30Exodus 30

1Also thou schalt make an auter of the trees of Sechym, to brenne encense;Select Exodus 30:1

2and the auter schal haue a cubit of lengthe, and another cubit of brede, that is foure cornerid, and twei cubitis in heiythe; corneris schulen come forth of the auter.Select Exodus 30:2

3And thou schalt clothe it with clennest gold, as wel the gridil therof, as the wallis and corneris bi cumpas therof; and thou schalt make to the auter a litil goldun coroun,Select Exodus 30:3

4`bi cumpas, and twei goldun serclis vndur the coroun by alle sidis, that barris be put in to the serclis, and the auter be borun.Select Exodus 30:4

5Also thou schalt make tho barris of the trees of Sechym, and thou schalt ouergilde;Select Exodus 30:5

6and thou schalt sette the auter ayens the veil, which veil hangith bifor the ark of witnessyng bifor the propiciatorie, bi which the witnessyng is hilid, where Y schal speke to thee.Select Exodus 30:6

7And Aaron schal brenne theronne encense smellynge swetly eerli; whanne he schal araye the lanternes, he schal brenne it;Select Exodus 30:7

8and whanne he settith the lanternes at euentid, he schal brenne euerlastynge encense bifor the Lord, in to youre generaciouns.Select Exodus 30:8

9Ye schulen not offre theronne encense of other makyng, nethir offryng, and slayn sacrifice, nether ye schulen offre fletynge offryngis thereonne.Select Exodus 30:9

10And Aaron schal preie on the corneres therof onis bi the yeer, in the blood which is offrid for synne, and he schal plese theronne in youre generaciouns; it schal be the hooli of hooli thingis to the Lord.Select Exodus 30:10

11And the Lord spak to Moises,Select Exodus 30:11

12and seide, Whanne thou schalt take the summe of the sones of Israel, alle bi hem silf schulen yyue `bi the noumbre prijs for her soulis to the Lord, and veniaunce schal not be in hem, whanne thei ben noumbrid.Select Exodus 30:12

13Sotheli ech that passith to the name, schal yyue this, half a sicle bi the mesure of the temple; a sicle hath twenti halpens; the myddil part of a cicle schal be offrid to the Lord.Select Exodus 30:13

14He that is hadde in noumbre, fro twenti yeer and aboue,Select Exodus 30:14

15schal yyue prijs; a riche man schal not adde to the myddil of cicle, and a pore man schal no thing abate.Select Exodus 30:15

16And thou schalt bitake in to vsis of the tabernacle of witnessyng the money takun, which is gaderid of the sones of Israel, that it be the mynde of hem bifor the Lord, and he schal be merciful to `the soulis of hem.Select Exodus 30:16

17And the Lord spak to Moises,Select Exodus 30:17

18and seide, Also thou schalt make a greet vessil of bras with his foundement to waische, and thou schalt sette it bitwixe the tabernacle of witnessyng and the auter `of brent sacrifices; and whanne watir is put therynne,Select Exodus 30:18

19Aaron and hise sones schulen waische therynne her hondis and feet,Select Exodus 30:19

20whanne thei schulen entre in to the tabernacle of witnessyng, and whanne thei schulen neiye to the auter that thei offre therynne encense to the Lord,Select Exodus 30:20

21lest perauenture thei dien; it schal be a lawful thing euerlastinge to hym and to his seed bi successiouns.Select Exodus 30:21

22And the Lord spak to Moises,Select Exodus 30:22

23and seide, Take to thee swete smellynge spiceries, of the firste and chosun myrre, fyue hundrid siclis; and of canel the half, that is, twei hundrid and fifti siclis;Select Exodus 30:23

24in lijk maner of calamy twei hundrid and fifti siclis; also of casia fyue hundrid siclis, in the weiyte of seyntuarie; oile of olyue trees, the mesure hyn ;Select Exodus 30:24

25and thou schalt make the hooly oile of anoyntyng, an oynement maad bi the werk of a `makere of oynement.Select Exodus 30:25

26And thou schal anoynte therof the tabernacle of witnessyng, and the ark of testament, and the boord with hise vessels,Select Exodus 30:26

27the candilstike, and the purtenaunces therof, the auteris of encense,Select Exodus 30:27

28and of brent sacrifice, and al the purtenaunce, that perteyneth to the ournyng of tho.Select Exodus 30:28

29And thou schalt halewe alle thingis, and tho schulen be the hooli of holi thingis; he that schal touche tho, schal be halewid.Select Exodus 30:29

30Thou schalt anoynte Aaron, and hise sones, and thou schalt halewe hem, that thei be set in presthod to me.Select Exodus 30:30

31And thou schalt seie to the sones of Israel, This oile of anoyntyng schal be hooli to me in to youre generaciouns.Select Exodus 30:31

32The fleisch of man schal not be anoyntid therof, and bi the makyng therof ye schulen not make another, for it is halewid, and it schal be hooli to you.Select Exodus 30:32

33What euer man makith sich oile, and yyueth therof to an alien, he schal be `destried fro his puple.Select Exodus 30:33

34Forsothe the Lord seide to Moises, Take to thee swete smellynge spyceries, stacten , and onyca , galban of good odour, and pureste encense, alle schulen be of euene weiyte.Select Exodus 30:34

35And thou schal make encence, maad by werk of oynement makere, meddlid diligentli, and pure, and moost worthi of halewyng.Select Exodus 30:35

36And whanne thou hast powned alle thingis in to smalleste poudre, thou schalt putte therof bifor the tabernacle of witnessyng, in which place Y schal appere to thee; encense schal be to you the hooli of hooli thingis.Select Exodus 30:36

37Ye schulen not make siche a makyng in to youre vsis, for it is hooli to the Lord.Select Exodus 30:37

38What euer man makith a lijk thing, that he vse the odour therof, he schal perische fro his puple.Select Exodus 30:38