1John 1

1In the bigynnyng was the word, and the word was at God, and God was the word.Select John 1:1

2This was in the bigynnyng at God.Select John 1:2

3Alle thingis weren maad bi hym, and withouten hym was maad no thing, that thing that was maad.Select John 1:3

4In hym was lijf, and the lijf was the liyt of men; and the liyt schyneth in derknessis,Select John 1:4

5and derknessis comprehendiden not it.Select John 1:5

6A man was sent fro God, to whom the name was Joon.Select John 1:6

7This man cam in to witnessyng, that he schulde bere witnessing of the liyt, that alle men schulden bileue bi hym.Select John 1:7

8He was not the liyt, but that he schulde bere witnessing of the liyt.Select John 1:8

9There was a very liyt, which liytneth ech man that cometh in to this world.Select John 1:9

10He was in the world, and the world was maad bi hym, and the world knew hym not.Select John 1:10

11He cam in to his owne thingis, and hise resseyueden hym not.Select John 1:11

12But hou many euer resseyueden hym, he yaf to hem power to be maad the sones of God, to hem that bileueden in his name; the whiche not of bloodis,Select John 1:12

13nether of the wille of fleische, nether of the wille of man, but ben borun of God.Select John 1:13

14And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe.Select John 1:14

15Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me;Select John 1:15

16and of the plente of hym we alle han takun, and grace for grace.Select John 1:16

17For the lawe was youun bi Moises; but grace and treuthe `is maad bi Jhesu Crist.Select John 1:17

18No man sai euer God, no but the `oon bigetun sone, that is in the bosum of the fadir, he hath teld out.Select John 1:18

19And this is the witnessyng of Joon, whanne Jewis senten fro Jerusalem prestis and dekenes to hym, that thei schulden axe hym, Who art thou?Select John 1:19

20He knoulechide, and denyede not, and he knoulechide, For Y am not Crist.Select John 1:20

21And thei axiden hym, What thanne? Art thou Elie? And he seide, Y am not. Art thou a profete? And he answeride, Nay.Select John 1:21

22Therfor thei seiden to hym, Who art thou? that we yyue an answere to these that senten vs. What seist thou of thi silf?Select John 1:22

23He seide, Y am a vois of a crier in deseert, Dresse ye the weie of the Lord, as Ysaie, the prophete, seide.Select John 1:23

24And thei that weren sent, weren of the Fariseis.Select John 1:24

25And thei axiden hym, and seiden to hym, What thanne baptisist thou, if thou art not Crist, nether Elie, nether a profete?Select John 1:25

26Joon answeride to hem, and seide, Y baptise in watir, but in the myddil of you hath stonde oon, that ye knowen not;Select John 1:26

27he it is, that schal come aftir me, that was maad bifor me, of whom Y am not worthi to louse the thwong of his schoo.Select John 1:27

28These thingis weren don in Bethanye biyende Jordan, where Joon was baptisyng.Select John 1:28

29Anothir day Joon say Jhesu comynge to hym, and he seide, Lo! the lomb of God; lo! he that doith awei the synnes of the world.Select John 1:29

30This is he, that Y seide of, Aftir me is comun a man, which was maad bifor me; for he was rather than Y.Select John 1:30

31And Y knew hym not, but that he be schewid in Israel, therfor Y cam baptisynge in watir.Select John 1:31

32And Joon bar witnessyng, and seide, That Y saiy the spirit comynge doun as a culuer fro heuene, and dwellide on hym.Select John 1:32

33And Y knew hym not; but he that sente me to baptise in watir, seide to me, On whom thou seest the Spirit comynge doun, and dwellynge on hym, this is he, that baptisith in the Hooli Goost.Select John 1:33

34And Y say, and bar witnessyng, that this is the sone of God.Select John 1:34

35Anothir dai Joon stood, and tweyne of hise disciplis;Select John 1:35

36and he biheeld Jhesu walkinge, and seith, Lo! the lomb of God.Select John 1:36

37And twei disciplis herden hym spekynge,Select John 1:37

38and folewiden Jhesu. And Jhesu turnede, and say hem suynge hym, and seith to hem, What seken ye? And thei seiden to hym, Rabi, that is to seie, Maistir, where dwellist thou?Select John 1:38

39And he seith to hem, Come ye, and se. And thei camen, and sayn where he dwellide; and dwelten with hym that dai. And it was as the tenthe our.Select John 1:39

40And Andrewe, the brother of Symount Petir, was oon of the tweyne, that herden of Joon, and hadden sued hym.Select John 1:40

41This foond first his brother Symount, and he seide to him, We han foundun Messias, that is to seie, Crist; and he ledde him to Jhesu.Select John 1:41

42And Jhesus bihelde hym, and seide, Thou art Symount, the sone of Johanna; thou schalt be clepid Cefas, that is to seie, Petre.Select John 1:42

43And on the morewe he wolde go out in to Galilee, and he foond Filip; and he seith to hym, Sue thou me.Select John 1:43

44Filip was of Bethsaida, the citee of Andrew and of Petre.Select John 1:44

45Filip foond Nathanael, and seide to hym, We han foundun Jhesu, the sone of Joseph, of Nazareth, whom Moyses wroot in the lawe and profetis.Select John 1:45

46And Nathanael seide to hym, Of Nazareth may sum good thing be?Select John 1:46

47Filip seide to hym, Come, and se. Jhesus siy Nathanael comynge to hym, and seide to hym, Lo! verili a man of Israel, in whom is no gile.Select John 1:47

48Nathanael seide to hym, Wherof hast thou knowun me? Jhesus `answerde, and seide to hym, Bifor that Filip clepide thee, whanne thou were vndur the fige tree, Y saiy thee. Nathanael answerde to hym,Select John 1:48

49`and seide, Rabi, thou art the sone of God, thou art kyng of Israel.Select John 1:49

50Jhesus answerde, and seide to hym, For Y seide to thee, Y sawy thee vndur the fige tre, thou bileuest; thou schalt se more than these thingis.Select John 1:50

51And he seide to hem, Treuli, treuli, Y seie to you, ye schulen se heuene opened, and the aungels of God stiynge vp and comynge doun on mannys sone.Select John 1:51