13John 13

1Bifor the `feeste dai of pask Jhesus witynge, that his our is comun, that he passe fro this world to the fadir, whanne he hadde loued hise that weren in the world, in to the ende he louede hem.Select John 13:1

2And whanne the souper was maad, whanne the deuel hadde put than in to the herte, that Judas of Symount Scarioth schulde bitraye hym,Select John 13:2

3he witynge that the fadir yaf alle thingis to hym in to hise hoondis, and that he wente out fro God,Select John 13:3

4and goith to God, he risith fro the souper, and doith of hise clothis; and whanne he hadde takun a lynun cloth, he girde hym.Select John 13:4

5And aftirward he putte watir in to a basyn, and biganne to waische the disciplis feet, and to wipe with the lynnen cloth, with which he was gird.Select John 13:5

6And so he cam to Symount Petre, and Petre seith to hym, Lord, waischist thou my feet?Select John 13:6

7Jhesus answerde, and seide to hym, What Y do, thou wost not now; but thou schalt wite aftirward.Select John 13:7

8Petre seith to hym, Thou schalt neuere waische my feet. Jhesus answeride to hym, If Y schal not waische thee, thou schalt not haue part with me.Select John 13:8

9Symount Petre seith to hym, Lord, not oneli my feet, but bothe the hoondis and the heed.Select John 13:9

10Jhesus seide to hym, He that is waischun, hath no nede but that he waische the feet, but he is al clene; and ye ben clene, but not alle.Select John 13:10

11For he wiste, who `was he that schulde bitraye hym; therfor he seide, Ye ben not alle clene.Select John 13:11

12And so aftir that he hadde waischun `the feet of hem, he took hise clothis; and whanne he was set to mete ayen, eft he seide to hem, Ye witen what Y haue don to you.Select John 13:12

13Ye clepen me maistir and lord, and ye seien wel; for Y am.Select John 13:13

14Therfor if Y, lord and maistir, haue waischun youre feet, and ye schulen waische oon anothers feet;Select John 13:14

15for Y haue youun `ensaumple to you, `that as I haue do to you, so do ye.Select John 13:15

16Treuli, treuli, Y seie to you, the seruaunt is not grettere than his lord, nether an apostle is grettere than he that sente hym.Select John 13:16

17If ye witen these thingis, ye schulen be blessid, if ye doen hem.Select John 13:17

18Y seie not of `alle you, Y woot whiche Y haue chosun; but that the scripture be fulfillid, He that etith my breed, schal reise his heele ayens me.Select John 13:18

19Treuly, Y seie to you bifor it be don, that whanne it is don, ye bileue that Y am.Select John 13:19

20Treuli, treuli, Y seie to you, he that takith whom euere Y schal sende, resseyueth me; and he that resseyueth me, resseyueth hym that sente me.Select John 13:20

21Whanne Jhesus hadde seid these thingis, he was troblid in spirit, and witnesside, and seide, Treuli, treuli, Y seie to you, that oon of you schal bitraye me.Select John 13:21

22Therfor the disciplis lokiden togidere, doutynge of whom he seide.Select John 13:22

23And so oon of hise disciplis was restynge in the bosum of Jhesu, whom Jhesu louede.Select John 13:23

24Therfor Symount Petre bikeneth to hym, `and seith to hym, Who is it, of whom he seith?Select John 13:24

25And so whanne he hadde restid ayen on the brest of Jhesu, he seith to hym, Lord, who is it?Select John 13:25

26Jhesus answerde, He it is, to whom Y schal areche a sop of breed. And whanne he hadde wet breed, he yaf to Judas of Symount Scarioth.Select John 13:26

27And aftir the mussel, thanne Sathanas entride in to hym. And Jhesus seith to hym, That thing that thou doist, do thou swithe.Select John 13:27

28And noon of hem that saten at the mete wiste, wherto he seide to hym.Select John 13:28

29For summe gessiden, for Judas hadde pursis, that Jhesus hadde seid to hym, Bie thou tho thingis, that ben nedeful to vs to the feeste dai, or that he schulde yyue sum thing to nedi men.Select John 13:29

30Therfor whanne he hadde takun the mussel, he wente out anoon; and it was nyyt.Select John 13:30

31And whanne he was gon out, Jhesus seide, Now mannus sone is clarified, and God is clarified in hym.Select John 13:31

32If God is clarified in hym, God schal clarifie hym in hym silf, and anoon he schal clarifie hym.Select John 13:32

33Litle sones, yit a litil Y am with you; ye schulen seke me, and, as Y seide to the Jewis, Whidur Y go, ye moun not come; and to you Y seie now.Select John 13:33

34Y yyue to you a newe maundement, that ye loue togidir, as Y louede you, `and that ye loue togidir.Select John 13:34

35In this thing alle men schulen knowe, that ye ben my disciplis, if ye han loue togidere.Select John 13:35

36Symount Petre seith to hym, Lord, whidur goist thou? Jhesus answeride, Whidur Y go, thou mayst not sue me now, but thou schalt sue afterward.Select John 13:36

37Petre seith to hym, Whi may Y not sue thee now? Y schal putte my lijf for thee.Select John 13:37

38Jhesus answeride, Thou schalt putte thi lijf for me? Treuli, treuli, Y seie to thee, the cok schal not crowe, til thou schalt denye me thries. And he seith to hise disciplis.Select John 13:38