111 Corinthians 11

1Be ye my foleweris, as Y am of Crist.Select 1 Corinthians 11:1

2And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden.Select 1 Corinthians 11:2

3But Y wole that ye wite, that Crist is heed of ech man; but the heed of the womman is the man; and the heed of Crist is God.Select 1 Corinthians 11:3

4Ech man preiynge, or profeciynge, whanne his heed is hilid, defoulith his heed.Select 1 Corinthians 11:4

5But ech womman preiynge, or profeciynge, whanne hir heed is not hilid, defoulith hir heed; for it is oon, as if sche were pollid.Select 1 Corinthians 11:5

6And if a womman be not keuered, be sche pollid; and if it is foul thing to a womman to be pollid, or to be maad ballid, hile sche hir heed.Select 1 Corinthians 11:6

7But a man schal not hile his heed, for he is the ymage and the glorie of God; but a womman is the glorie of man.Select 1 Corinthians 11:7

8For a man is not of the womman, but the womman of the man.Select 1 Corinthians 11:8

9And the man is not maad for the womman, but the womman for the man.Select 1 Corinthians 11:9

10Therfor the womman schal haue an hilyng on hir heed, also for aungelis.Select 1 Corinthians 11:10

11Netheles nether the man is with outen womman, nether the womman is with oute man, in the Lord.Select 1 Corinthians 11:11

12Forwhi as the womman is of man, so the man is bi the womman; but alle thingis ben of God.Select 1 Corinthians 11:12

13Deme ye you silf; bisemeth it a womman not hilid on the heed to preye God?Select 1 Corinthians 11:13

14Nether the kynde it silf techith vs, for if a man nursche longe heer, it is schenschipe to hym;Select 1 Corinthians 11:14

15but if a womman nurische longe heer, it is glorie to hir, for heeris ben youun to hir for keueryng.Select 1 Corinthians 11:15

16But if ony man is seyn to be ful of strijf, we han noon siche custom, nethir the chirche of God.Select 1 Corinthians 11:16

17But this thing Y comaunde, not preisynge, that ye comen togidere not in to the betere, but in to the worse.Select 1 Corinthians 11:17

18First for whanne ye comen togidere in to the chirche, Y here that discenciouns ben, and in parti Y bileue.Select 1 Corinthians 11:18

19For it bihoueth eresies to be, that thei that ben prouyd, ben opynli knowun in you.Select 1 Corinthians 11:19

20Therfor whanne ye comen togidere in to oon, now it is not to ete the Lordis soper;Select 1 Corinthians 11:20

21for whi ech man bifor takith his soper to ete, and oon is hungry, and another is drunkun.Select 1 Corinthians 11:21

22Whether ye han not housis to ete and drynke, or ye dispisen the chirche of God, and confounden hem that han noon? What schal Y seie to you? Y preise you, but here yn Y preise you not.Select 1 Corinthians 11:22

23For Y haue takun of the Lord that thing, which Y haue bitakun to you. For the Lord Jhesu, in what niyt he was bitraied,Select 1 Corinthians 11:23

24took breed, and dide thankyngis, and brak, and seide, Take ye, and ete ye; this is my bodi, which schal be bitraied for you; do ye this thing in to my mynde.Select 1 Corinthians 11:24

25Also the cuppe, aftir that he hadde soupid, and seide, This cuppe is the newe testament in my blood; do ye this thing, as ofte as ye schulen drynke, in to my mynde.Select 1 Corinthians 11:25

26For as ofte as ye schulen ete this breed, and schulen drynke the cuppe, ye schulen telle the deth of the Lord, til that he come.Select 1 Corinthians 11:26

27Therfor who euere etith the breed, or drynkith the cuppe of the Lord vnworthili, he schal be gilti of the bodi and of the blood of the Lord.Select 1 Corinthians 11:27

28But preue a man hym silf, and so ete he of `the ilke breed, and drynke of the cuppe.Select 1 Corinthians 11:28

29For he that etith and drinkith vnworthili, etith and drinkith doom to hym, not wiseli demyng the bodi of the Lord.Select 1 Corinthians 11:29

30Therfor among you many ben sijke and feble, and manye slepen.Select 1 Corinthians 11:30

31And if we demyden wiseli vs silf, we schulden not be demyd;Select 1 Corinthians 11:31

32but while we ben demyd of the Lord, we ben chastisid, that we be not dampnyd with this world.Select 1 Corinthians 11:32

33Therfor, my britheren, whanne ye comen togidere to ete, abide ye togidere.Select 1 Corinthians 11:33

34If ony man hungrith, ete he at home, that ye come not togidere in to doom. And Y schal dispose othere thingis, whanne Y come.Select 1 Corinthians 11:34