9John 9

1And Jhesus passynge, seiy a man blynd fro the birthe.Select John 9:1

2And hise disciplis axiden hym, Maistir, what synnede this man, or hise eldris, that he schulde be borun blynd?Select John 9:2

3Jhesus answeride, Nether this man synnede, nether hise eldris; but that the werkis of God be schewid in hym.Select John 9:3

4It bihoueth me to worche the werkis of hym that sente me, as longe as the dai is; the nyyt schal come, whanne no man may worche.Select John 9:4

5As longe as Y am in the world, Y am the liyt of the world.Select John 9:5

6Whanne he hadde seid these thingis, he spette in to the erthe, and made cley of the spotil, and anoyntide the cley on hise iyen,Select John 9:6

7and seide to hym, Go, and be thou waisschun in the watir of Siloe, that is to seie, Sent. Thanne he wente, and waisschide, and cam seynge.Select John 9:7

8And so neiyboris, and thei that hadden seyn him bifor, for he was a beggere, seiden, Whether this is not he, that sat, and beggide?Select John 9:8

9Othere men seiden, That this it is; othere men seyden, Nai, but he is lijc hym.Select John 9:9

10But he seide, That Y am. Therfor thei seiden to hym, Hou ben thin iyen openyd?Select John 9:10

11He answerde, Thilke man, that is seid Jhesus, made clei, and anoyntide myn iyen, and seide to me, Go thou to the watre of Siloe, and wassche; and Y wente, and wasschide, and say.Select John 9:11

12And thei seiden to hym, Where is he? He seide, Y woot not.Select John 9:12

13Thei leden hym that was blynd to the Farisees.Select John 9:13

14And it was sabat, whanne Jhesus made cley, and openyde hise iyen.Select John 9:14

15Eft the Farisees axiden hym, hou he hadde seyn. And he seide to hem, He leide to me cley on the iyen; and Y wasschide, and Y se.Select John 9:15

16Therfor summe of the Fariseis seiden, This man is not of God, that kepith not the sabat. Othere men seiden, Hou may a synful man do these signes. And strijf was among hem.Select John 9:16

17Therfor thei seien eftsoone to the blynd man, What seist thou of hym, that openyde thin iyen? And he seide, That he is a prophete.Select John 9:17

18Therfor Jewis bileueden not of hym, that he was blynd, and hadde seyn, til thei clepiden his fadir and modir, that hadde seyn.Select John 9:18

19And thei axiden hem, and seiden, Is this youre sone, which ye seien was borun blynd? hou thanne seeth he now?Select John 9:19

20His fadir and modir answeriden to hem, and seiden, We witen, that this is oure sone, and that he was borun blynd;Select John 9:20

21but hou he seeth now, we witen neuer, or who openyde hise iyen, we witen nere; axe ye hym, he hath age, speke he of hym silf.Select John 9:21

22His fader and modir seiden these thingis, for thei dredden the Jewis; for thanne the Jewis hadden conspirid, that if ony man knoulechide hym Crist, he schulde be don out of the synagoge.Select John 9:22

23Therfor his fadir and modir seiden, That he hath age, axe ye hym.Select John 9:23

24Therfor eftsoone thei clepiden the man, that was blynd, and seiden to hym, Yyue thou glorie to God; we witen, that this man is a synnere.Select John 9:24

25Thanne he seide, If he is a synnere, Y woot neuer; o thing Y woot, that whanne Y was blynd, now Y se.Select John 9:25

26Therfor thei seiden to hym, What dide he to thee? hou openyde he thin iyen?Select John 9:26

27He answerde to hem, Y seide to you now, and ye herden; what wolen ye eftsoone here? whether ye wolen be maad hise discyplis?Select John 9:27

28Therfor thei cursiden hym, and seiden, Be thou his disciple; we ben disciplis of Moises.Select John 9:28

29We witen, that God spak to Moises; but we knowen not this, of whennus he is.Select John 9:29

30Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen.Select John 9:30

31And we witen, that God herith not synful men, but if ony `man is worschypere of God, and doith his wille, he herith hym.Select John 9:31

32Fro the world it is not herd, that ony man openyde the iyen of a blynd borun man; but this were of God,Select John 9:32

33he myyt not do ony thing.Select John 9:33

34Thei answeriden, and seiden to hym, Thou art al borun in synnes, and techist thou vs? And thei putten hym out.Select John 9:34

35Jhesus herd, that thei hadden putte hym out; and whanne he hadde founde hym, he seide to hym, Bileuest thou in the sone of God?Select John 9:35

36He answerde, and seide, Lord, who is he, that Y bileue in hym?Select John 9:36

37And Jhesus seide to hym, And thou hast seyn him, and he it is, that spekith with thee.Select John 9:37

38And he seide, Lord, Y byleue. And he felle doun, and worschipide hym.Select John 9:38

39Therfore Jhesus seide to hym, Y cam in to this world, `in to doom, that thei that seen not, see, and thei that seen, be maad blynde.Select John 9:39

40And summe of the Faryseis herden, that weren with hym, and thei seiden to hym, Whether we ben blynde?Select John 9:40

41Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.Select John 9:41