11 Thessalonians 1

1Poul, and Siluan, and Tymothe, to the chirche of Tessalonicensis, in God the fadir,Select 1 Thessalonians 1:1

2and in the Lord Jhesu Crist, grace and pees to you. We doon thankyngis to God euere more for alle you, and we maken mynde of you in oure preyeris withouten ceessyng;Select 1 Thessalonians 1:2

3hauynge mynde of the werk of youre feith, and trauel, and charite, and abyding of the hope of oure Lord Jhesu Crist, bifor God and oure fadir.Select 1 Thessalonians 1:3

4Ye louyde britheren of God, we witinge youre chesing;Select 1 Thessalonians 1:4

5for oure gospel was not at you in word oneli, but also in vertu, and in the Hooli Goost, and in myche plente; as ye witen, whiche we weren among you for you;Select 1 Thessalonians 1:5

6and ye ben maad foleweris of vs, and of the Lord, resseyuynge the word in myche tribulacioun, with ioye of the Hooli Goost;Select 1 Thessalonians 1:6

7so that ye ben maad ensaumple to alle men that bileuen, in Macedonye and in Acaie.Select 1 Thessalonians 1:7

8For of you the word of the Lord is pupplischid, not oneli in Macedonye and Acaie, but youre feith that is to God, in ech place is gon forth; so that it is not nede to vs to speke ony thing.Select 1 Thessalonians 1:8

9For thei schewen of you, what maner entre we hadden to you, and hou ye ben conuertid to God fro maumettis, to serue to the lyuynge God and veri; and to abide his sone fro heuenes,Select 1 Thessalonians 1:9

10whom he reiside fro deth, the Lord Jhesu, that delyuerede us fro wraththe to comynge.Select 1 Thessalonians 1:10