3Hebrews 3

1Therfor, hooli britheren, and parceneris of heuenli cleping, biholde ye the apostle and the bischop of oure confessioun, Jhesu,Select Hebrews 3:1

2which is trewe to hym that made hym, as also Moises in al the hous of hym.Select Hebrews 3:2

3But this byschop is had worthi of more glorie than Moises, bi as myche as he hath more honour of the hous, that made the hous.Select Hebrews 3:3

4For ech hous is maad of sum man; he that made alle thingis of nouyt is God.Select Hebrews 3:4

5And Moises was trewe in al his hous, as a seruaunt, in to witnessyng of tho thingis that weren to be seid;Select Hebrews 3:5

6but Crist as a sone in his hous. Which hous we ben, if we holden sad trist and glorie of hope in to the ende.Select Hebrews 3:6

7Wherfor as the Hooli Goost seith, To dai, if ye han herd his vois, nyle ye hardne youre hertis,Select Hebrews 3:7

8as in wraththing, lijk the dai of temptacioun in desert;Select Hebrews 3:8

9where youre fadris temptiden me, and preueden, and siyen my werkis fourti yeeris.Select Hebrews 3:9

10Wherfor Y was wrooth to this generacioun, and Y seide, Euere more thei erren in herte, for thei knewen not my weies;Select Hebrews 3:10

11to whiche Y swore in my wraththe, thei schulen not entre in to my reste.Select Hebrews 3:11

12Britheren, se ye, lest perauenture in ony of you be an yuel herte of vnbileue, to departe fro the lyuynge God.Select Hebrews 3:12

13But moneste you silf bi alle daies, the while to dai is named, that noon of you be hardned bi fallas of synne.Select Hebrews 3:13

14For we ben maad parceneris of Crist, if netheles we holden the bigynnyng of his substaunce sad in to the ende.Select Hebrews 3:14

15While it is seid, to dai, if ye han herd the vois of hym, nyle ye hardne youre hertis, as in that wraththing.Select Hebrews 3:15

16For summen heringe wraththiden, but not alle thei that wenten out of Egipt bi Moises.Select Hebrews 3:16

17But to whiche was he wraththid fourti yeeris? Whether not to hem that synneden, whos careyns weren cast doun in desert?Select Hebrews 3:17

18And to whiche swoor he, that thei schulden not entre in to the reste of hym, not but to hem that weren vnbileueful?Select Hebrews 3:18

19And we seen, that thei myyten not entre in to the reste of hym for vnbileue.Select Hebrews 3:19