30Jeremiah 30

1This is the word, that was maad of the Lord to Jeremye,Select Jeremiah 30:1

2and seide, The Lord God of Israel seith these thingis, and spekith, Write to thee in a book, alle these wordis whiche Y spak to thee.Select Jeremiah 30:2

3For lo! daies comen, seith the Lord, and Y schal turne the turnyng of my puple Israel and Juda, seith the Lord; and Y schal turne hem to the lond which Y yaf to the fadris of hem, and thei schulen haue it in possessioun.Select Jeremiah 30:3

4And these ben the wordis, whiche the Lord spak to Israel, and to Juda,Select Jeremiah 30:4

5For the Lord seith these thingis, We herden a word of drede; inward drede is, and pees is not.Select Jeremiah 30:5

6Axe ye, and se, if a male berith child; whi therfor siy Y the hond of ech man on his leende, as of a womman trauelynge of child, and alle faces ben turned in to yelow colour?Select Jeremiah 30:6

7Wo! for thilke day is greet, nether ony is lyk it; and it is a tyme of tribulacioun to Jacob, and of hym schal be sauyd.Select Jeremiah 30:7

8And it schal be, in that dai, seith the Lord of oostis, Y schal al to-breke the yok of hym fro thi necke, and Y schal breke hise boondis; and aliens schulen no more be lordis of it,Select Jeremiah 30:8

9but thei schulen serue to her Lord God, and to Dauid, her kyng, whom Y schal reyse for hem.Select Jeremiah 30:9

10Therfor, Jacob, my seruaunt, drede thou not, seith the Lord, and Israel, drede thou not; for lo! Y schal saue thee fro a fer lond, and thi seed fro the lond of the caitiftee of hem. And Jacob schal turne ayen, and schal reste, and schal flowe with alle goodis; and noon schal be whom he schal drede.Select Jeremiah 30:10

11For Y am with thee, seith the Lord, for to saue thee. For Y schal make endyng in alle folkis, in whiche Y scateride thee; sotheli Y schal not make thee in to endyng, but Y schal chastise thee in doom, that thou be not seyn to thee to be gilteles.Select Jeremiah 30:11

12For the Lord seith these thingis, Thi brekyng is vncurable, thi wounde is the worste.Select Jeremiah 30:12

13Noon is, that demeth thi doom to bynde togidere; the profit of heelyngis is not to thee.Select Jeremiah 30:13

14Alle thi louyeris han foryete thee, thei schulen not seke thee; for Y haue smyte thee with the wounde of an enemy, with cruel chastisyng; for the multitude of thi wickidnesse, thi synnes ben maad hard.Select Jeremiah 30:14

15What criest thou on thi brekynge? thi sorewe is vncurable; for the multitude of thi wickidnesse, and for thin hard synnes, Y haue do these thingis to thee.Select Jeremiah 30:15

16Therfor alle that eeten thee, schulen be deuourid, and alle thin enemyes schulen be led in to caitifte; and thei that distrien thee, schulen be distried, and Y schal yyue alle thi robberis in to raueyn.Select Jeremiah 30:16

17For Y schal heele perfitli thi wounde, and Y schal make thee hool of thi woundis, seith the Lord; for thou, Sion, thei clepeden thee cast out; this is it that hadde no sekere.Select Jeremiah 30:17

18The Lord seith these thingis, Lo! Y schal turne the turnyng of the tabernaclis of Jacob, and Y schal haue merci on the housis of hym; and the citee schal be bildid in his hiynesse, and the temple schal be foundid bi his ordre.Select Jeremiah 30:18

19And heriyng and the vois of pleiers schal go out of hem, and Y schal multiplie hem, and thei schulen not be decreessid; and Y schal glorifie hem, and thei schulen not be maad thynne.Select Jeremiah 30:19

20And the sones therof schulen be as at the bigynnyng, and the cumpeny therof schal dwelle bifore me; and Y schal visite ayens alle that doon tribulacioun to it.Select Jeremiah 30:20

21And the duyk therof schal be of it, and a prince schal be brouyt forth of the myddis therof; and Y schal applie hym, and he schal neiye to me; for who is this, that schal applie his herte, that he neiye to me? seith the Lord.Select Jeremiah 30:21

22And ye schulen be in to a puple to me, and Y schal be in to God to you.Select Jeremiah 30:22

23Lo! the whirlewynd of the Lord, a strong veniaunce goynge out, a tempest fallynge doun, schal reste in the heed of wickid men.Select Jeremiah 30:23

24The Lord schal not turne awey the ire of indignacioun, til he do, and fille the thouyt of his herte; in the laste of daies ye schulen vndurstonde tho thingis.Select Jeremiah 30:24