13Hosea 13

1For Effraym spak, hidousnesse assailide Israel; and he trespasside in Baal, and was deed.Select Hosea 13:1

2And now thei addiden to do synne, and maden to hem a yotun ymage of her siluer, as the licnesse of idols; al is the makyng of crafti men. To these thei seien, A! ye men, offre, and worschipe caluys.Select Hosea 13:2

3Therfor thei schulen be as a morewtid cloude, and as the deew of morewtid, that passith forth, as dust rauyschide bi whirlewynd fro the corn floor, and as smoke of a chymenei.Select Hosea 13:3

4Forsothe Y am thi Lord God, `that ledde thee fro the loond of Egipt; and thou schalt not knowe God, outakun me, and no sauyour is, outakun me.Select Hosea 13:4

5Y knewe thee in the desert, in the lond of wildirnesse.Select Hosea 13:5

6Bi her lesewis thei weren fillid, and hadden abundaunce; thei reisiden her herte, and foryaten me.Select Hosea 13:6

7And Y schal be as a lionesse to hem, as a parde in the weye of Assiriens.Select Hosea 13:7

8Y as a femal bere, whanne the whelps ben rauyschid, schal mete hem; and schal al to-breke the ynnere thingis of the mawe of hem. And Y as a lioun schal waaste hem there; a beeste of the feeld schal al to-rende hem.Select Hosea 13:8

9Israel, thi perdicioun is of thee; thin help is oneli of me.Select Hosea 13:9

10Where is thi kyng? moost saue he thee now in alle thi citees; and where ben thi iugis, of whiche thou seidist, Yyue thou to me a kyng, and princes?Select Hosea 13:10

11Y schal yyue to thee a kyng in my strong veniaunce, and Y schal take awei in myn indignacioun.Select Hosea 13:11

12The wickidnesse of Effraym is boundun togidere; his synne is hid.Select Hosea 13:12

13The sorewis of a womman trauelynge of child schulen come to hym; he is a sone not wijs. For now he schal not stonde in the defoulyng of sones.Select Hosea 13:13

14Y schal delyuere hem fro the hoond of deeth, and Y schal ayenbie hem fro deth. Thou deth, Y schal be thi deth; thou helle, Y schal be thi mussel.Select Hosea 13:14

15Coumfort is hid fro myn iyen, for he schal departe bitwixe britheren. The Lord schal brynge a brennynge wynd, stiynge fro desert; and it schal make drie the veynes therof, and it schal make desolat the welle therof; and he schal rauysche the tresour of ech desirable vessel.Select Hosea 13:15