28Exodus 28

1Also applie thou to thee Aaron, thi brother, with hise sones, fro the myddis of the sones of Israel, that Aaron, Nadab, and Abyu, Eleazar, and Ythamar, be set in preesthod to me.Select Exodus 28:1

2And thou schalt make an hooli clooth to Aaron, thi brother, in to glorie and fairenesse.Select Exodus 28:2

3And thou schalt speke to alle wise men in herte, whiche Y haue fillid with the spirit of prudence, that thei make clothis to Aaron, in whiche he schal be halewid, and schal mynystre to me.Select Exodus 28:3

4Forsothe these schulen be the clothis, whiche thei schulen make; `thei schulen make racional, and a clooth on the schuldris, a coote, and a streyt lynnun clooth, a mytre, and a girdil; hooli cloothis to Aaron, thi brother, and to hise sones, that thei be set in preesthod to me.Select Exodus 28:4

5And thei schulen take gold, and iacynt, and purpur, and `reed selk twies died, and bijs;Select Exodus 28:5

6forsothe thei schulen make the clooth on the schuldris of gold, and of iacynt, and purpur, and of `reed selk twies died, and of bijs foldid ayen, bi broyderi werk of dyuerse colours.Select Exodus 28:6

7It schal haue twey hemmes ioyned in euer either side of hiynessis, that tho go ayen in to oon.Select Exodus 28:7

8Thilke weuyng, and al dyuersite of the werk schal be of gold, and iacynt, and purpur, and of `reed selk twies died, and bijs foldis ayen.Select Exodus 28:8

9And thou schalt take twei stoonys of onychym, and thou schalt graue in tho the names of the sones of Israel,Select Exodus 28:9

10sixe names in o stoon, and sixe othere in the tother stoon, bi the ordre of her birthe;Select Exodus 28:10

11bi the werk of a grauere, and bi the peyntyng of a man that ourneth with gemmes thou schalt graue tho stoonys, with the names of the sones of Israel; and thou schalt enclose and cumpasse in gold.Select Exodus 28:11

12And thou schalt sette tho stoonus in euer either side of the cloth on the schuldris, a memorial to the sones of Israel; and Aaron schal bere the names of hem bifor the Lord on euer either schuldre, for remembryng.Select Exodus 28:12

13And thou schalt make hookis of gold,Select Exodus 28:13

14and twey litil chaynes of clenneste gold, cleuynge to hem silf togidere, whiche litil chaynes thou schalt sette in the hookis.Select Exodus 28:14

15Also thou schalt make the racional of doom by werk of dyuerse colours, bi the weuyng of the cloth on the schuldre, of gold, iacynt, and purpur, of `reed silk twies died, and of bijs foldid ayen.Select Exodus 28:15

16It schal be foure cornerid, and double; it schal haue the mesure of a pawme of the hond, as wel in lengthe, as in breede.Select Exodus 28:16

17And thou schalt sette ther ynne foure ordris of stoonys; in the firste ordre schal be the stoon sardius, and topazyus, and smaragdus;Select Exodus 28:17

18in the secunde ordre schal be charbuncle, safir, and iaspis; in the thridde ordre schal be ligurie,Select Exodus 28:18

19achates, and ametiste;Select Exodus 28:19

20in the fourthe ordre schal be crisolitus, onochyn, and berille; tho schulen be closid in gold, bi her ordris,Select Exodus 28:20

21and schulen haue the names of the sones of Israel: tho schulen be graven with twelue names; al stonus bi hem silf, with the names of the sones `of Israel bi hem silf, bi twelue lynagis.Select Exodus 28:21

22Thou schalt make in the racional chaynes cleuynge to hem silf togidere of pureste gold,Select Exodus 28:22

23and thou schalt make twei goldun ryngis, whiche thou schalt sette in euer either hiynesse of racional.Select Exodus 28:23

24And thou schalt ioyne the goldun chaynes with the ryngis that ben in the brynkis therof,Select Exodus 28:24

