22Exodus 22

1If ony man stelith a scheep, ether oxe, and sleeth, ether sillith, he schal restore fiue oxen for oon oxe, and foure scheep for o scheep.Select Exodus 22:1

2And if a nyyt theef brekynge an hows, ether vndurmynynge, is foundun, and is deed bi a wounde takun, the smytere schal not be gilti of blood;Select Exodus 22:2

3that if he dide this whanne the sunne was rysun, he dide man sleyng, and he schal die. If a theef hath not that, that he schal yelde for thefte, he schal be seeld;Select Exodus 22:3

4if that thing that he staal, is foundun quyk at hym, ether oxe, ether asse, ether scheep, he schal restore the double.Select Exodus 22:4

5If a man harmeth a feeld, ethir vyner, and suffrith his beeste, that it waaste othere mennus thingis, he schal restore for the valu of harm, `what euer beste thing he hath in his feeld, ethir vyner.Select Exodus 22:5

6If fier goith out, and fyndith eeris of corn, and catchith heepis of corn, ethir cornes stondynge in feeldis, he that kyndlide the fier schal yeelde the harm.Select Exodus 22:6

7If a man bitakith in to kepyng monei to a freend, ether a vessel `in to keping, and it is takun awey bi thefte fro hym that resseyuede, if the theef is foundun, he schal restore the double.Select Exodus 22:7

8If the theef is hid, the lord of the hows schal be brouyt to goddis, `that is, iugis, and he schal swere, that he helde not forth the hond in to `the thing of his neiybore,Select Exodus 22:8

9to `do fraude; as wel in oxe, as in asse, and in scheep, and in clooth; and what euer thing may brynge in harm, the cause of euer eithir schal come to goddis, and if thei demen, he schal restore the double to his neiybore.Select Exodus 22:9

10If ony man bitakith to his neiybore oxe, asse, scheep, and al werk beeste to kepyng, and it is deed, ether is maad feble, ethir is takun of enemyes, and no man seeth this,Select Exodus 22:10

11an ooth schal be in the myddis , that he helde not forth the hond to the `thing of his neiybore; and the lord schal resseyue the ooth, and he schal not be compellid to yelde.Select Exodus 22:11

12That if it is takun awei bi thefte, he schal restore the harm to the lord;Select Exodus 22:12

13if it is etun of a beeste, he schal brynge to the lord that that is slayn, and he schal not restore.Select Exodus 22:13

14He that axith of his neiybore ony thing of these bi borewyng, and it is feblid, ether deed, while the lord is not present, he schal be constreyned to yelde; that if the lord is in presence,Select Exodus 22:14

15he schal not restore, moost if it cam hirid, for the meede of his werk.Select Exodus 22:15

16If a man disseyueth a virgyn not yit weddid, and slepith with hir, he schal yyue dower to hir, and schal haue hir wijf.Select Exodus 22:16

17If the fadir of the virgyn nyle yyue, he schal yelde money, bi the maner of dower, which virgyns weren wont to take.Select Exodus 22:17

18Thou schalt not suffre witchis to lyue.Select Exodus 22:18

19He that doith letcherie with a beeste, die by deeth.Select Exodus 22:19

20He that offrith to goddis, out takun to the Lord aloone, be he slayn.Select Exodus 22:20

21Thou schalt not make sory a comelyng, nether thou schalt turmente hym; for also ye weren comelyngis in the lond of Egipt.Select Exodus 22:21

22Ye schulen not anoye a widewe, and a fadirles ethir modirles child.Select Exodus 22:22

23If ye hirten hem, thei schulen crye to me, and Y schal here the cry of hem,Select Exodus 22:23

24and my greet veniaunce schal haue indignacioun, and Y schal smyte you with swerd, and youre wyues schulen be widewis, and youre sones schulen be fadirles.Select Exodus 22:24

25If thou yyuest money to loone to my pore puple, that dwellith with thee, thou schalt not constreyne hym, as an extorsioner doith, nether thou schalt oppresse hym by vsuris.Select Exodus 22:25

26If thou takist of thi neiybore `a wed a clooth, thou schalt yelde to hym bifore the goyng doun of the sunne;Select Exodus 22:26

27for that aloone is the cloothing of his fleisch, with which he is hilid, nether he hath another, in which he slepith; if he crieth to me, Y schal here hym; for Y am mercyful.Select Exodus 22:27

28Thou schalt not bacbyte goddis, and thou schalt not curse the prince of thi puple.Select Exodus 22:28

29Thou schalt not tarye to offre to the Lord thi tithis, and firste fruytis. Thou schalt yyue to me the firste gendrid of thi sones;Select Exodus 22:29

30also of oxen, and of scheep thou schalt do in lijk maner; seuene daies be he with his modir, in the eiytithe dai thou schalt yelde hym to me.Select Exodus 22:30

31Ye schulen be holi men to me; ye schulen not ete fleisch which is bifore taastid of beestis, but ye schulen caste forth to houndis.Select Exodus 22:31