteronomy 12:24

25that it be wel to thee, and to thi sones after thee, whanne thou hast do that, that plesith in the siyt of the Lord.Select Deuteronomy 12:25

26Sotheli thou schalt take that that thou `auowidist, and halewidist to the Lord, and thou schalt come to the place which the Lord chees;Select Deuteronomy 12:26

27and thou schalt offre thin offryngis, fleischis, and blood, on the auter of thi Lord God; thou schalt schede in the auter the blood of sacrifices; forsothe thou schalt ete the fleischis.Select Deuteronomy 12:27

28Kepe thou and here alle thingis whiche Y comaunde to thee, that it be wel to thee, and to thi sones after thee, with outen ende, whanne thou hast do that, that is good and plesaunt in the siyt of thi Lord God.Select Deuteronomy 12:28

29Whanne thi Lord God hath distryed bifor thi face folkis, to whiche thou schalt entre to welde, and thou hast weldid tho folkis, and hast dwellid in `the lond of hem,Select Deuteronomy 12:29

30be thou war lest thou sue hem, aftir that thei ben distried, whanne thou entrist, and thou seke `the cerymonyes of hem, and seie, As these folkis worschipyden her goddis, so and Y schal worschipe.Select Deuteronomy 12:30

31Thou schalt not do in lijk manere to thi Lord God; for thei diden to her goddis alle abhomynaciouns whiche the Lord wlatith, and offriden her sones and douytris, and brenten with fier.Select Deuteronomy 12:31

32Do thou to the Lord this thing oneli which Y comaunde to thee, nethir adde thou ony thing, nether abate.Select Deuteronomy 12:32