25and thou schalt couple the `last thingis of tho chaynes to twey hookis in euer either side of the `cloth on the schuldur, that biholdith the racional.Select Exodus 28:25

26And thou schalt make twei goldun ryngis, whiche thou schalt sette in the hiynesses of the racional, and in the hemmes of the cloth on the schuldur, that ben euene ayens, and biholden the lattere thingis therof.Select Exodus 28:26

27Also and thou schalt make tweyne othere goldun ryngis, that schulen be set in euer either side of the clooth on the schuldur bynethe, that biholdith ayens the face of the lowere ioynyng, that it may be set couenabli with the `cloth on the schuldre.Select Exodus 28:27

28And the racional be boundun bi hise ryngis with the ryngis of the `cloth on the schuldre, with a lace of iacynt, that the ioyning maad craftili dwelle, and that the racional and `cloth on the schuldre moun not be departid ech fro other.Select Exodus 28:28

29And Aaron schal bere the names of the sones of Israel in the racional of doom on his brest, whanne he entrith in to the seyntuarie, a memorial bifor the Lord with outen ende.Select Exodus 28:29

30Forsothe thou schalt sette in the racional of doom, techyng, and treuthe, whiche schulen be in the brest of Aaron, whanne he entrith bifor the Lord, and he schal bere the doom of the sones of Israel in his brest in the siyt of the Lord euere.Select Exodus 28:30

31And thou schalt make the coote of the `cloth on the schuldre al of iacynt,Select Exodus 28:31

32in whos myddil aboue schal be an hood, and a wouun hemme `bi cumpas therof, as it is wont to be don in the hemmes of clothis, lest it be brokun liytli.Select Exodus 28:32

33Forsothe bynethe at the feet of the same coote, bi cumpas, thou schalt make as `piyn applis, of iacynt, and purpur, of `reed selk twies died, and of biis foldid ayen; while smale bellis ben medlid in the myddis,Select Exodus 28:33

34so that a litil `belle of gold be and a `piyn appil, and eft another litel belle of gold and a `pyn appil.Select Exodus 28:34

35And Aaron schal be clothid with that coote in the office of seruyce, that sown be herd, whanne he entrith in to the seyntuarie, and goith out, in the siyt of the Lord; and that he die not.Select Exodus 28:35

36And thou schalt make a plate of pureste gold, in which thou schalt graue bi the werk of a grauere, the holi to the Lord .Select Exodus 28:36

37And thou schalt bynde that plate with a lace of iacynt, and it schal be on the mytre,Select Exodus 28:37

38and schal neiye the forheed of the bischop. And Aaron schal bere the wickidnessis of hem whiche the sones of Israel `offeriden, and halewiden in alle her yiftis and fre yiftis; forsothe the plate schal euere be in `his forhed, that the Lord be plesid to him.Select Exodus 28:38

39And thou schalt bynde the coot of biis, and the myter of bijs, and thou schalt make also a girdil, `bi werk of broiderye.Select Exodus 28:39

40Forsothe thou schalt make redi to `the sones of Aaron linnun cootis, and girdlis, and mytris, in to glorie and fairnesse.Select Exodus 28:40

41And thou schalt clothe Aaron, thi brother, with alle these, and hise sones with hym. And thou schalt sacre the hondis of alle; and thou schalt halewe hem, that thei be set in preesthood to me.Select Exodus 28:41

42Also thou schalt make lynnun brechis, that thei hile the fleisch of her filthe fro the reynes `til to the hipis.Select Exodus 28:42

43And Aaron and hise sones schulen vse tho, whanne thei schulen entre in to the tabernacle of witnessyng, ether whanne thei neiyen to the auter, that thei mynystren in the seyntuarie, lest thei ben gilti of wickidnesse, and dien; it schal be a lawful thing euerlastynge to Aaron, and to his seed after hym.Select Exodus 28:43