10John 10

1Treuli, treuli, Y seie to you, he that cometh not in by the dore in to the foold of scheep, but stieth bi another weie, is a nyyt theef and a dai theef.Select John 10:1

2But he that entrith bi the dore, is the scheepherde of the scheep.Select John 10:2

3To this the porter openeth, and the scheep heren his vois, and he clepith his owne scheep bi name, and ledith hem out.Select John 10:3

4And whanne he hath don out his owne scheep, he goith bifor hem, and the scheep suen hym; for thei knowun his vois.Select John 10:4

5But thei suen not an alien, but fleen from hym; for thei han not knowun the vois of aliens.Select John 10:5

6Jhesus seide to hem this prouerbe; but thei knewen not what he spak to hem.Select John 10:6

7Therfor Jhesus seide to hem eftsoone, Treuli, treuli, Y seie to you, that Y am the dore of the scheep.Select John 10:7

8As many as han come, weren nyyt theues and day theues, but the scheep herden not hem.Select John 10:8

9Y am the dore. If ony man schal entre bi me, he schal be sauyd; and he schal go ynne, and schal go out, and he schal fynde lesewis.Select John 10:9

10A nyyt theef cometh not, but that he stele, sle, and leese; and Y cam, that thei han lijf, and haue more plenteousli.Select John 10:10

11I am a good scheepherde; a good scheepherde yyueth his lijf for hise scheep.Select John 10:11

12But an hirid hyne, and that is not the scheepherde, whos ben not the scheep his owne, seeth a wolf comynge, and he leeueth the scheep, and fleeth; and the wolf rauyschith, and disparplith the scheep.Select John 10:12

13And the hirid hyne fleeth, for he is an hirid hyne, and it parteyneth not to hym of the scheep.Select John 10:13

14Y am a good scheepherde, and Y knowe my scheep, and my scheep knowen me.Select John 10:14

15As the fadir hath knowun me, Y knowe the fadir; and Y putte my lijf for my scheep.Select John 10:15

16Y haue othere scheep, that ben not of this foolde, and it bihoueth me to brynge hem togidir, and thei schulen here my vois; and it schal be maad o foolde and o scheepherde.Select John 10:16

17Therfor the fadir loueth me, for Y putte my lijf, that eftsoone Y take it.Select John 10:17

18No man takith it fro me, but Y putte it of my silf. Y haue power to putte it, and Y haue power to take it ayen. This maundement Y haue takun of my fadir.Select John 10:18

19Eft dissencioun was maad among the Jewis for these wordis.Select John 10:19

20And many of hem seiden, He hath a deuel, and maddith; what heren ye hym?Select John 10:20

21Othere men seiden, These wordis ben not of a man that hath a feend. Whether the deuel may opene the iyen of blynde men?Select John 10:21

22But the feestis of halewyng of the temple weren maad in Jerusalem, and it was wyntir.Select John 10:22

23And Jhesus walkide in the temple, in the porche of Salomon.Select John 10:23

24Therfor the Jewis camen aboute hym, and seiden to hym, Hou long takist thou awei oure soule? if thou art Crist, seie thou to vs opynli.Select John 10:24

25Jhesus answerde to hem, Y speke to you, and ye bileuen not; the werkis that Y do in the name of my fadir, beren witnessyng of me.Select John 10:25

26But ye bileuen not, for ye ben not of my scheep.Select John 10:26

27My scheep heren my vois, and Y knowe hem, and thei suen me.Select John 10:27

28And Y yyue to hem euerelastynge lijf, and thei schulen not perische with outen ende, and noon schal rauysche hem fro myn hoond.Select John 10:28

29That thing that my fadir yaf to me, is more than alle thingis; and no man may rauysche fro my fadris hoond.Select John 10:29

30Y and the fadir ben oon.Select John 10:30

31The Jewis token vp stoonys, to stoone hym.Select John 10:31

32Jhesus answerde to hem, Y haue schewide to you many good werkis of my fadir, for which werk of hem stonen ye me?Select John 10:32

33The Jewis answerden to hym, We stoonen thee not of good werk, but of blasfemye, and for thou, sithen thou art a man, makist thi silf God.Select John 10:33

34Jhesus answerde to hem, Whether it is not writun in youre lawe, That Y seide, Ye ben goddis?Select John 10:34

35Yf he seide that thei weren goddis, to whiche the word of God was maad, and scripture may not be vndon,Select John 10:35

36thilke that the fadir hath halewid, and hath sent in to the world, ye seien, That `thou blasfemest, for Y seide, Y am Goddis sone?Select John 10:36

37Yf Y do not the werkis of my fadir, nyle ye bileue to me;Select John 10:37

38but if Y do, thouy ye wolen not bileue to me, bileue ye to the werkis; that ye knowe and bileue, that the fadir is in me, and Y in the fadir.Select John 10:38

39Therfor thei souyten to take hym, and he wente out of her hondis.Select John 10:39

40And he wente eftsoone ouer Jordan, in to that place where Joon was firste baptisynge, and he dwelte there.Select John 10:40

41And manye camen to hym, and seiden, For Joon dide no myracle;Select John 10:41

42and alle thingis what euer Joon seide of this, weren sothe. And many bileueden in hym.Select John 10:42