151 Corinthians 15

1`Sotheli, britheren, Y make the gospel knowun to you, which Y haue prechid to you, the which also ye han takun, in which ye stonden,Select 1 Corinthians 15:1

2also bi which ye schulen be sauyd; `bi which resoun Y haue prechid to you, if ye holden, `if ye han not bileuyd ideli.Select 1 Corinthians 15:2

3For Y bitook to you at the bigynnyng that thing which also Y haue resseyued; that Crist was deed for oure synnes, bi the scripturis;Select 1 Corinthians 15:3

4and that he was biried, and that he roos ayen in the thridde dai, after scripturis;Select 1 Corinthians 15:4

5and that he was seyn to Cephas, and aftir these thingis to enleuene;Select 1 Corinthians 15:5

6aftirward he was seyn to mo than fyue hundrid britheren togidere, of whiche manye lyuen yit, but summe ben deed; aftirward he was seyn to James,Select 1 Corinthians 15:6

7and aftirward to alle the apostlis.Select 1 Corinthians 15:7

8And last of alle he was seyn also to me, as to a deed borun child.Select 1 Corinthians 15:8

9For Y am the leste of apostlis, that am not worthi to be clepid apostle, for Y pursuede the chirche of God.Select 1 Corinthians 15:9

10But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me.Select 1 Corinthians 15:10

11But whether Y, or thei, so we han prechid, and so ye han bileuyd.Select 1 Corinthians 15:11

12And if Crist is prechid, that he roos ayen fro deeth, hou seien summen among you, that the ayenrisyng of deed men is not?Select 1 Corinthians 15:12

13And if the ayenrisyng of deed men is not, nethir Crist roos ayen fro deeth.Select 1 Corinthians 15:13

14And if Crist roos not, oure preching is veyn, oure feith is veyn.Select 1 Corinthians 15:14

15And we ben foundun false witnessis of God, for we han seid witnessyng ayens God, that he reiside Crist, whom he reiside not, if deed men risen not ayen.Select 1 Corinthians 15:15

16Forwhi if deed men risen not ayen, nether Crist roos ayen;Select 1 Corinthians 15:16

17and if Crist roos not ayen, oure feith is veyn; and yit ye ben in youre synnes.Select 1 Corinthians 15:17

18And thanne thei that han diede in Crist, han perischid.Select 1 Corinthians 15:18

19If in this life oneli we ben hoping in Crist, we ben more wretchis than alle men.Select 1 Corinthians 15:19

20But now Crist roos ayen fro deth, the firste fruit of deed men;Select 1 Corinthians 15:20

21for deeth was bi a man, and bi a man is ayenrisyng fro deth.Select 1 Corinthians 15:21

22And as in Adam alle men dien, so in Crist alle men schulen be quykenyd.Select 1 Corinthians 15:22

23But ech man in his ordre; the firste fruit, Crist, afterward thei that ben of Crist, that bileueden in the comyng of Crist;Select 1 Corinthians 15:23

24aftirward an ende, whanne he schal bitake the kyngdom to God and to the fadir, whanne he schal auoide al princehod, and power, and vertu.Select 1 Corinthians 15:24

25But it bihoueth hym to regne, til he putte alle hise enemyes vndur hise feet.Select 1 Corinthians 15:25

26And at the laste, deth the enemye schal be distried; for he hath maad suget alle thingis vndur hise feet.Select 1 Corinthians 15:26

27And whanne he seith, alle thingis ben suget to hym, with outen doubt outakun hym that sugetide alle thingis to hym.Select 1 Corinthians 15:27

28And whanne alle thingis ben suget to hym, thanne the sone hym silf schal be suget to hym, that made `alle thingis suget to hym, that God be alle thingis in alle thingis.Select 1 Corinthians 15:28

29Ellis what schulen thei do, that ben baptisid for deed men, if in no wise deed men risen ayen? wherto ben thei baptisid for hem?Select 1 Corinthians 15:29

