81 Corinthians 8

1But of these thingis that ben sacrified to ydols, we witen, for alle we han kunnyng. But kunnyng blowith, charite edefieth.Select 1 Corinthians 8:1

2But if ony man gessith, that he kan ony thing, he hath not yit knowe hou it bihoueth hym to kunne.Select 1 Corinthians 8:2

3And if ony man loueth God, this is knowun of hym.Select 1 Corinthians 8:3

4But of metis that ben offrid to idols, we witen, that an idol is no thing in the world, and that ther is no God but oon.Select 1 Corinthians 8:4

5For thouy ther ben summe that ben seid goddis, ethir in heuene, ether in erthe, as ther ben many goddis, and many lordis;Select 1 Corinthians 8:5

6netheles to vs is o God, the fadir, of whom ben alle thingis, and we in hym; and o Lord Jhesu Crist, bi whom ben alle thingis, and we bi hym.Select 1 Corinthians 8:6

7But not in alle men is kunnyng. For summen with conscience of ydol til now eten as thing offrid to idolis; and her conscience is defoulid, for it is sijk.Select 1 Corinthians 8:7

8Mete comendith vs not to God; for nether we schulen faile, if we eten not, nether if we eten, we schulen haue plente.Select 1 Corinthians 8:8

9But se ye, lest perauenture this your leeue be maad hurtyng to sijke men.Select 1 Corinthians 8:9

10For if ony man schal se hym, that hath kunnyng, etynge in a place where idols ben worschipid, whethir his conscience, sithen it is sijke, schal not be edified to ete thingis offrid to idols?Select 1 Corinthians 8:10

11And the sijk brothir, for whom Crist diede, schal perische in thi kunnyng.Select 1 Corinthians 8:11

12For thus ye synnyng ayens britheren, and smytynge her sijk conscience synnen ayens Crist.Select 1 Corinthians 8:12

13Wherfor if mete sclaundrith my brother, Y schal neuere ete fleisch, lest Y sclaundre my brothir.Select 1 Corinthians 8:13