8John 8

1But Jhesus wente in to the mount of Olyuete.Select John 8:1

2And eerli eft he cam in to the temple; and al the puple cam to hym; and he sat, and tauyte hem.Select John 8:2

3And scribis and Fariseis bryngen a womman takun in auoutrye, and thei settiden hir in the myddil,Select John 8:3

4and seiden to hym, Maystir, this womman is now takun in auoutrie.Select John 8:4

5And in the lawe Moises comaundide vs to stoone suche; therfor what seist thou?Select John 8:5

6And thei seiden this thing temptynge hym, that thei myyten accuse hym. And Jhesus bowide hym silf doun, and wroot with his fyngur in the erthe.Select John 8:6

7And whanne thei abiden axynge hym, he reiside hym silf, and seide to hem, He of you that is without synne, first caste a stoon in to hir.Select John 8:7

8And eft he bowide hym silf, and wroot in the erthe.Select John 8:8

9And thei herynge these thingis, wenten awei oon aftir anothir, and thei bigunnen fro the eldre men; and Jhesus dwelte aloone, and the womman stondynge in the myddil.Select John 8:9

10And Jhesus reiside hym silf, and seide to hir, Womman, where ben thei that accusiden thee? no man hath dampned thee.Select John 8:10

11Sche seide, No man, Lord. Jhesus seide `to hir, Nethir Y schal dampne thee; go thou, and now aftirward nyle thou synne more.Select John 8:11

12Therfor eft Jhesus spak to hem, and seide, Y am the liyt of the world; he that sueth me, walkith not in derknessis, but schal haue the liyt of lijf.Select John 8:12

13Therfor the Fariseis seiden, Thou berist witnessyng of thi silf; thi witnessyng is not trewe.Select John 8:13

14Jhesus answerde, and seide to hem, And if Y bere witnessyng of my silf, my witnessyng is trewe; for Y woot fro whennus Y cam, and whidur Y go.Select John 8:14

15But ye witen not fro whennus Y cam, ne whidur Y go. For ye demen aftir the fleisch, but Y deme no man;Select John 8:15

16and if Y deme, my doom is trewe, for Y am not aloone, but Y and the fadir that sente me.Select John 8:16

17And in youre lawe it is writun, that the witnessyng of twei men is trewe.Select John 8:17

18Y am, that bere witnessyng of my silf, and the fadir that sente me, berith witnessyng of me.Select John 8:18

19Therfor thei seiden to hym, Where is thi fadir? Jhesus answeride, Nether ye knowen me, nethir ye knowen my fadir; if ye knewen me, perauenture ye schulden knowe also my fadir.Select John 8:19

20Jhesus spak these wordis in the tresorie, techynge in the temple; and no man took hym, for his our cam not yit.Select John 8:20

21Therfor eft Jhesus seide to hem, Lo! Y go, and ye schulen seke me, and ye schulen die in youre synne; whidur Y go, ye moun not come.Select John 8:21

22Therfor the Jewis seiden, Whether he schal sle hym silf, for he seith, Whidur Y go, ye moun not come?Select John 8:22

23And he seide to hem, Ye ben of bynethe, Y am of aboue; ye ben of this world, Y am not of this world.Select John 8:23

24Therfor Y seide to you, that ye schulen die in youre synnes; for if ye bileuen not that Y am, ye schulen die in youre synne.Select John 8:24

25Therfor thei seiden to hym, Who art thou? Jhesus seide to hem, The bigynnyng, which also speke to you.Select John 8:25

26Y haue many thingis to speke, and deme of you, but he that sente me is sothefast; and Y speke in the world these thingis, that Y herde of hym.Select John 8:26

27And thei knewen not, that he clepide his fadir God.Select John 8:27

28Therfor Jhesus seith to hem, Whanne ye han areisid mannus sone, thanne ye schulen knowe, that Y am, and of my silf Y do no thing; but as my fadir tauyte me, Y speke these thingis.Select John 8:28

29And he that sente me is with me, and lefte me not aloone; for Y do euermore tho thingis, that ben plesynge to hym.Select John 8:29

