5Ephesians 5

1Therfor be ye foloweris of God, as moost dereworthe sones;Select Ephesians 5:1

2and walke ye in loue, as Crist louyde vs, and yaf hym silf for vs an offryng and a sacrifice to God, in to the odour of swetnesse.Select Ephesians 5:2

3And fornycacioun, and al vnclennesse, or aueryce, be not named among you, as it bicometh holi men;Select Ephesians 5:3

4ethir filthe, or foli speche, or harlatrye, that perteyneth not to profit, but more doyng of thankyngis.Select Ephesians 5:4

5For wite ye this, and vndurstonde, that ech letchour, or vnclene man, or coueytouse, that serueth to mawmetis, hath not eritage in the kingdom of Crist and of God.Select Ephesians 5:5

6No man disseyue you bi veyn wordis; for whi for these thingis the wraththe of God cam on the sones of vnbileue.Select Ephesians 5:6

7Therfor nyle ye be maad parteneris of hem.Select Ephesians 5:7

8For ye weren sum tyme derknessis, but now `ye ben liyt in the Lord. Walke ye as the sones of liyt.Select Ephesians 5:8

9For the fruyt of liyt is in al goodnesse, and riytwisnesse, and treuthe.Select Ephesians 5:9

10And preue ye what `thing is wel plesynge to God.Select Ephesians 5:10

11And nyle ye comyne to vnfruytouse werkis of derknessis; but more repreue ye.Select Ephesians 5:11

12For what thingis ben don of hem in priuy, it is foule, yhe, to speke.Select Ephesians 5:12

13And alle thingis that ben repreuyd of the liyt, ben opynli schewid; for al thing that is schewid, is liyt.Select Ephesians 5:13

14For which thing he seith, Rise thou that slepist, and rise vp fro deth, and Crist schal liytne thee.Select Ephesians 5:14

15Therfor, britheren, se ye, hou warli ye schulen go;Select Ephesians 5:15

16not as vnwise men, but as wise men, ayenbiynge tyme, for the daies ben yuele.Select Ephesians 5:16

17Therfor nyle ye be maad vnwise, but vndurstondynge which is the wille of God.Select Ephesians 5:17

18And nyle ye be drunkun of wyn, in which is letcherie, but be ye fillid with the Hooli Goost; and speke ye to you silf in salmes,Select Ephesians 5:18

19and ymnes, and spiritual songis, syngynge and seiynge salm in youre hertis to the Lord;Select Ephesians 5:19

20euermore doynge thankingis for alle thingis in the name of oure Lord Jhesu Crist to God and to the fadir.Select Ephesians 5:20

21Be ye suget togidere in the drede of Crist.Select Ephesians 5:21

22Wymmen, be thei suget to her hosebondis,Select Ephesians 5:22

23as to the Lord, for the man is heed of the wymman, as Crist is heed of the chirche; he is sauyour of his bodi.Select Ephesians 5:23

24But as the chirche is suget to Crist, so wymmen to her hosebondis in alle thingis.Select Ephesians 5:24

25Men, loue ye youre wyues, as Crist louyde the chirche, and yaf hym silf for it, to make it holi;Select Ephesians 5:25

26and clenside it with the waisching of watir, in the word of lijf,Select Ephesians 5:26

27to yyue the chirche gloriouse to hym silf, that it hadde no wem, ne ryueling, or ony siche thing, but that it be hooli and vndefoulid.Select Ephesians 5:27

28So and men `schulen loue her wyues, as her owne bodies. He that loueth his wijf, loueth hym silf;Select Ephesians 5:28

29for no man hatide euere his owne fleisch, but nurischith and fostrith it, as Crist doith the chirche.Select Ephesians 5:29

30And we ben membris of his bodi, of his fleisch, and of his boonys.Select Ephesians 5:30

31For this thing a man schal forsake his fadir and modir, and he schal drawe to his wijf; and thei schulen be tweyne in o fleisch.Select Ephesians 5:31

32This sacrament is greet; yhe, Y seie in Crist, and in the chirche.Select Ephesians 5:32

33Netheles ye alle, ech man loue his wijf as hym silf; and the wijf drede hir hosebonde.Select Ephesians 5:33