8Genesis 8

1Forsothe the Lord hadde mynde of Noe, and of alle lyuynge beestis, and of alle werk beestis, that weren with hym in the schip; and brouyte a wynd on the erthe.Select Genesis 8:1

2And watris weren decreessid, and the wellis of the see weren closid, and the wyndowis of heuene weren closid, and reynes of heuene weren ceessid.Select Genesis 8:2

3And watrys turneden ayen fro erthe, and yeden ayen, and bigunnen to be decreessid aftir an hundrid and fifti daies.Select Genesis 8:3

4And the schip restide in the seuenthe monthe, in the seuene and twentithe dai of the monthe, on the hillis of Armenye.Select Genesis 8:4

5And sotheli the watrys yeden and decresiden til to the tenthe monethe, for in the tenthe monethe, in the firste dai of the monethe, the coppis of hillis apperiden.Select Genesis 8:5

6And whanne fourti daies weren passid, Noe openyde the wyndow of the schip which he hadde maad, and sente out a crowe,Select Genesis 8:6

7which yede out, and turnede not ayen til the watris weren dried on erthe. Also Noe sente out a culuer aftir hym, to se if the watris hadden ceessid thanne on the face of erthe;Select Genesis 8:7

9and whanne the culuer foond not where hir foot schulde reste, sche turnede ayen to hym in to the schip, for the watris weren on al erthe; and Noe helde forth his hoond, and brouyte the culuer takun in to the schip.Select Genesis 8:9

10Sotheli whanne othere seuene daies weren abedun aftirward, eft he leet out a culuer fro the schip;Select Genesis 8:10

11and sche cam to hym at euentid, and bare in hir mouth a braunche of olyue tre with greene leeuys. Therfor Noe vndirstood that the watris hadden ceessid on erthe;Select Genesis 8:11

12and neuerthelesse he abood seuene othere daies, and sente out a culuer, which turnede `no more ayen to hym.Select Genesis 8:12

13Therfor in the sixe hundrid and o yeer of the lijf of Noe, in the firste monethe, in the firste day of the monethe, watris weren decreessid on erthe; and Noe openede the roof of the schip, and bihelde and seiy that the face of the erthe was dried.Select Genesis 8:13

14In the secunde monethe, in the seuene and twentithe dai of the monethe, the erthe was maad drie.Select Genesis 8:14

15Sotheli the Lord spak to Noe;Select Genesis 8:15

16and seide, Go out of the schip, thou, and thi wijf, thi sones, and the wyues of thi sones with thee;Select Genesis 8:16

17and lede out with thee alle lyuynge beestis that ben at thee of ech fleisch, as wel in volatilis as in vnresonable beestis, and alle `reptils that crepen on erthe; and entre ye on the erthe, encreesse ye, and be ye multiplied on erthe.Select Genesis 8:17

18Therfor Noe yede out, and hise sones, and his wijf, and the wyues of hise sones with hym;Select Genesis 8:18

19but also alle lyuynge beestis, and werk beestis, and `reptils that crepen on erthe, bi her kynde, yeden out of the schip.Select Genesis 8:19

20Forsothe Noe bildide an auter to the Lord, and he took of alle clene beestis and briddis, and offride brent sacrifices on the auter.Select Genesis 8:20

21And the Lord sauerede the odour of swetnesse, and seide to hym, Y schal no more curse the erthe for men, for the wit and thouyt of mannus herte ben redi in to yuel fro yong wexynge age; therfor Y schal no more smyte ech lyuynge soule as Y dide;Select Genesis 8:21

22in alle the daies of erthe, seed and ripe corn, coold and heete, somer and wyntir, nyyt and dai, shulen not reste.Select Genesis 8:22