14John 14

1Be not youre herte afraied, ne drede it; ye bileuen in God, and bileue ye in me.Select John 14:1

2In the hous of my fadir ben many dwellyngis; if ony thing lesse, Y hadde seid to you, for Y go to make redi to you a place.Select John 14:2

3And if Y go, and make redi to you a place, eftsoones Y come, and Y schal take you to my silf, that where Y am, ye be.Select John 14:3

4And whidur Y go, ye witen, and ye witen the weie.Select John 14:4

5Thomas seith to hym, Lord, we witen not whidur thou goist, and hou moun we wite the weie?Select John 14:5

6Jhesus seith to hym, Y am weie, treuthe, and lijf; no man cometh to the fadir, but bi me.Select John 14:6

7If ye hadden knowe me, sotheli ye hadden knowe also my fadir; and aftirward ye schulen knowe hym, and ye han seyn hym.Select John 14:7

8Filip seith to hym, Lord, schewe to vs the fadir, and it suffisith to vs.Select John 14:8

9Jhesus seith to hym, So long tyme Y am with you, and `han ye not knowun me? Filip, he that seeth me, seeth also the fadir. Hou seist thou, schewe to vs the fadir?Select John 14:9

10Bileuest thou not, that Y am in the fadir, and the fadir is in me? The wordis that Y speke to you, Y speke not of my silf; but the fadir hym silf dwellynge in me, doith the werkis.Select John 14:10

11Bileue ye not, that Y am in the fadir, and the fadir is in me?Select John 14:11

12Ellis bileue ye for thilke werkis. Treuli, treuli, Y seie to you, if a man bileueth in me, also he schal do the werkis that Y do; and he schal do grettere werkis than these, for Y go to the fadir.Select John 14:12

13And what euere thing ye axen the fadir in my name, Y schal do this thing, that the fadir be glorified in the sone.Select John 14:13

14If ye axen ony thing in my name, Y schal do it.Select John 14:14

15If ye louen me, kepe ye my comaundementis.Select John 14:15

16And Y schal preye the fadir, and he schal yyue to you another coumfortour,Select John 14:16

17the spirit of treuthe, to dwelle with you with outen ende; which spirit the world may not take, for it seeth hym not, nether knowith hym. But ye schulen knowe hym, for he schal dwelle with you, and he schal be in you.Select John 14:17

18Y schal not leeue you fadirles, Y schal come to you.Select John 14:18

19Yit a litil, and the world seeth not now me; but ye schulen se me, for Y lyue, and ye schulen lyue.Select John 14:19

20In that dai ye schulen knowe, that Y am in my fadir, and ye in me, and Y in you.Select John 14:20

21He that hath my comaundementis, and kepith hem, he it is that loueth me; and he that loueth me, schal be loued of my fadir, and Y schal loue hym, and Y schal schewe to hym my silf.Select John 14:21

22Judas seith to hym, not he of Scarioth, Lord, what is don, that thou schalt schewe thi silf to vs, and not to the world?Select John 14:22

23Jhesus answerde, and seide `to hym, If ony man loueth me, he schal kepe my word; and my fadir schal loue hym, and we schulen come to hym, and we schulen dwelle with hym.Select John 14:23

24He that loueth me not, kepith not my wordis; and the word which ye han herd, is not myn, but the fadris, that sente me.Select John 14:24

25These thingis Y haue spokun to you, dwellynge among you; but thilke Hooli Goost,Select John 14:25

26the coumfortour, whom the fadir schal sende in my name, he schal teche you alle thingis, `and schal schewe to you alle thingis, what euere thingis Y schal seie to you.Select John 14:26

27Pees Y leeue to you, my pees Y yyue to you; not as the world yyueth, Y yiue to you; be not youre herte affrayed, ne drede it.Select John 14:27

28Ye han herd, that Y seide to you, Y go, and come to you. If ye loueden me, forsothe ye schulden haue ioye, for Y go to the fadir, for the fadir is grettere than Y.Select John 14:28

29And now Y haue seid to you, bifor that it be don, that whanne it is don, ye bileuen.Select John 14:29

30Now Y schal not speke many thingis with you; for the prince of this world cometh, and hath not in me ony thing.Select John 14:30

31But that the world knowe, that Y loue the fadir; and as the fadir yaf a comaundement to me, so Y do. `Rise ye, go we hennus.Select John 14:31