25Genesis 25

1Forsothe Abraham weddide another wijf, Ceture bi name,Select Genesis 25:1

2which childide to him Samram, and Jexan, and Madan, and Madian, and Jesboth, and Sue.Select Genesis 25:2

3Also Jexan gendride Saba and Dadan. Forsothe the sones of Dadan weren Asurym, and Lathusym, and Laomym.Select Genesis 25:3

4And sotheli of Madian was borun Efa, and Ofer, and Enoth, and Abida, and Heldaa; alle these weren the sones of Cethure.Select Genesis 25:4

5And Abraham yaf alle thingis whiche he hadde in possessioun to Isaac;Select Genesis 25:5

6sotheli he yaf yiftis to the sones of concubyns; and Abraham, while he lyuede yit, departide hem fro Ysaac, his sone, to the eest coost.Select Genesis 25:6

7Forsothe the daies of lijf of Abraham weren an hundrid and `fyue and seuenti yeer;Select Genesis 25:7

8and he failide, and diede in good eelde, and of greet age, and ful of daies, and he was gaderid to his puple.Select Genesis 25:8

9And Ysaac and Ismael, his sones, birieden him in the double denne, which is set in the feeld of Efron, sone of Seor Ethei,Select Genesis 25:9

10euene ayens Mambre, which denne he bouyte of the sones of Heth; and he was biried there, and Sare his wijf.Select Genesis 25:10

11And aftir the deeth of Abraham God blesside Isaac his sone, which dwellide bisidis the pit bi name of hym that lyueth and seeth.Select Genesis 25:11

12These ben the generaciouns of Ismael, sone of Abraham, whom Agar Egipcian, seruauntesse of Sare, childide to Abraham;Select Genesis 25:12

13and these ben the names of the sones of Ismael, in her names and generaciouns. The firste gendride of Ismael was Nabaioth, aftirward Cedar, and Abdeel, and Mabsan,Select Genesis 25:13

14and Masma, and Duma, and Massa,Select Genesis 25:14

15and Adad, and Thema, and Ithur, and Nafir, and Cedma.Select Genesis 25:15

16These weren the sones of Ismael, and these weren names by castels and townes of hem, twelue princes of her lynagis.Select Genesis 25:16

17And the yeeris of lijf of Ismael weren maad an hundrid and seuene and thretti, and he failide, and diede, and was put to his puple.Select Genesis 25:17

18Forsothe he enhabitide fro Euila til to Sur, that biholdith Egipt, as me entrith in to Assiriens; he diede bifore alle his britheren.Select Genesis 25:18

19Also these ben the generaciouns of Ysaac sone of Abraham. Abraham gendride Isaac,Select Genesis 25:19

20and whanne Isaac was of fourti yeer, he weddide a wijf, Rebecca, douyter of Batuel, of Sirie of Mesopotanye, the sistir of Laban.Select Genesis 25:20

21And Isaac bisouyte the Lord for his wijf, for sche was bareyn; and the Lord herde him, and yaf conseiuyng to Rebecca.Select Genesis 25:21

22But the litle children weren hurtlid togidre in hir wombe; and sche seide, If it was so to comynge to me, what nede was it to conseyue? And sche yede and axide counsel of the Lord,Select Genesis 25:22

23which answerde, and seide, Twei folkis ben in thi wombe, and twei puplis schulen be departid fro thi wombe, and a puple schal ouercome a puple, and the more schal serue the lesse.Select Genesis 25:23

24Thanne the tyme of childberyng cam, and lo! twei children weren foundun in hir wombe.Select Genesis 25:24

25He that yede out first was reed, and al rouy in the manere of a skyn; and his name was clepid Esau.Select Genesis 25:25

26Anoon the tothir yede out, and helde with the hond the heele of the brother; and therfore he clepide him Jacob. Isaac was sixti yeer eeld, whanne the litle children weren borun.Select Genesis 25:26

27And whanne thei weren woxun, Esau was maad a man kunnynge of huntyng, and a man erthe tilier; forsothe Jacob was a symple man, and dwellide in tabernaclis.Select Genesis 25:27

28Isaac louyde Esau, for he eet of the huntyng of Esau; and Rebecca louyde Jacob.Select Genesis 25:28

29Sotheli Jacob sethide potage; and whanne Esau cam weri fro the feld,Select Genesis 25:29

30he seide to Jacob, Yyue thou to me of this reed sething, for Y am ful weri; for which cause his name was clepid Edom.Select Genesis 25:30

31And Jacob seide to him, Sille to me the riyt of the first gendrid childe.Select Genesis 25:31

32He answerde, Lo! Y die, what schulen the firste gendrid thingis profite to me?Select Genesis 25:32

33Jacob seide, therfor swere thou to me. Therfor Esau swoor, and selde the firste gendrid thingis.Select Genesis 25:33

34And so whanne he hadde take breed and potage, Esau eet and drank, and yede forth, and chargide litil that he hadde seld the riyt of the firste gendrid child.Select Genesis 25:34