4James 4

1Wherof ben batelis and cheestis among you? Whether not of youre coueitisis, that fiyten in youre membris?Select James 4:1

2Ye coueiten, and ye han not; ye sleen, and ye han enuye, and ye moun not gete. Ye chiden, and maken batel; and ye han not, for ye axen not.Select James 4:2

3Ye axen, and ye resseyuen not; for that ye axen yuele, as ye schewen opynli in youre coueitisis.Select James 4:3

4Auowtreris, witen not ye, that the frenschip of this world is enemye to God? Therfor who euere wole be frend of this world, is maad the enemye of God.Select James 4:4

5Whether ye gessen, that the scripture seith veynli, The spirit that dwellith in you, coueitith to enuye?Select James 4:5

6But he yyueth the more grace; for which thing he seith, God withstondith proude men, but to meke men he yyueth grace.Select James 4:6

7Therfor be ye suget to God; but withstonde ye the deuel, and he schal fle fro you.Select James 4:7

8Neiye ye to God, and he schal neiye to you. Ye synneris, clense ye hondis, and ye double in soule, purge ye the hertis.Select James 4:8

9Be ye wretchis, and weile ye; youre leiyyng be turned in to weping, and ioye in to sorewe of herte.Select James 4:9

10Be ye mekid in the siyt of the Lord, and he schal enhaunse you.Select James 4:10

11My britheren, nyle ye bacbite ech othere. He that bacbitith his brothir, ethir that demeth his brothir, bacbitith the lawe, and demeth the lawe. And if thou demest the lawe, thou art not a doere of the lawe, but a domesman.Select James 4:11

12But oon is makere of the lawe, and iuge, that may lese, and delyuere.Select James 4:12

13And who art thou, that demest thi neiybore? Lo! now ye, that seien, To dai ethir to morewe we schulen go in to thilke citee, and there we schulen dwelle a yeer, and we schulen make marchaundise, and we schulen make wynning;Select James 4:13

14whiche witen not, what is to you in the morewe.Select James 4:14

15For what is youre lijf? A smoke apperinge at a litil, and aftirward it schal be wastid. Therfor that ye seie, If the Lord wole, and if we liuen, we schulen do this thing, ether that thing.Select James 4:15

16And now ye maken ful out ioye in youre pridis; euery siche ioye is wickyd.Select James 4:16

17Therfor it is synne to hym, that kan do good, and doith not.Select James 4:17