10Hebrews 10

1For the lawe hauinge a schadewe of good thingis `that ben to come, not the ilke image of thingis, mai neuer make men neiyinge perfit bi the ilke same sacrifices, which thei offren without ceessing bi alle yeeris;Select Hebrews 10:1

2ellis thei schulden haue ceessid to be offrid, for as myche as the worschiperis clensid onys, hadden not ferthermore conscience of synne.Select Hebrews 10:2

3But in hem mynde of synnes is maad bi alle yeris.Select Hebrews 10:3

4For it is impossible that synnes be doon awei bi blood of boolis, and of buckis of geet.Select Hebrews 10:4

5Therfor he entrynge in to the world, seith, Thou woldist not sacrifice and offryng; but thou hast schapun a bodi to me;Select Hebrews 10:5

6brent sacrificis also for synne plesiden not to thee.Select Hebrews 10:6

7Thanne Y seide, Lo! Y come; in the bigynnyng of the book it is writun of me, that Y do thi wille, God.Select Hebrews 10:7

8He seiynge bifor, That thou woldist not sacrificis, and offringis, and brent sacrifices for synne, ne tho thingis ben plesaunt to thee, whiche ben offrid bi the lawe,Select Hebrews 10:8

9thanne Y seide, Lo! Y come, that Y do thi wille, God. He doith awei the firste, that he make stidfast the secounde.Select Hebrews 10:9

10In which wille we ben halewid bi the offring of the bodi of Crist Jhesu onys.Select Hebrews 10:10

11And ech prest is redi mynystrynge ech dai, and ofte tymes offringe the same sacrifices, whiche moun neuere do awei synnes.Select Hebrews 10:11

12But this man offringe o sacrifice for synnes, for euere more sittith in the riythalf of God the fadir;Select Hebrews 10:12

13fro thennus forth abidinge, til hise enemyes ben put a stool of hise feet.Select Hebrews 10:13

14For bi oon offring he made perfit for euere halewid men.Select Hebrews 10:14

15And the Hooli Goost witnessith to vs; for aftir that he seide, This is the testament,Select Hebrews 10:15

16which Y schal witnesse to hem after tho daies, the Lord seith, in yyuynge my lawes in the hertis of hem, and in the soulis of hem Y schal aboue write hem;Select Hebrews 10:16

17and now Y schal no more thenke on the synnes and the wickidnessis of hem.Select Hebrews 10:17

18And where remyssioun of these is, now is ther noon offring for synne.Select Hebrews 10:18

19Therfor, britheren, hauynge trist in to the entring of hooli thingis in the blood of Crist,Select Hebrews 10:19

20which halewide to vs a newe weie, and lyuynge bi the hiling, that is to seie,Select Hebrews 10:20

21his fleisch, and we hauynge the greet preest on the hous of God,Select Hebrews 10:21

22neiye we with very herte in the plente of feith; and be oure hertis spreined fro an yuel conscience, and oure bodies waischun with clene watir,Select Hebrews 10:22

23and holde we the confessioun of oure hope, bowinge to no side; for he is trewe that hath made the biheeste.Select Hebrews 10:23

24And biholde we togidere in the stiring of charite and of good werkis; not forsakinge oure gadering togidere,Select Hebrews 10:24

25as it is of custom to sum men, but coumfortinge, and bi so myche the more, bi hou myche ye seen the dai neiyynge.Select Hebrews 10:25

26Forwhi now a sacrifice for synnes is not left to vs, that synnen wilfuli, aftir that we han take the knowyng of treuthe.Select Hebrews 10:26

27Forwhi sum abiding of the dom is dreedful, and the suyng of fier, which schal waste aduersaries.Select Hebrews 10:27

28Who that brekith Moises lawe, dieth withouten ony merci, bi tweine or thre witnessis;Select Hebrews 10:28

29hou myche more gessen ye, that he disserueth worse turmentis, which defouleth the sone of God, and holdith the blood of the testament pollut, in which he is halewid, and doith dispit to the spirit of grace?Select Hebrews 10:29

30For we knowen him that seide, To me veniaunce, and Y schal yelde. And eft, For the Lord schal deme his puple.Select Hebrews 10:30

31It is ferdful to falle in to the hondis of God lyuynge.Select Hebrews 10:31

32And haue ye mynde on the formere daies, in which ye weren liytned, and suffriden greet strijf of passiouns.Select Hebrews 10:32

33And in the `tothir ye weren maad a spectacle bi schenschipis and tribulaciouns; in an othir ye weren maad felowis of men lyuynge so.Select Hebrews 10:33

34For also to boundun men ye hadden compassioun, and ye resseyueden with ioye the robbyng of youre goodis, knowinge that ye han a betere and a dwellinge substaunce.Select Hebrews 10:34

35Therfor nyle ye leese youre trist, which hath greet rewarding.Select Hebrews 10:35

36For pacience is nedeful to you, that ye do the wille of God, and bringe ayen the biheest.Select Hebrews 10:36

37For yit a litil, and he that is to comynge schal come, and he schal not tarie.Select Hebrews 10:37

38For my iust man lyueth of feith; that if he withdrawith hym silf, he schal not plese to my soule.Select Hebrews 10:38

39But we ben not the sones of withdrawing awei in to perdicioun, but of feith in to getynge of soule.Select Hebrews 10:39