41Genesis 41

1Aftir twei yeer Farao seiy a dreem; he gesside that he stood on a flood,Select Genesis 41:1

2fro which seuene faire kiyn and ful fatte stieden, and weren fed in the places of mareis;Select Genesis 41:2

3and othere seuene, foule and leene, camen out of the flood, and weren fed in thilk brenke of the watir, in grene places;Select Genesis 41:3

4and tho deuoureden thilke kien of whiche the fairnesse and comelynesse of bodies was wondurful.Select Genesis 41:4

5Farao wakide, and slepte eft, and seiy another dreem; seuen eeris of corn ful and faire camen forth in o stalke,Select Genesis 41:5

6and othere as many eeris of corn, thinne and smytun with corrupcioun of brennynge wynd,Select Genesis 41:6

7camen forth, deuourynge al the fairenesse of the firste. Farao wakide aftir reste,Select Genesis 41:7

8and whanne morewtid was maad, he was aferd bi inward drede, and he sente to alle the expowneris of Egipt, and to alle wise men; and whanne thei weren clepid, he telde the dreem, and noon was that expownede.Select Genesis 41:8

9Thanne at the laste the maistir `of boteleris bithouyte, and seide, Y knowleche my synne;Select Genesis 41:9

10the kyng was wrooth to hise seruauntis, and comaundide me and the maister `of bakeris to be cast doun in to the prisoun of the prince of knyytis,Select Genesis 41:10

11where we bothe saien a dreem in o nyyt, biforeschewynge of thingis to comynge.Select Genesis 41:11

12An Ebrew child, seruaunt of the same duk of knyytis was there, to whom we telden the dremes,Select Genesis 41:12

13and herden what euer thing the bifallyng of thing preuede afterward; for Y am restorid to myn office, and he was hangid in a cros.Select Genesis 41:13

14Anoon at the comaundement of the kyng thei polliden Joseph led out of prisoun, and whanne `the clooth was chaungid, thei brouyten Joseph to the kyng.Select Genesis 41:14

15To whom the kyng seide, Y seiye dremes, and noon is that expowneth tho thingis that Y seiy, I haue herd that thou expownest moost prudentli.Select Genesis 41:15

16Joseph answerde, With out me, God schal answere prosperitees to Farao.Select Genesis 41:16

17Therfor Farao telde that that he seiy; Y gesside that Y stood on the brenke of the flood,Select Genesis 41:17

18and seuene kiyn, ful faire and with fleischis able to etyng, stieden fro the watir, whiche kiyn gaderiden grene seggis in the pasture of the marreis;Select Genesis 41:18

19and lo! seuene othere kiyn, so foule and leene, sueden these, that Y seiy neuere siche in the lond of Egipt;Select Genesis 41:19

20and whanne the formere kien weren deuourid and wastid, tho secounde yauen no steppe of fulnesse,Select Genesis 41:20

21but weren slowe bi lijk leenesse and palenesse. I wakide, and eft Y was oppressid bi sleep, and Y seiy a dreem;Select Genesis 41:21

22seuene eeris of corn, ful and faireste, camen forth in o stalke,Select Genesis 41:22

23and othere seuene, thinne and smytun with `corrupcioun of brennynge wynd, camen forth of the stobil,Select Genesis 41:23

24whiche deuouriden the fairenesse of the formere;Select Genesis 41:24

25Y telde the dreem to expowneris, and no man is that expowneth. Joseph answerde, The dreem of the king is oon; God schewide to Farao what thingis he schal do.Select Genesis 41:25

26Seuene faire kiyn, and seuene ful eeris of corn, ben seuene yeeris of plentee, and tho comprehenden the same strengthe of dreem;Select Genesis 41:26

27and seuene kiyn thinne and leene, that stieden aftir tho, and seuene thinne eeris of corn and smytun with brennynge wynd, ben seuene yeer of hungur to comynge,Select Genesis 41:27

28whiche schulen be fillid bi this ordre.Select Genesis 41:28

29Lo! seuene yeer of greet plentee in al the lond of Egipt schulen come,Select Genesis 41:29

30and seuene othre yeer of so greet bareynesse schulen sue tho, that al the abundaunce bifore be youun to foryetyng; for the hungur schal waste al the lond,Select Genesis 41:30