30Whanne he spak these thingis, manye bileueden in hym.Select John 8:30

31Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis;Select John 8:31

32and ye schulen knowe the treuthe, and the treuthe schal make you fre.Select John 8:32

33Therfor the Jewis answeriden to hym, We ben the seed of Abraham, and we serueden neuere to man; hou seist thou, That ye schulen be fre?Select John 8:33

34Jhesus answeride to hem, Treuli, treuli, Y seie to you, ech man that doith synne, is seruaunt of synne.Select John 8:34

35And the seruaunt dwellith not in the hows with outen ende, but the sone dwellith with outen ende.Select John 8:35

36Therfor if the sone make you fre, verili ye schulen be fre.Select John 8:36

37Y woot that ye ben Abrahams sones, but ye seken to sle me, for my word takith not in you.Select John 8:37

38Y speke tho thingis, that Y say at my fadir; and ye doen tho thingis, that ye sayn at youre fadir.Select John 8:38

39Thei answerden, and seiden to hym, Abraham is oure fadir. Jhesus seith to hem, If ye ben the sones of Abraham, do ye the werkis of Abraham.Select John 8:39

40But now ye seken to sle `me, a man that haue spoken to you treuthe, that Y herde of God; Abraham dide not this thing.Select John 8:40

41Ye doen the werkis of youre fadir. Therfor thei seiden to hym, We ben not borun of fornycacioun; we han o fadir, God.Select John 8:41

42But Jhesus seith to hem, If God were youre fadir, sotheli ye schulden loue me; for Y passide forth of God, and cam; for nether Y cam of my silf, but he sente me.Select John 8:42

43Whi knowen ye not my speche? for ye moun not here my word.Select John 8:43

44Ye ben of the fadir, the deuel, and ye wolen do the desyris of youre fadir. He was a mansleere fro the bigynnyng, and he stood not in treuthe; for treuthe is not in hym. Whanne he spekith lesyng, he spekith of his owne; for he is a liere, and fadir of it.Select John 8:44

45But for Y seie treuthe, ye bileuen not to me.Select John 8:45

46Who of you schal repreue me of synne? if Y sey treuthe, whi bileuen ye not to me?Select John 8:46

47He that is of God, herith the wordis of God; therfor ye heren not, for ye ben not of God.Select John 8:47

48Therfor the Jewis answeriden, and seiden, Whether we seien not wel, that thou art a Samaritan, and hast a deuel?Select John 8:48

49Jhesus answerde, and seide, Y haue not a deuel, but Y onoure my fadir, and ye han vnhonourid me.Select John 8:49

50For Y seke not my glorye; there is he, that sekith, and demeth.Select John 8:50

51Treuli, treuli, Y seie to you, if ony man kepe my word, he schal not taste deth with outen ende.Select John 8:51

52Therfor the Jewis seiden, Now we han knowun, that thou hast a deuel. Abraham is deed, and the prophetis, and thou seist, If ony man kepe my word, he schal not taste deth withouten ende.Select John 8:52

53Whether thou art grettere than oure fader Abraham, that is deed, and the prophetis ben deed; whom makist thou thi silf?Select John 8:53

54Jhesus answeride, If Y glorifie my silf, my glorie is nouyt; my fadir, is that glorifieth me, whom ye seien, that he is youre God.Select John 8:54

55And ye han not knowun hym, but Y haue knowun hym; and if Y seie that Y knowe hym not, Y schal be a liere lich to you; but Y knowe hym, and Y kepe his word.Select John 8:55

56Abraham, youre fadir, gladide to se my dai; and he saiy, and ioyede.Select John 8:56

57Thanne the Jewis seiden to hym, Thou hast not yit fifti yeer, and hast thou seien Abraham?Select John 8:57

58Therfor Jhesus seide to hem, Treuli, treuli, Y seie to you, bifor that Abraham schulde be, Y am.Select John 8:58

59Therfor thei token stonys, to caste to hym; but Jhesus hidde hym, and wente out of the temple.Select John 8:59