30And wherto ben we in perel euery our?Select 1 Corinthians 15:30

31Ech dai Y die for youre glorie, britheren, which glorie Y haue in Crist Jhesu oure Lord.Select 1 Corinthians 15:31

32If aftir man Y haue fouyten to beestis at Efesi, what profitith it to me, if deed men risen not ayen? Ete we, and drynke we, for we schulen die to morewe.Select 1 Corinthians 15:32

33Nyle ye be disseyued; for yuel spechis distrien good thewis.Select 1 Corinthians 15:33

34Awake ye, iuste men, and nyle ye do synne; for summen han ignoraunce of God, but to reuerence Y speke to you.Select 1 Corinthians 15:34

35But summan seith, Hou schulen deed men rise ayen, or in what maner bodi schulen thei come?Select 1 Corinthians 15:35

36Vnwise man, that thing that thou sowist, is not quykened, but it die first;Select 1 Corinthians 15:36

37and that thing that thou sowist, `thou sowist not the bodi that is to come, but a nakid corn, as of whete, or of summe othere seedis;Select 1 Corinthians 15:37

38and God yyueth to it a bodi, as he wole, and to ech of seedis a propir bodi.Select 1 Corinthians 15:38

39Not ech fleisch is the same fleisch, but oon is of men, another is of beestis, another is of briddis, an othere of fischis.Select 1 Corinthians 15:39

40And `heuenli bodies ben, and `ertheli bodies ben; but oon glorie is of heuenely bodies, and anothir is of ertheli.Select 1 Corinthians 15:40

41An othere clerenesse is of the sunne, anothere clerenesse is of the moone, and anothere clerenesse is of sterris; and a sterre dyuersith fro a sterre in clerenesse.Select 1 Corinthians 15:41

42And so the ayenrisyng of deed men. It is sowun in corrupcioun, it schal rise in vncorrupcioun;Select 1 Corinthians 15:42

43it is sowun in vnnoblei, it schal rise in glorie; it is sowun in infirmyte, it schal rise in vertu;Select 1 Corinthians 15:43

44it is sowun a beestly bodi, it schal rise a spiritual bodi. If ther is a beestli bodi, ther is also a spiritual bodi;Select 1 Corinthians 15:44

45as it is writun, The firste man Adam was maad in to a soule lyuynge, the laste Adam in to a spirit quykenynge.Select 1 Corinthians 15:45

46But the firste is not that that is spiritual, but that that is beestlich, aftirward that that is spiritual.Select 1 Corinthians 15:46

47The firste man of erthe is ertheli; the secounde man of heuene is heuenelich.Select 1 Corinthians 15:47

48Such as the ertheli man is, such ben the ertheli men; and such as the heueneli man is, suche ben also the heueneli men.Select 1 Corinthians 15:48

49Therfor as we han bore the ymage of the ertheli man, bere we also the ymage of the heuenli.Select 1 Corinthians 15:49

50Britheren, Y seie this thing, that fleisch and bloud moun not welde the kyngdom of God, nethir corrupcioun schal welde vncorrupcioun.Select 1 Corinthians 15:50

51Lo! Y seie to you priuyte of hooli thingis. And alle we schulen rise ayen, but not alle we schulen be chaungid;Select 1 Corinthians 15:51

52in a moment, in the twynklyng of an iye, in the laste trumpe; for the trumpe schal sowne, and deed men schulen rise ayen, with oute corrupcioun, and we schulen be chaungid.Select 1 Corinthians 15:52

53For it byhoueth this corruptible thing to clothe vncorrupcioun, and this deedli thing to putte awei vndeedlinesse.Select 1 Corinthians 15:53

54But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie.Select 1 Corinthians 15:54

55Deth, where is thi victorie? Deth, where is thi pricke?Select 1 Corinthians 15:55

56But the pricke of deth is synne; and the vertu of synne is the lawe.Select 1 Corinthians 15:56

57But do we thankyngis to God, that yaf to vs victorie bi oure Lord Jhesu Crist.Select 1 Corinthians 15:57

58Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.Select 1 Corinthians 15:58