5Lamentations 5

1Lord, haue thou mynde what bifelle to vs; se thou, and biholde oure schenschipe.Select Lamentations 5:1

2Oure eritage is turned to aliens, oure housis ben turned to straungers.Select Lamentations 5:2

3We ben maad fadirles children with out fadir; oure modris ben as widewis.Select Lamentations 5:3

4We drunken oure watir for monei, we bouyten oure trees for siluer.Select Lamentations 5:4

5We weren dryuun bi oure heedis, and reste was not youun to feynt men.Select Lamentations 5:5

6We yauen hond to Egipt, and to Assiriens, that we schulden be fillid with breed.Select Lamentations 5:6

7Oure fadris synneden, and ben not, and we baren the wickidnessis of hem.Select Lamentations 5:7

8Seruauntis weren lordis of vs, and noon was, that ayenbouyte fro the hond of hem.Select Lamentations 5:8

9In oure lyues we brouyten breed to vs, fro the face of swerd in desert.Select Lamentations 5:9

10Oure skynne is brent as a furneis, of the face of tempestis of hungur.Select Lamentations 5:10

11Thei maden low wymmen in Sion, and virgyns in the citees of Juda.Select Lamentations 5:11

12Princes weren hangid bi the hond; thei weren not aschamed of the faces of elde men.Select Lamentations 5:12

13Thei mysusiden yonge wexynge men vnchastli, and children fellen doun in tree.Select Lamentations 5:13

14Elde men failiden fro yatis; yonge men failiden of the queer of singeris.Select Lamentations 5:14

15The ioie of oure herte failide; oure song is turned in to mourenyng.Select Lamentations 5:15

16The coroun of oure heed fellen doun; wo to vs! for we synneden.Select Lamentations 5:16

17Therfor oure herte is maad soreuful, therfor oure iyen ben maad derk.Select Lamentations 5:17

18For the hil of Sion, for it perischide; foxis yeden in it.Select Lamentations 5:18

19But thou, Lord, schal dwelle with outen ende; thi seete schal dwelle in generacioun and in to generacioun.Select Lamentations 5:19

20Whi schalt thou foryete vs with outen ende, schalt thou forsake vs in to lengthe of daies?Select Lamentations 5:20

21Lord, conuerte thou vs to thee, and we schal be conuertid; make thou newe oure daies, as at the bigynnyng.Select Lamentations 5:21

22But thou castynge awei hast cast awei vs; thou art wrooth ayens vs greetli.Select Lamentations 5:22