31and the greetnesse of pouert schal leese the greetnesse of plentee.Select Genesis 41:31

32Forsothe this that thou siyest the secunde tyme a dreem, perteynynge to the same thing, is a `schewyng of sadnesse, for the word of God schal be doon, and schal be fillid ful swiftli.Select Genesis 41:32

33Now therfor puruey the kyng a wijs man and a redi, and make the kyng hym souereyn to the lond of Egipt,Select Genesis 41:33

34which man ordeyne gouernouris bi alle cuntreis, and gadere he in to bernys the fyuethe part of fruytis bi seuene yeer of plentee,Select Genesis 41:34

35that schulen come now; and al the wheete be kept vndur the power of Farao , and be it kept in citees,Select Genesis 41:35

36and be it maad redi to the hungur to comynge of seuene yeer that schal oppresse Egipt, and the lond be not wastid bi pouert.Select Genesis 41:36

37The counsel pleside Farao,Select Genesis 41:37

38and alle his mynystris, and he spak to hem, Wher we moun fynde sich a man which is ful of Goddis spirit?Select Genesis 41:38

39Therfor Farao seide to Joseph, For God hath schewid to thee alle thingis whiche thou hast spoke, wher Y mai fynde a wisere man and lijk thee?Select Genesis 41:39

40Therfor thou schalt be ouer myn hous, and al the puple schal obeie to the comaundement of thi mouth; Y schal passe thee onely by o trone of the rewme.Select Genesis 41:40

41And eft Farao seide to Joseph, Lo! Y haue ordeyned thee on al the lond of Egipt.Select Genesis 41:41

42And Farao took the ryng fro his hond, and yaf it in the hond of Joseph, and he clothide Joseph with a stoole of bijs, and puttide a goldun wrethe aboute the necke;Select Genesis 41:42

43and Farao made Joseph to `stie on his secounde chare, while a bidele criede, that alle men schulden knele bifore hym, and schulden knowe that he was souereyn of al the lond of Egipt.Select Genesis 41:43

44And the kyng seide to Joseph, Y am Farao, without thi comaundement no man shal stire hond ether foot in al the lond of Egipt.Select Genesis 41:44

45And he turnede the name of Joseph, and clepide him bi Egipcian langage, the sauyour of the world; and he yaf to Joseph a wijf, Asenech, the douyter of Potifar, preest of Heliopoleos. And so Joseph yede out to the lond of Egipt.Select Genesis 41:45

46Forsothe Joseph was of thretti yeer, whanne he stood in the siyt of kyng Farao, and cumpasside alle the cuntreis of Egipt.Select Genesis 41:46

47And the plente of seuene yeer cam, and ripe corn weren bounden into handfuls, and weren gaderid into the bernys of Egipt,Select Genesis 41:47

48also al the aboundaunce of cornes weren kept in alle citeis,Select Genesis 41:48

49and so greet aboundaunce was of wheete, that it was maad euene to the grauel of the see, and the plente passide mesure.Select Genesis 41:49

50Sotheli twei sones were born to Joseph bifor that the hungur came, whiche Asenech, douytir of Putifar, preest of Heliopoleos, childide to hym.Select Genesis 41:50

51And he clepide the name of the firste gendrid sone, Manasses, and seide, God hath maad me to foryete alle my traueilis, and the hous of my fadir;Select Genesis 41:51

52and he clepide the name of the secunde sone Effraym, and seide, God hath maad me to encreesse in the lond of my pouert.Select Genesis 41:52

53Therfor whanne seuene yeer of plentee that weren in Egipt weren passid,Select Genesis 41:53

54seuene yeer of pouert bigunnen to come, whiche Joseph bifore seide, and hungur hadde the maistri in al the world; also hungur was in al the lond of Egipt;Select Genesis 41:54

55and whanne that lond hungride, the puple criede to Farao, and axide metis; to whiche he answeride, Go ye to Joseph, and do ye what euer thing he seith to you.Select Genesis 41:55

56Forsothe hungur encreesside ech dai in al the lond, and Joseph openyde alle the bernys, and seelde to Egipcians, for also hungur oppresside hem;Select Genesis 41:56

57and alle prouynces camen in to Egipt to bie metis, and to abate the yuel of nedynesse.Select Genesis 41:57