16Genesis 16

1Therfor Sarai, wijf of Abram, hadde not gendrid fre children; but sche hadde a seruauntesse of Egipt, Agar bi name, and seide to hir hosebonde, Lo!Select Genesis 16:1

2the Lord hath closid me, that Y schulde not bere child; entre thou to my seruauntesse, if in hap Y schal take children, nameli of hir. And whanne he assentide to hir preiynge, sche took Agar Egipcian,Select Genesis 16:2

3hir seruauntesse, after ten yeer aftir that thei begunne to enhabite in the lond of Chanaan, and sche yaf Agar wiif to hir hosebonde.Select Genesis 16:3

4And Abram entride to Agar; and Agar seiy that sche hadde conseyued, and sche dispiside hir ladi.Select Genesis 16:4

5And Saray seide to Abram, Thou doist wickidli ayens me; I yaf my seruauntesse in to thi bosum, which seeth, that sche conseyuede, and dispisith me; the Lord deme betwixe me and thee.Select Genesis 16:5

6And Abram answerde and seide to hir, Lo! thi seruauntesse is in thin hond; vse thou hir as `it likith. Therfor for Sarai turmentide hir, sche fledde awei.Select Genesis 16:6

7And whanne the aungel of the Lord hadde founde hir bisidis a welle of watir in wildernesse, which welle is in the weie of Sur in deseert,Select Genesis 16:7

8he seide to hir, Fro whennus comest thou Agar, the seruauntesse of Sarai, and whidur goist thou? Which answerde, Y fle fro the face of Sarai my ladi.Select Genesis 16:8

9And the aungel of the Lord seide to hir, Turne thou ayen to thi ladi, and be thou mekid vndur hir hondis.Select Genesis 16:9

10And eft he seide, Y multipliynge schal multiplie thi seed, and it schal not be noumbrid for multitude.Select Genesis 16:10

11And aftirward he seide, Lo! thou hast conseyued, and thou schalt bere a sone, and thou schalt clepe his name Ismael, for the Lord hath herd thi turment;Select Genesis 16:11

12this schal be a wielde man; his hond schal be ayens alle men, and the hondis of alle men schulen be ayens him; and he schal sette tabernaclis euene ayens alle his britheren.Select Genesis 16:12

13Forsothe Agar clepide the name of the Lord that spak to hir, Thou God that seiyest me; for sche seide, Forsothe here Y seiy the hynderere thingis of him that siy me.Select Genesis 16:13

14Therfor sche clepide thilke pit, the pit of hym that lyueth and seeth me; thilk pit is bitwixe Cades and Barad.Select Genesis 16:14

15And Agar childide a sone to Abram, which clepide his name Ismael.Select Genesis 16:15

16Abram was of `eiyti yeere and sixe, whanne Agar childide Ysmael to hym.Select Genesis 16:16