37Exodus 37

1Forsothe Beseleel made also an arke of the trees of Sechym, hauynge twey cubitis and an half in lengthe, and a cubit and an half in breede; forsothe the hiynesse was of o cubit and an half; and he clothide the arke with purest gold, with ynne and without forth.Select Exodus 37:1

2And he made to it a goldun coroun `bi cumpas,Select Exodus 37:2

3and yetide foure goldun ryngis, bi foure corneris therof, twey ryngis in o side, and twei ryngis in the tother side.Select Exodus 37:3

4And he made barris of the trees of Sechym, whiche barris he clothide with gold,Select Exodus 37:4

5and whiche barris he putte into the ryngis that weren in the sidis of the arke, to bere it.Select Exodus 37:5

6He made also a propiciatorie, that is, Goddis answeryng place, of pureste gold, of twei cubitis and an half in lengthe, and of o cubit and an half in breede.Select Exodus 37:6

7Also he made twei cherubyns of gold, betun out with hamer, whiche he settide on euer eithir side of the propiciatorie,Select Exodus 37:7

8o cherub in the hiynesse of o part, and the tother cherub in the hiynesse of the tothir part; twei cherubyns, oon in ech hiynesse of the propiciatorie, stretchynge out the wengis,Select Exodus 37:8

9and hilynge the propiciatorie, and biholdynge hem silf togidere and that.Select Exodus 37:9

10He made also a boord of `the trees of Sechym, in the lengthe of twey cubitis, and in the breede of o cubit, whiche boord hadde `a cubit and an half in heiythe.Select Exodus 37:10

11And he cumpaside the boord with clenneste gold, and made to it a goldun brynke bi cumpas;Select Exodus 37:11

12and he made to that brynke a goldun coroun, rasid bitwixe of foure fyngris; and on the same coroun he made anothir goldun coroun.Select Exodus 37:12

13Also he yetide foure goldun serclis whiche he settide in foure corneris,Select Exodus 37:13

14bi alle the feet of the boord ayens the coroun, and he puttide barris in to the serclis, that the `boord may be borun.Select Exodus 37:14

15And he made tho barris of the trees of Sechym, and cumpasside tho with gold.Select Exodus 37:15

16And he made vesselis to dyuerse vsis of the boord, vessels of vynegre, violis, and litle cuppis, and censeris of pure gold, in whiche the fletynge sacrifices schulen be offrid.Select Exodus 37:16

17And he made a candilstike, betun out with hamer, of clenneste gold, of whos barre yerdis, cuppis, and litle rundelis and lilies camen forth;Select Exodus 37:17

18sixe in euer eithir side, thre yerdis on o side, and thre on the tother side; thre cuppis in the maner of a note bi ech yerde, and litle rundels to gidere, and lilies;Select Exodus 37:18

19and thre cuppis at the licnesse of a note in the tother yerde, and litle rundels to gidere, and lilies; forsothe the werk of sixe schaftis, that camen forth of the `stok of the candilstike, was euene.Select Exodus 37:19

20Sotheli in that barre weren foure cuppis, in the maner of a note, and litle rundels and lilies weren bi alle cuppis;Select Exodus 37:20

21and litle rundels vndur twei schaftis, bi thre placis, whiche to gidre be maad sixe schaftis comynge forth of o barre;Select Exodus 37:21

22therfor and the litle rundels, and schaftis therof, weren alle betun out with hamer, of pureste gold.Select Exodus 37:22

23He made also seuene lanternes, with her `snytyng tongis, and the vessels where `tho thingis, that ben snytid out, ben quenchid, of clennest gold.Select Exodus 37:23

24The candilstike with alle his vessels weiyede a talent of gold.Select Exodus 37:24

25He made also the auter of encense, of trees of Sechym, hauynge a cubit bi square, and twei cubitis in heiythe, of whos corneris camen forth hornes.Select Exodus 37:25

26And he clothide it with clenneste gold, and the gridele, and wallis, and hornes;Select Exodus 37:26

27and he made to it a litil goldun coroun bi cumpas, and twei goldun ryngis vndur the coroun, bi ech syde, that barris be put in to tho, and the auter mow be borun.Select Exodus 37:27

28Forsothe he made tho barris of the trees of Sechym, and hilide with goldun platis.Select Exodus 37:28

29He made also oile to the oynement of halewyng, and encense of swete smellynge spiceries, moost clene, bi the werk of `a makere of oynement.Select Exodus 37:29