1James 1

1James, the seruaunt of God, and of oure Lord Jhesu Crist, to the twelue kinredis, that ben in scatering abrood, helthe.Select James 1:1

2My britheren, deme ye al ioye, whanne ye fallen in to diuerse temptaciouns, witynge,Select James 1:2

3that the preuyng of youre feith worchith pacience;Select James 1:3

4and pacience hath a perfit werk, that ye be perfit and hole, and faile in no thing.Select James 1:4

5And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym.Select James 1:5

6But axe he in feith, and doute no thing; for he that doutith, is lijk to a wawe of the see, which is moued and borun a boute of wynde.Select James 1:6

7Therfor gesse not the ilke man, that he schal take ony thing of the Lord.Select James 1:7

8A man dowble in soule is vnstable in alle hise weies.Select James 1:8

9And a meke brother haue glorie in his enhaunsyng,Select James 1:9

10and a riche man in his lownesse; for as the flour of gras he schal passe.Select James 1:10

11The sunne roos vp with heete, and driede the gras, and the flour of it felde doun, and the fairnesse of his chere perischide; and so a riche man welewith in hise weies.Select James 1:11

12Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.Select James 1:12

13No man whanne he is temptid, seie, that he is temptid of God; for whi God is not a temptere of yuele thingis, for he temptith no man.Select James 1:13

14But ech man is temptid, drawun and stirid of his owne coueiting.Select James 1:14

15Aftirward coueityng, whanne it hath conseyued, bringith forth synne; but synne, whanne it is fillid, gendrith deth.Select James 1:15

16Therfor, my most dereworthe britheren, nyle ye erre.Select James 1:16

17Ech good yifte, and ech perfit yifte is from aboue, and cometh doun fro the fadir of liytis, anentis whom is noon other chaungyng, ne ouerschadewyng of reward.Select James 1:17

18For wilfulli he bigat vs bi the word of treuthe, that we be a bigynnyng of his creature.Select James 1:18

19Wite ye, my britheren moost loued, be ech man swift to here, but slow to speke, and slow to wraththe;Select James 1:19

20for the wraththe of man worchith not the riytwisnesse of God.Select James 1:20

21For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis.Select James 1:21

22But be ye doeris of the word, and not hereris oneli, disseiuynge you silf.Select James 1:22

23For if ony man is an herere of the word, and not a doere, this schal be licned to a man that biholdith the cheer of his birthe in a mirour;Select James 1:23

24for he bihelde hym silf, and wente awei, and anoon he foryat which he was.Select James 1:24

25But he that biholdith in the lawe of perfit fredom, and dwellith in it, and is not maad a foryetful herere, but a doere of werk, this schal be blessid in his dede.Select James 1:25

26And if ony man gessith hym silf to be religiouse, and refreyneth not his tunge, but disseyueth his herte, the religioun of him is veyn.Select James 1:26

27A clene religioun, and an vnwemmed anentis God and the fadir, is this, to visite fadirles and modirles children, and widewis in her tribulacioun, and to kepe hym silf vndefoulid fro this world.Select James 1:27