3Lamentations 3

1Aleph. I am a man seynge my pouert in the yerde of his indignacioun.Select Lamentations 3:1

2Aleph. He droof me, and brouyte in to derknessis, and not in to liyt.Select Lamentations 3:2

3Aleph. Oneli he turnede in to me, and turnede togidere his hond al dai.Select Lamentations 3:3

4Beth. He made eld my skyn, and my fleisch; he al to-brak my boonys.Select Lamentations 3:4

5Beth. He bildid in my cumpas, and he cumpasside me with galle and trauel.Select Lamentations 3:5

6Beth. He settide me in derk places, as euerlastynge deed men.Select Lamentations 3:6

7Gymel. He bildide aboute ayens me, that Y go not out; he aggregide my gyues.Select Lamentations 3:7

8Gymel. But and whanne Y crie and preye, he hath excludid my preier.Select Lamentations 3:8

9Gymel. He closide togidere my weies with square stoonus; he distriede my pathis.Select Lamentations 3:9

10Deleth. He is maad a bere settinge aspies to me, a lioun in hid places.Select Lamentations 3:10

11Deleth. He distriede my pathis, and brak me; he settide me desolat.Select Lamentations 3:11

12Deleth. He bente his bowe, and settide me as a signe to an arowe.Select Lamentations 3:12

13He. He sente in my reynes the douytris of his arowe caas.Select Lamentations 3:13

14He. Y am maad in to scorn to al the puple, the song of hem al dai.Select Lamentations 3:14

15He. He fillide me with bitternesses; he gretli fillide me with wermod.Select Lamentations 3:15

16Vau. He brak at noumbre my teeth; he fedde me with aische.Select Lamentations 3:16

17Vau. And my soule is putte awei; Y haue foryete goodis.Select Lamentations 3:17

18Vau. And Y seide, Myn ende perischide, and myn hope fro the Lord.Select Lamentations 3:18

19Zai. Haue thou mynde on my pouert and goyng ouer, and on wermod and galle.Select Lamentations 3:19

20Zai. Bi mynde Y schal be myndeful; and my soule schal faile in me.Select Lamentations 3:20

21Zai. Y bithenkynge these thingis in myn herte, schal hope in God.Select Lamentations 3:21

22Heth. The mercies of the Lord ben manye, for we ben not wastid; for whi hise merciful doyngis failiden not.Select Lamentations 3:22

23Heth. Y knew in the morewtid; thi feith is miche.Select Lamentations 3:23

24Heth. My soule seide, The Lord is my part; therfor Y schal abide hym.Select Lamentations 3:24

25Teth. The Lord is good to hem that hopen in to hym, to a soule sekynge hym.Select Lamentations 3:25

26Teth. It is good to abide with stilnesse the helthe of God.Select Lamentations 3:26

27Teth. It is good to a man, whanne he hath bore the yok fro his yongthe.Select Lamentations 3:27

28Joth. He schal sitte aloone, and he schal be stille; for he reiside hym silf aboue hym silf.Select Lamentations 3:28

29Joth. He schal sette his mouth in dust, if perauenture hope is.Select Lamentations 3:29

30Joth. He schal yyue the cheke to a man that smytith hym; he schal be fillid with schenschipis.Select Lamentations 3:30

31Caph. For the Lord schal not putte awei with outen ende.Select Lamentations 3:31

32Caph. For if he castide awei, and he schal do merci bi the multitude of hise mercies.Select Lamentations 3:32

33Caph. For he makide not low of his herte; and castide not awei the sones of men. Lameth.Select Lamentations 3:33

34That he schulde al to-foule vndur hise feet alle the boundun men of erthe. Lameth.Select Lamentations 3:34

35That he schulde bowe doun the dom of man, in the siyt of the cheer of the hiyeste.Select Lamentations 3:35

36Lameth. That he schulde peruerte a man in his dom, the Lord knew not.Select Lamentations 3:36

37Men. Who is this that seide, that a thing schulde be don, whanne the Lord comaundide not?Select Lamentations 3:37

38Men. Nether goodis nether yuels schulen go out of the mouth of the hiyeste.Select Lamentations 3:38

39Men. What grutchide a man lyuynge, a man for hise synnes?Select Lamentations 3:39

40Nun. Serche we oure weies, and seke we, and turne we ayen to the Lord.Select Lamentations 3:40

41Nun. Reise we oure hertis with hondis, to the Lord in to heuenes.Select Lamentations 3:41

42Nun. We han do wickidli, and han terrid thee to wraththe; therfor thou art not able to be preied.Select Lamentations 3:42

43Sameth. Thou hilidist in stronge veniaunce, and smitidist vs; thou killidist, and sparidist not.Select Lamentations 3:43

44Sameth. Thou settidist a clowde to thee, that preier passe not.Select Lamentations 3:44

45Sameth. Thou settidist me, drawing vp bi the roote, and castynge out, in the myddis of puplis.Select Lamentations 3:45

46Ayn. Alle enemyes openyden her mouth on vs.Select Lamentations 3:46

47Ayn. Inward drede and snare is maad to vs, profesie and defoulyng.Select Lamentations 3:47

48Ayn. Myn iyen ledden doun departyngis of watris, for the defoulyng of the douyter of my puple.Select Lamentations 3:48

49Phe. Myn iye was turmentid, and was not stille; for no reste was.Select Lamentations 3:49

50Phe. Vntil the Lord bihelde, and siy fro heuenes.Select Lamentations 3:50

51Phe. Myn iye robbide my soule in alle the douytris of my citee.Select Lamentations 3:51

52Sade. Myn enemyes token me with out cause, bi huntyng as a brid.Select Lamentations 3:52

53Sade. My lijf slood in to a lake; and thei puttiden a stoon on me.Select Lamentations 3:53

54Sade. Watris flowiden ouer myn heed; Y seide, Y perischide.Select Lamentations 3:54

55Coph. Lord, Y clepide to help thi name, fro the laste lake.Select Lamentations 3:55

56Coph. Thou herdist my vois; turne thou not awei thin eere fro my sobbyng and cries.Select Lamentations 3:56

57Coph. Thou neiyidist to me in the dai, wherynne Y clepide thee to help; thou seidist, Drede thou not.Select Lamentations 3:57

58Res. Lord, ayenbiere of my lijf, thou demydist the cause of my soule.Select Lamentations 3:58

59Res. Lord, thou siest the wickidnesse of hem ayens me; deme thou my doom.Select Lamentations 3:59

60Res. Thou siest al the woodnesse, alle the thouytis of hem ayenus me.Select Lamentations 3:60

61Syn. Lord, thou herdist the schenshipis of hem; alle the thouytis of hem ayens me.Select Lamentations 3:61

62Syn. The lippis of men risynge ayens me, and the thouytis of hem ayens me al dai.Select Lamentations 3:62

63Syn. Se thou the sittynge and risyng ayen of hem; Y am the salm of hem.Select Lamentations 3:63

64Thau. Lord, thou schalt yelde while to hem, bi the werkis of her hondis.Select Lamentations 3:64

65Tau. Thou schalt yyue to hem the scheeld of herte, thi trauel.Select Lamentations 3:65

66Tau. Lord, thou schalt pursue hem in thi strong veniaunce, and thou schalt defoule hem vndur heuenes.Select Lamentations 3:66